11-10-2014, 08:05 Oxunub: 1 353

Salyan - Hər şey əhalinin rifah halının yaxşılaşmasına hesablanır

Salyan - Hər şey əhalinin rifah halının yaxşılaşmasına hesablanır

Rayon icra hakimiyyəti qarşıya qoyulan vəzifələrin yerinə yetirilməsi üçün işgüzar mühitin formalaşmasına nail olub

Tahir Kərimov Salyana İH başçısı təyin edildikdən sonra bu rayonda sözün həqiqi mənasında bir sıçrayış,tərəqqi hiss olunmağa başladı.Elə ilk gündən rayonda böyük abadlıq, quruculuq işlərinə start verildi. Yollar genişləndirildi, gözəl binaların tikintisinə başlanıldı. Bu hələ görülən işlərin ilk mərhələsi idi. Rayon icra hakimiyyəti qarşıya qoyulan vəzifələrin yerinə yetirilməsi üçün işgüzar mühitin formalaşmasına nail oldu.

Regionun digər rayonları kimi, Salyanda da yeni iş yerləri açılır, əhalinin məşğulluq səviyyəsi, sosial rifahı artır.

Salyan rayonuna kimin yolu düşürsə, sözün əsl mənasında, burada gördüklərinə heyran olur. Rayon mərkəzi — Salyan şəhəri gündən–günə dəyişilir. Burada yeni istirahət mərkəzləri yaradılır, müasir memarlıq üslubunda tikilmiş binalar göz oxşayır. İnfrastuktur yenilənir, əhalinin məişət şəraiti yaxşılaşır, mavi yanacaq, içməli su, elektrik enerjisi sarıdan əvvəllər mövcud olan problemlər sürətlə aradan qaldırılır. Rayonda görüşüb söhbət etdiyimiz insanlarda bölgənin inkişafından razı qaldıqlarını bildirirlər.

Salyan Rayon İcra Hakimiyyətinin başçısı Tahir Kərimov inkişafın bundan sonra da davamlı olacağını deyir.

İcra başçısı onu da əlavə edir ki, cari ilin birinci rübündə əldə olunan nailiyyətlər bu inkişafın bariz nümunəsidir.

İcra başçısı söhbətinə konkret misallarla davam edir:

— Salyan rayonunun sosial–iqtisadi inkişafı sahəsində cari ilin birinci rübündə görülən işlər cənab İlham Əliyevin imzaladığı və yerinə yetirilməsinə şəxsən nəzarət etdiyi regionların sosial–iqtisadi inkişafına dair dövlət proqramlarının uğurlu icrasının məntiqi nəticəsidir. Qısa tarixi bir müddətdə ən mürəkkəb sosial problemləri müvəffəqiyyətlə həll edərək Azərbaycanı güclü iqtisadi potensialı, maliyyə resursları, müasir infrastruktur şəbəkələri olan qüdrətli bir dövlətə çevirmək cənab İlham Əliyevin böyük uzaqgörənliyi, idarəçilik məharəti, beynəlxalq aləmdə nüfuzlu mövqeyi, qətiyyəti siyasi tədbirlərin sayəsində baş vermişdir. Son illər Salyan rayonu sözün həqiqi mənasında yeni inkişaf mərhələsinə qədəm qoymuşdur. Bu gün rayonda görülən irihəcmli işlər hər kəsin diqqətini cəlb etməklə böyük razılıqla qarşılanır. Şəhərin və ətraf ərazinin abadlaşdırılması istiqamətində tədbirlər ardıcıllıqla davam etdirilir.

Bu gün böyük razılıq hissi ilə deyə bilərəm ki, cənab İlham Əliyevin diqqət və qayğısı, tapşırıq və göstərişləri, aidiyyəti dövlət orqanlarının, xüsusən də Fövqəladə Hallar Nazirliyinin böyük səyi, ardıcıl tədbirləri sayəsində subasmaya məruz qalmış yaşayış məntəqələrində iqtisadi və sosial həyat tam bərpa olunmuş, bütün infrastruktur yenidən qurularaq insanların rahat şəraiti təmin edilmişdir.

Rayon icra hakimiyyətinin gündəlik diqqət ayırdığı sahələrdən biri əhalinin elektrik enerjisi, qaz və içməli su təminatının yaxşılaşdırılması, mövcud olan problemlərin müəyyən edilərək aradan qaldırılması, bu sahələrdə neqativ halların baş verməməsi üçün sayğaclaşmanın başa çatdırılması, istehlak olunan elektrik enerjisi, qaz və suyun dəyərinin bütünlüklə toplanılmasına nəzarətin artırılması olmuşdur.

Azərbaycan Respublikası Prezident Administrasiyasının tövsiyələri rəhbər tutularaq əhali ilə hər həftə səyyar qəbullar keçirilmiş, qaldırılan problemlərin həlli istiqamətində son illərin ən yaxşı təcrübəsi olan, insanlarla birbaşa təmas yaratmağın əhəmiyyətindən lazımınca istifadə edilməsinə başlıca yer ayrılmışdır.

Azərbaycan Respublikasının Prezidenti cənab İlham Əliyevin rəhbərliyi ilə uğurla həyata keçirilən daxili və xarici siyasətin başlıca məqsədi—hər şey insan naminə, insanın rifahı üçün olan proqram müddəası indi getdikcə daha dərin, daha konkret məzmun kəsb edir. Zaman hər bir insanın gərgin və yaradıcılıqla işləməsini tələb edir. Hamımız birgə işləməli, vətəndaşlıq borcumuzu yerinə yetirməli, cəmiyyətin rifahı naminə vicdanla çalışmaq nümunəsi göstərməliyik.

Çox qədim tarixə və zəngin ənənələrə malik olan Salyan indi özünün yeni inkişaf dövrünü yaşamaqdadır. Son bir neçə ildə rayon iqtisadiyyatına milyonlarla manat əsaslı vəsait qoyulmuşdur. Azərbaycan Respublikasının Prezidenti İlham Əliyevin Salyana etdiyi son səfərlər, rayonun sosial-iqtisadi inkişafına dair əlavə ayrılan vəsaitlər hesabına rayonun infrastrukturu nəzərəçarpacaq dərəcədə dəyişməkdədir. Yenilənən təkcə sosial-iqtisadi həyat deyil, eyni zamanda rayonda maddi-mənəvi dəyərlərin qorunması da yüksək səviyyədədir.

Məlum olduğu kimi, Azərbaycan Respublikasının Prezidenti cənab İlham Əliyev 29 oktyabr 2013-cü il tarixində Muğan Babazanlı abidələrinin 2800 illiyinin keçirilməsi barədə Sərəncam imzalamışdır. Sərəncamda olduqca zəngin və böyük keçmişə malik Salyan ulu əcdadlarımızın ən qədim zamanlardan yaşayış məskəni seçdikləri ərazi kimi təqdim edilir. Muğan Babazanlı abidələrinin 2800 illiyinin qeyd edilməsi Respublika Mədəniyyət və Turizm Nazirliyi, Azərbaycan Milli Elmlər Akademiyası və Salyan rayon İcra hakimiyyəti ilə birlikdə geniş şəkildə qeyd edilməsi nəzərdə tutulur.

Muğan Babazanlı abidələrinin 2800 illik yubileyinin yüksək səviyyədə keçirilməsi bölgənin, bütövlükdə respublikamızın mədəni-ictimai həyatında mühüm hadisədir. Ona görə də özünün qədim tarixi ənənələri ilə fəxr edən Salyan yubiley tədbirini yüksək səviyyədə keçirməyə hazırlaşır.

İlk belə tədbir 10 oktyabr tarixində Salyan məktəblilərin şəhər mərkəzindən başlayaraq ümummili lider Heydər Əliyevin adını daşıyan parka qədər olan məsafəyə etdikləri yürüşlə start götürüb. Yürüşün sonunda tədbir iştirakçıları Ulu Öndərin abidəsini ziyarət ediblər. Azerinfo.az Muğan Babazanlı abidələrinin 2800 illik yubileyinə həsr edilmiş həmin yürüşdən fotonu təqdim edir.

Salyan - Hər şey əhalinin rifah halının yaxşılaşmasına hesablanır

Salyan - Hər şey əhalinin rifah halının yaxşılaşmasına hesablanır

Salyan - Hər şey əhalinin rifah halının yaxşılaşmasına hesablanır

Salyan - Hər şey əhalinin rifah halının yaxşılaşmasına hesablanır

Salyan - Hər şey əhalinin rifah halının yaxşılaşmasına hesablanır

Salyan - Hər şey əhalinin rifah halının yaxşılaşmasına hesablanır

Salyan - Hər şey əhalinin rifah halının yaxşılaşmasına hesablanır

Salyan - Hər şey əhalinin rifah halının yaxşılaşmasına hesablanır

Salyan - Hər şey əhalinin rifah halının yaxşılaşmasına hesablanır
Samux rayon İcra Hakimiyyəti başçısının Hesabat yığıncağı keçirilmişdir Samux rayon İcra Hakimiyyəti başçısının Hesabat yığıncağı keçirilmişdir Bolge Tərtərin Azadqaraqoyunlu kəndində səyyar qəbul-görüş keçirilmişd Tərtərin Azadqaraqoyunlu kəndində səyyar qəbul-görüş keçirilmişd Bolge Mehriban Əliyeva və qızları Bakı Kristal Zalında Mehriban Əliyeva və qızları Bakı Kristal Zalında Medeniyyet Samux rayonu tərəqqi yolunda Samux rayonu tərəqqi yolunda Gundem