İcra başçısına söykənən özbaşınalıq...

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

İcra başçısına söykənən özbaşınalıq... - Göygöldə

Bolge

Oxunub: 940

31 avq 2016 | 10:28

İcra başçısına söykənən özbaşınalıq... - Göygöldə

Bu gün Göygöl rayonunda 50 ümumtəhsil məktəbi, o cümlədən 39 tam, 10 ümumi orta, 1 ibtidai məktəb və 4 məktəbdənkənar tədris müəssisəsi fəaliyyət göstərir. Lakin onların böyük əksəriyyətində ciddi problemlər yaşanmaqdadır. Bu və digər önəmli məqamlarla bağlı əldə etdiyi bilgiləri Gundelik-Baku.com-la bölüşən məlumatlı şəxsin sözlərinə görə, hazırda Göygöl rayon təhsili Elbrus Yaqub oğlu Atayevin idarəçiliyi altında öz tənəzzül dövrünü yaşayır. Belə ki, adıçəkilən rayonda təhsil sistemi və ümumilikdə, təhsilin vəziyyətinin ürəkaçan olmadığını iddia edən mənbənin sözlərinə görə, bu gün Göygöl məktəblərində tədrisdən əsər-əlamət qalmayıb, şagirdlərin dərsə davamiyyəti isə aşağı səviyyədədir: «Deyilənlərə görə, məhz Göygöl Rayon Təhsil Şöbəsinin müdiri Elbrus Atayevin nöqsanlı fəaliyyəti nəticəsində rayonun təhsili son dərəcə ağır duruma düşüb və problemlər girdabında boğulmaq üzrədir. Bildirilir ki, Göygöl Rayon İcra Hakimiyyətinin başçısı Arif Seyidova arxalanan Elbrus Atayev təhsil şöbəsində öz «qayda»larını tətbiq edir və bu yolla külli miqdarda gəlir əldə edir. Ümumiyyətlə, rayonun orta məktəblərindəki attestat alveri ilə külli miqdarda pulun toplanıldığına dair söyləntilər də mövcuddur. Onu da nəzərinizə çatdırım ki, Elbrus Atayev Göygöl Rayon Təhsil Şöbəsinin müdiri vəzifəsinə keçdikdən sonra əsas diqqətini şəxsi maraqlarının təmin olunmasına yönəldib. Bu səbəbdən də rayondakı orta məktəblərin direktorları hər ay təhsil şöbəsinin müdirinin qəbulunda olur və «ənənəvi məsələ»ni yoluna qoyduqdan sonra geri qayıdırlar. Göygöl sakinləri də təsdiqləyə bilərlər ki, hazırda rayonda məktəbli formasından tutmuş, gündəliyə qədər hər şey satdırılır. Təbii ki, bu da əhalinin ciddi narazılığına səbəb olur. Lakin buna əhəmiyyət verən yoxdur. Məsələnin maraqlı tərəfi isə ondadır ki, rayon icra hakimiyyəti nədənsə bu cür önəmli məsələləri görməzdən gəlir». Hazırda Göygöl rayonundakı əksər məktəblərdə əsl bazar ab-havasının hökm sürdüyünü vurğulayan məlumatlı şəxs bildirir ki, rayonda fəaliyyət göstərən əksər təhsil ocaqlarında yeni təyinat almış gənc müəllimlərin böyük əkəsriyyəti özəl məktəblərin məzunlarıdır: «Deyilənlərə görə, Elbrus Atayev Göygöl Rayon Təhsil Şöbəsinin müdiri vəzifəsinə gəldikdən sonra rayonun məktəblərində fakültativ məşğələ və digər dərsdən kənar təlim formaları demək olar ki, tədris olunmur. Yeri gəlmişkən, qeyd edim ki, deyilənlərə görə, yaxın vaxtlarda ölkənin hüquq-mühafizə orqanları Göygöl Rayon Təhsil Şöbəsində ciddi yoxlamalara başlayacaq. Çünki dövlət büdcəsindən Göygöl Rayon Təhsil Şöbəsinə ayrılan vəsaitlərin xərclənməsində bir sıra nöqsanlar mövcuddur. Belə ki, təhsil xərclərinin proqnoz layihələri əmək haqqı və əmək haqqına üstəlik xərc maddələri üzrə müvafiq iqtisadi əsaslandırma aparılmayıb. Eyni zamanda, xərc smetaları üzrə nəzərdə tutulmuş vəsaitlərdən istifadə edilməyib, bir sıra xərc maddələri üzrə icra faizi aşağı olub, təyinatdan kənar vəsait xərc edilib. Ehtimal olunur ki, araşdırmalar zamanı digər bir sıra qanun pozuntularının, o cümlədən Göygöl Rayon Təhsil Şöbəsinin müdiri Elbrus Atayevin yol verdiyi neqativ halların üstü açıla bilər». Məsələ ilə bağlı qarşı tərəfin də fikirlərini dərc etməyə hazırıq.