Gəncə sakinindən Prezidentə ürəkdağlayan müraciət: "Elmar Vəliyev qızıma əxlaqsızlıq təklif edərək, 6 ay girov saxlayıb" - İcra başçısına sərt ittihamlar

Gəncə sakinindən Prezidentə ürəkdağlayan müraciət: "Elmar Vəliyev qızıma əxlaqsızlıq təklif edərək, 6 ay girov saxlayıb" - İcra başçısına sərt ittihamlar








Gəncə sakini evinin icra hakimiyyəti tərəfindən sökülməsi ilə bağlı dövlət başçısına müraciət edib

Azfakt.com-un məlumatına görə, Gəncə şəhəri, Nizami Gəncəvi prospekti, 239 saylı yataqxananın 5-ci mənzilində məskunlaşmış Qalib Əhmədov müraciətində qeyd edib ki, Elmar Vəliyev 20 ildən artıq yaşadığı şəxsi evini 3 saat ərzində xüsusi amansızlıq və talançılıqla yerlə yeksan etdirib.

Şikayətçinin sözlərinə görə, evin söküntüsü zamanı 11 yaşlı qızı Almaz Əhmədovanın başına dam örtüyünün iri bir parçası düşdüyü üçün indi onun nitqində qüsur yaranıb: “Hadisə zamanı həyat yoldaşım Nairə Əhmədova ağır stress keçirib və hazırda yüksək qan təzyiqindən əziyyət çəkir”.

Şikayətçi Q.Əhmədov etdiyi müraciətlərin prezidentə yetişmədiyi üçün mətbuat vasitəsilə müraciət etmək məcburiyyətində qaldığını diqqətə çatdırıb:

“Gəncə şəhər icra hakimiyyətinin başçısı Elmar Vəliyev mənim sadəlövhlüyümdən istifadə edərək, 19 yaşlı qızımı 6 ay icra hakimiyyətində iş düzələtmək adı ilə “girov” saxlayıb, amma heç bir işlə təmin etməyib. Sonradan məlum oldu ki, Elmar Vəliyevin qızımla bağlı çirkin niyyətləri olub. O, qızıma dövlət məmuruna yaraşmayan və burada yaza bilmədiyim təklifləri edib. Bundan sonra qızım bu təklifləri rədd edərək işə getməkdən imtina edib. Bu haqda Sizə və müxtəlif dövlət orqanlarına ünvanladığım ərizə və məktublarda geniş və əhatəli yazmışam”.

Q.Əhmədov bəyan edib ki, Elmar Vəliyev ailəsi üçün ciddi təhlükədir: “Ona görə də ailəmi qorumaq üçün Gəncədən gəlib Bakıya “sığınmalı” olmuşam. Hazırda qızım ciddi depressiyadadır və qorxuram ki, özünə qəsd edə. Ona görə də ailəmiz ciddi təlaş içindədir. Sizə olunan müraciətlərim cavabsız qaldıqca, nə edəcəyimi bilmirəm. Xahiş edirəm, köməklik göstərin. Əks təqdirdə məcbur qalıb özümü Prezident Administrasiyasının qarşısında yandıracağam”.(xural.com)
XƏBƏR LENTİ
Bütün xəbərlər
Maraqlı
“30 il sonra robotlar yüksək vəzifələr tutacaq” - Cek Ma
Meymunla qızı kim evləndirib? - Goranboyla bağlı daha bir maraqlı hadisə
Vanqanın 2017-ci ilin may ayı üçün dəhşətli proqnozu - Bu 3 bürcü bədbəxtlik gözləyir, 4 bürc isə...
60 yaşlı polkovnik 4-cü dəfə evləndi - Özündən 28 yaş kiçik qızla
Roza Zərgərli: "O TV-lərin mənə niyə qadağa qoyduğunu desəm ...” - MÜSAHİBƏ
Həftənin çox oxunanları
Video
“Səni tutacağıq” - Yaxını həbs olunan köçkündən merə (Video)
Surət Hüseynovun Hollandiyada bıçaqlanan cangüdəninin - Qanlı video və fotoları yayıldı
Azərbaycanda bütün qəbirlər eyni formada olacaq - Video
20 qəpiklik dərmanı məhlul halına salıb 5 manata satırlar - Video
İlqarə plastik əməliyyatdan sonra - Video