Zərdab rayonunda Hesabat yığıncağı keçirilib

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Zərdab rayonunda Hesabat yığıncağı keçirilib

Bolge

Oxunub: 1 686

17 okt 2014 | 16:45

16 oktyabr 2014-cü il tarixdə Heydər Əliyev Mərkəzində "Azərbaycan Respublikası Nazirlər Kabinetinin 2014-cü ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunan iclasında Respublika Prezidenti cənab İlham Əliyevin nitqlərinin tələbləri baxımından cari ilin 9 ayında rayonda görülən işlər və qarşıda duran vəzifələr barədə" Zərdab Rayon İcra Hakimiyyətinin başçısı cənab L.B.Babayevin hesabat yığıncağı keçirilib. Öncə ilin 9 ayı ərzində rayonda görülən işləri əks etdirən videoçarx nümayiş etdirilib. Hesabat məruzəsi ilə çıxış edən İcra Hakimiyyətinin başçısı Lütvəli Babayev qeyd edib ki, ölkə Prezidentinin həyata keçirdiyi məqsədyönlü siyasət nəticəsində respublikanın digər şəhər və rayonlarında olduğu kimi Zərdabda da sosial-infrastruktur layihələr icra olunub. Cari ilin yanvar-sentyabr ayları ərzində rayonda 82 milyon 78 min 500 manatlıq məhsul istehsal edilib. Bu göstərici əvvəlki ilin müvafiq dövrünə nisbətən 2 milyon manat çoxdur. Hesabat dövrü ərzində həyata keçirilən tədbirlər nəticəsində Zərdabda 246 daimi iş yeri yaradılıb. Rayon rəhbəri məlumat verib ki, təhsil və səhiyyə müəssisələrinin maddi-texniki bazalarının möhkəmləndirilməsi də diqqət mərkəzində saxlanılıb. Belə ki, Otmanoba və Körpükənd yaşayış məntəqələrindəki məktəb binaları, Böyük Dəkkə və Dəkkəoba kəndlərindəki uşaq bağçaları əsaslı şəkildə təmir edilib. Heydər Əliyev Fondunun məktəbəqədər tərbiyə müəssisələrinin inkişafı proqramı çərçivəsində hər biri 50 yerlik olmaqla 2 körpələr evinin tikintisi davam etdirilib. Rayon Mərkəzi Xəstəxanasının yenidən qurulmasında ləngimələrə yol verilməyib. Rayonun mərkəzi küçələrində, Heydər Əliyev parkında və prospektində quruculuq, abadlıq, təmir-bərpa tədbirləri aparılıb. Yollara asfalt örtüyü döşənib. Uzunluğu 2 km-ə qədər olan Rəhim Bəy Məlikov küçəsində yol asfaltlanıb. Milli Təhlükəsizlik Nazirliyinin Zərdab rayon şöbəsinin inzibati binasında son tamamlama işləri aparılır. Vergilər Nazirliyinin Vergi Ödəyicilərinə Regional Xidmət Mərkəzinin və Kənd Təsərrüfatı Nazirliyinin Zərdabda yaradılacaq idarəsi üçün yeni inzibati binanın inşasına başlanılıb. Rayon əhalisinin içməli suya olan tələbatını ödəmək üçün 17 ədəd modul tipli sutəmizləyici qurğu, 194 ədəd bulaq istifadəyə verilib. Bununla belə 528 abonent mavi yanacaqla təmin olunub. 2014-cü ilin yanvar-sentyabr ayları ərzində magistral yol kənarlarında, pay torpaqlarında və digər ərazilərdə 25 minə yaxın şam, küknar, iydə, türk qovağı və digər ağac növləri əkilib.
Hesabat dövründə ümumilikdə 18031 hektar taxıl sahəsindən 49732 ton taxıl məhsulu istehsal olunub. Bu da ötən ildəkindən 2700 ton çoxdur.
Yığıncaqda Suvarma Sistemləri İdarəsinin rəisi, "Tərəqqi" medallı Soltan Sadıqov, Rayon İcra Hakimiyyəti Başçısının Çallı kənd inzibati ərazi dairəsi üzrə nümayəndəsi, "Dövlət qulluğunda fərqlənməyə görə medalı" ilə təltif olunmuş Ramiz Məmmədov və digərləri çıxış ediblər.
Sonda müvafiq qərar və ölkə Prezidentinə müraciət qəbul olunub.

http://zerdab-ih.gov.az