13-01-2017, 10:43 Oxunub: 670

"Bu rayon mənin şəxsi mülkümdür..." - Başçı belə düşünür?

"Bu rayon mənin şəxsi mülkümdür..." - Başçı belə düşünür?








Neftçala rayon Kənd Təsərrüfatı İdarəsinin müdiri Mustafa Əliyev tələb etdiyi rüşvəti ala bilmədikdə sahibkarlara bildirir ki, onların icarəyə götürdükləri dövlət torpaqlanıda prezidentin tapşırığına əsasən pambıq əkiləcək. Və bundan sonra traktorlarla ərazini şumlayır və tikintiləri sökdürür

Neftçala rayon İcra Hakimiyyətinin başçısı İsmayıl Vəliyev pul qazanmaq üçün yeni metod kəşf edib. Belə ki, icra başçısı icarə qaydasında sahibkarlara verilən dövlət torpaqlarına görə sahibkarlardan rüşvət tələb edir. Əks təqdirdə torpaqlar sahibkarlardan alınır və şumlanır. Həmin ərazilərdə icra başçısı hal-hazırda dəmyə arpa əkini aparır.

MilliYol.Az-a Neftçala sahibkarlarından daxil olan şikayətdə bildirilir ki, İsmayıl Vəliyevin bu qanunsuz əmrlərini icra edən şəxs Neftçala rayon Kənd Təsərrüfatı İdarəsinin müdiri Mustafa Əliyevdir. Məhz Mustafa Əliyev dövlət torpaqlarını icarəyə götürən sahibkarların yanına gedir və on illərlə heyvandarlıqla məşğul olan sahibkarlarda icarədə olan dövlət torpaqlarına görə icra başsının adından rüşvət tələb edir. Rüşvətin miqdarı isə torpağın hektarına görə 30-50 min manat arasında dəyişir. Sahibkarlar isə tələb olunan rüşvəti verə bilmədiklərinə görə çıxılmaz vəziyyətə düşüblər.

Maraqlıdır ki, Mustafa Əliyev tələb etdiyi rüşvəti ala bilmədikdə sahibkarlara bildirir ki, onların icarəyə götürdükləri dövlət torpaqlanıda prezidentin tapşırığına əsasən pambıq əkiləcək. Və bundan sonra traktorlarla ərazini şumlayır və tikintiləri sökdürür. Hazırda bir neçə sahibkara bu yolla külli miqdarda ziyan dəyib. İşin ilginc tərəfi isə odur ki, şumlanan ərazilərdə pambıq əkmək mümkün deyil. Çünki bu torpaqlar suvarılmayan torpaqlardır və bu sahələrdə ancaq dəmyə arpa əkmək mümkündür. Ərazilərin böyk əksəriyyəti isə şoran torpaqlardır və sahibkarlar bu torpaqlarda əsasən otlaq sahə kimi istifadə edirlər.

Neftçala rayon Yuxarı Qaramanlı kəndindən MilliYol.Az-a kənd sakinləri adından olunan şikayətdə isə bildirilir ki, Mustafa Əliyev kənd əhalisinin otlaq sahəsini də pambıq əkmək adı altında şumlayıb. Yuxarı Qaramanlı kənd bələdiyyəsinin sədri kənd sakinlərinə bildirib ki, torpaqların şumlanmasını icra başçısı tələb edib və güya kənd sakinlərinin otlaq yerlərində pambıq əkiləcək. Hazırda isə Yuxarı Qaramanlı kənd nümayəndəsi şumlanmış ərazilərdə arpa əkini aparır. Bu isə haqqlı olaraq kənd sakinlərinin narazılığna səbəb olub. Etiraz edən kənd sakinlərinə isə polis vasitəsi ilə təzyiqlər olunub.

Qeyd edək ki, Neftçala sahibkarları məsələ ilə bağlı Prezident Adminstrasiyası qarşısında etiraz aksiyası keçirməyi planlaşdırırlar. Çünki İsmayıl Vəliyevin özbaşınalığı sayəsində sahibkarlara külli miqdarda ziyan dəyib. Bəzi sahibkarların 99 il müddətinə müqaviləsi olmasına baxmayaraq, onların torpaq sahələri zorla əlindən alınıb və fermaları qanunsuz olaraq sökülüb. Hazırda sahibkarlar onlara dəyən ziyanın ödənilməsini tələb edirlər.
Sahibkardan icra başçısına ittiham: “Məndən 40 min manat rüşvət istəyir” Sahibkardan icra başçısına ittiham: “Məndən 40 min manat rüşvət istəyir” Bolge Neftçalanı talamaq uğrunda amansız savaş - İsmayıl Vəliyevin başı nəyə qarışıb? Neftçalanı talamaq uğrunda amansız savaş - İsmayıl Vəliyevin başı nəyə qarışıb? Bolge "Getdiyim Həccə and olsun İsmayıl müəllim deyir, mən də edirəm" - Neftçalada özbaşınalıq... Bolge Neftçala icra başçısının rüşvət alan yerde şok videosu Neftçala icra başçısının rüşvət alan yerde şok videosu Gundem / Bolge Neftçalalılar nazirə ağız açdılar Neftçalalılar nazirə ağız açdılar Bolge