Gecə cəbhədə vəziyyət gərginləşib

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Gecə cəbhədə vəziyyət gərginləşib - VİDEO

Bolge

Oxunub: 6 218

24 apr 2016 | 10:53

Gecə saatlarında cəbhədə vəziyyət gərgınləşib

Ermənistan silahlı birləşmələri cəbhəyanı kəndləri atəşə tutub. Azerinfo.az anspress-ə istinadən xəbər verir ki, ANS-in çəkiliş qrupu kəndin atəşə tutulmasını lentə ala bilib. Nisbi sakitlik isə Azərbaycan Silahlı Qüvvələrinin cavab zərbələrindən sonra bərpa olunub.

Aprel ayının əvvəlində başlayan 4 günlük hərbi əməliyyatlardan sonra cəbhədə ağır artilleriya silahlarının səsləri eşidilməsə də, atəş səsləri səngiməyib. Qarşı tərəf, əsasən, axşam saatlarında cəbhəboyu "aktivlik" göstərir. Qarşı tərəf bu dəfə Tərtərin cəbhə xəttinə yaxın yerləşən Qapanlı kəndini gülləbaran edir.

Kənd sakinləri: "Öz vətənimzidə, torpağımızdayıq. Biz buranı tərk eləməyəcəyik. Burdayıq, burada da olacağıq."

Kənd sakinlərinin sözlərinə görə, hərbi əməliyyatlar dayandıqdan sonra təqribən 2-3 gün cəbhədə sakitlik olub. Qapanlı sakini Elşən Məmmədov deyir ki, açıq əraziyə çıxmaq təhlükəli olduğundan mal-qaranı qapalı yerlərdə saxlamaq məcburiyyətində qalırlar. Təmas xəttinə yaxın yerləşən əkin sahələrinə isə çıxmaq, ümumiyyətlə, mümkün deyil.

"Mal-qara əlimizdə qalıb. Tövlədə saxlayırıq, heç hara çıxmağa imkan yoxdur. Sahəmizə çıxa bilmirik. Şükür kənddə, hələ ki, salamatçılıqdır, atəş açıblar mərmilər kəndin qıraq-bucağına dəyib", - kənd sakini Elşən Məmmədov dedi.

Gecəyə doğru atəş səsləri daha da intensivləşir. Çəkiliş qrupu kəndin atəşə tutulmasını lentə ala bilir. Atışma fasilələrlə təqribən 1 saat davam edir.

Hər anı təhlükəli, güzəranlarının çətin olmasına baxmayaraq kənddə heç kim ata-baba yurdunu tərk etmək fikrində deyil.

"Təsərrüfatımıza baxa bilmirik, taxılımız, yoncamız məhv olub gedir, imkan vermirlər ki, çıxaq təssərrüfatla məşğul olaq. Dolanışığımız zəifdir. Amma biz ruhdan düşmürük, yenə də öz ev-eşiyimizdə, öz vətənimzidə, torpağımızdayıq. Biz buranı tərk eləməyəcəyik. Burdayıq, burada da olacağıq", - kənd sakini Natiq Quliyev bildirdi.

Gecə boyu erməni silahlı birləşmələri Tərtərin Qapanlı kəndi ilə yanaşı cəbhənin Ağdam istiqamətində də Azərbaycan Ordusunun mövqelərini və yaşayış məntəqələrini atəşə məruz qoyub. Təmas xəttində nisbi sakitlik isə Azərbaycan Silahlı Qüvvələrinin cavab zərbələrindən sonra bərpa olunub.