Yevlaxda 1-ci qrup Qarabağ əlilinə qarşı biabırçı olay! - Zakir Qaralovla görüşməsin deyə onu sürüyüblər

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yevlaxda 1-ci qrup Qarabağ əlilinə qarşı biabırçı olay! - Zakir Qaralovla görüşməsin deyə onu sürüyüblər

Bolge

Oxunub: 878

14 dek 2016 | 10:57

Xəbər verildiyi kimi, dekabrın 9-da Azərbaycan Respublikasının Baş prokuror Zakir Qaralov Yevlax rayonunda vətəndaşları qəbul edib

Qaziler.az saytına daxil olan məlumata görə, qəbul zamanı xoşagəlməz hal baş verib. Əvvəlcədən Baş prokurorun qəbuluna yazılan 1-ci qrup Qarabağ əlili Vəfadar Hüseynova qarşı hörmətsizlik və qanunsuzluq halı baş verib. Bu barədə, redaksiyamızda olan V.Hüseynov özü məlumat verib:

“Eşitdim ki, Baş prokuror cənab Zakir Qaralov vətəndaşları qəbul etmək üçün Yevlax rayonuna gələcək. Mən də istədim onun qəbuluna düşəm, dərdimi deyəm. Bu məqsədlə Yevlax rayon prokuroru Elxan Pənahovla görüşdüm. O da söz verdi ki, səni qəbula yazırıq, narahat olma, görüşəcəksən. Amma cənab Baş prokuror rayona gələndə məni onunla görüşə buraxmadılar. Onun görüşü olacaq yerdə bir neçə polis məni kobudcasına, zorla sürüyə-sürüyə Post Patrul Xidmətinin avtomobilinə basaraq ərazidən uzaqlaşdırdılar. Gətirdilər Yevlax Polis idarəsinə. Dedilər ki, səni rəis gözləyir. Ha gözlədim, məni kimsə qəbul etmədi. Bir müddət sonra polislər dedi ki, “Dur get! Daha rəis gələsi olmadı!” Mən Baş prokurorun qəbul etdiyi yerə gələndə isə bəlli oldu ki, cənab Zakir Qaralov artıq Yevlağı tərk edib. Belə iş olar?! Məgər Baş Prokuror vətəndaşları dinləməyə gəlməmişdi? Eləysə niyə məni, hər iki gözünü, sağlamlığını vətənimizin müdafiəsində itirən bir insanı qəbul etmədi?! Mən vətəndaş deyiləmmi, problemim ola bilməzmi?!”

Qeyd edək ki, Vəfadar Hüseynov 1-ci qrup Qarabağ əlilidir, o, 2001-də Füzuli rayonunda düşmənlə təmas xəttində xidmət zamanı yaralanıb. Hər iki gözünü itirib. 280 manat pensiya, 165 manat Prezident təqaüdü alır. Həyat yoldaşı Mahirə Hüseynova da 1-ci qrup əlildir.

Maraqlıdır, Baş prokuror niyə Qarabağ əlilini qəbul etməyib?! V.Hüseynov demiş, məgər Baş Prokuror vətəndaşları dinləməyə getməmişdi? Görünür, cənab Prezidentin “Vətəndaşları qəbul edin, dinləyin, problemlərini həll edin!” tapşırığı artıq yaddan çıxıb! Baş prokurorumuz da Yevlağa, elə-belə, görüntü üçün gedibmiş! Həm Yevlax rayon hakimiyyət strukturlarının, həm də prokurorluq adına çox ayıb bir işdir! Biz V.Hüseynovdan istəyini, problemini də soruşduq. Bu o qədər adi və xırda bir işdir ki, buradan yazmağa utanırıq! Amma qoy sağlamlığını vətənimizin müdafiəsində itirən bir insanı Baş Prokurorla görüşməyə mane olanlar da utansınlar!