Ağdaşda Heydər Əliyevin heykəli yoxa çıxdı - Müəmma

Ağdaşda Heydər Əliyevin heykəli yoxa çıxdı - Müəmma








Ağdaşda Heydər Əliyev parkında Ulu Öndərin xatirəsinə qoyulan heykəl götürülüb

Bu barədə ölkə.az-a Ağdaş rayon sakinləri məlumat verib.

Bildirilir ki, 2011-ci ilin oktyabrın 11-də Prezident İlham Əliyev Ağdaşa səfəri zamanı bu heykəli ziyarət edib. Bu barədə president.az saytında olan məlumatlar da faktı təsdiqləyir. (http://www.president.az/articles/3457)

Ağdaş rayon İcra Hakimiyyətinin saytında olan şəkillər də bu heykəlin orada mövcüd olduğunu sübut edir.

Amma 2014-cü ildə parkda aparılan yenidənqurma işlərindən sonra heykəl yoxa çıxıb. Əvəzində abidənin olduğu yeri indi ot basıb.

2014-cü ildə parkda yenidənqurma işləri aparılıb. Dövlət başçısının adıçəkilən rayona səfəri zamanı isə Heydər Əliyev Mərkəzində yeni abidə ucaldılıb.

Amma parkda əvvəl olan Heydər Əliyevin abidəsini bundan sonra gördüm deyən olmayıb.

Məsələ ilə bağlı Ağdaş rayon icra başçısının müavini Aynur Novruzova ölkə.az-a açıqlama verib.

Xanım müavin həmin ərazidə heç vaxt Ulu Öndərin abidəsinin olmadığını bildirib.

"Heydər Əliyevin abidəsi o parkda deyil. Abidə Heydər Əliyev Mərkəzinin qarşısındadır. Hamı çox söz deyə bilər. Orada heç bir heykəl olmayıb da, aparılmayıb da. Özünüz gəlin, baxın".

Aynur Novruzovaya bizə göndərilən şəkli sizə göndərək təklifimiz isə cavabsız qaldı. Xanım müavini telefonu söndürərək, bundan sonrakı zənglərimizi də cavabsız qoydu.

Amma fakt faktlığında qalır. Ağdaş sakinləri və icra hakimiyyətinin internet səhifəsində olan şəkillər abidənin olduğunu aydın göstərir.

Heykəl müəmması isə qaranlıq olaraq qalır.
XƏBƏR LENTİ
Bütün xəbərlər
Maraqlı
“30 il sonra robotlar yüksək vəzifələr tutacaq” - Cek Ma
Meymunla qızı kim evləndirib? - Goranboyla bağlı daha bir maraqlı hadisə
Vanqanın 2017-ci ilin may ayı üçün dəhşətli proqnozu - Bu 3 bürcü bədbəxtlik gözləyir, 4 bürc isə...
60 yaşlı polkovnik 4-cü dəfə evləndi - Özündən 28 yaş kiçik qızla
Roza Zərgərli: "O TV-lərin mənə niyə qadağa qoyduğunu desəm ...” - MÜSAHİBƏ
Həftənin çox oxunanları
Video
“Səni tutacağıq” - Yaxını həbs olunan köçkündən merə (Video)
Surət Hüseynovun Hollandiyada bıçaqlanan cangüdəninin - Qanlı video və fotoları yayıldı
Azərbaycanda bütün qəbirlər eyni formada olacaq - Video
20 qəpiklik dərmanı məhlul halına salıb 5 manata satırlar - Video
İlqarə plastik əməliyyatdan sonra - Video