Göyçayda sürücü ölümcül döyüldü, rəis müavini onu şantaj etdi

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Göyçayda sürücü ölümcül döyüldü, rəis müavini onu şantaj etdi - Təfərrüat

Bolge

Oxunub: 778

10 fev 2017 | 07:15

Göyçayda sürücü ölümcül döyüldü, rəis müavini onu şantaj etdi - Təfərrüat

Göyçay sakini Əliyev Əhliman Loğman oğlu Politika.Az-a şikayət məktubu göndərib

Onun sözlərinə görə, idarə etdiyi avtomobilin gecə saat 02:30 radələrində bir qrup şəxs tərəfindən saxlanılıb və onlar tərəfindən döyülüb.

Faktla bağlı Göyçay Rayon Polis Şöbəsinə müraciət edən vətəndaş haqqını tələb edir. Ə.Əliyev deyib ki, həmin şəxslər məhz polis əməkdaşları tərəfindən himayə olunur.

Şikayətçi bildirib: “Mən Göyçay rayon Sanitar İdarəsində baş nəzarətçi vəzifəsində çalışıram. 07 fevral tarixində gecə təxminən 02:30 radələrində iş yoldaşlarımla məişət tullantılarının təmizlənməsi ilə məşğul idim.

Bu zaman idarə etdiyim avtomobilin qarşısı 5 nəfər tanımadığım şəxs tərəfindən kəsilərək məni zorla avtomobildən düşürüb döyməyə başladılar. Sonra üst-başımı axtarıb maşınımı qaçırtmaq istədilər.

Həmçinin əlimdə olan mobil telefonu zorla almağa çalışarkən mobil telefonumu yararsız hala saldılar. Bir neçə dəqiqə sonra məndən arxada gələn avtomobildəki iş yoldaşlarım özlərini köməyə çatdırdılar”.

Ə.Əliyev deyib ki, elə həmin vaxt ərazidə xidmət göstərən Polis Post Patrul Xidməti də hadisə yerinə yaxınlaşıb: “Vəziyyəti çətin görən soyğunçular hərəsi bir tərəfə qaçmağa başladılar. Polis nəfərləri isə onlardan birini həbs edərək polis şöbəsinə apardı.

Sifət nahiyəmdə xəsarətlərin olmasına görə həmin gün səhər saatlarında tibbi ekspertizaya gedib müayinə olundum və xəsarətlər qeydə alındı. Az sonra xəbər tutdum ki, polis şöbəsinin əməkdaşları digər qrup üzvlərini tutmaq əvəzinə saxlanılmış şəxsi də azad ediblər.

Həmin gün özümə hücum etmiş şəxslərin kimlikləri barəsində araşdırma aparamağa başladım. Məlum oldu ki, onlardan biri narkotik alveri ilə məşğul olan Göyçay sakini Novruzov Faiq Çingiz oğludur.

F.Novruzovun əvvəllər də bu cür cinayətlərlə məşğul olduğu və polislər tərəfindən himayə olunduğu ortaya çıxdı. Məhz elə bu səbəbdən Göyçay Rayon Polis Şöbəsinə saxlanılaraq aparılmış F.Novruzov bir neçə saat sonra azad olunub”.

Vətəndaş Politika.Az-a bunları yazıb: “Göyçay Rayon Polis Şöbəsinin rəis müavini Rövşən Babayevə nəyə görə cinayətkar barəsində tədbir görülmədən azad edilməsini sual etdim. O, cavabında bildirdi ki, “biz öz işimizi yaxşı bilirik” və məni şantaj ilə hədələməyə başladı.

Son olaraq mənə bildirdi ki, “əgər bu barədə sən başqa yerlərə də müraciət etsən atana məxsus olan evi pozğunxana kimi qələmə verəcəyik”. Rəis müavinin böhtan ataraq məni və atamı şərləmək istəməsinə mat qaldım.

Bu qədər qanunsuzluğa yol verən polis əməkdaşı təsadüfi bu vəzifəyə çatıb yoxsa əzəldən bu tip formalaşıb deyə düşündüm. Ona qısa etirazımı bildirib polis şöbəsini tərk etdim.

Bütün aidiyyyatı orqanlardan xahiş edirəm ki, məni soymaq istəyən quldur dəstəsi və onları himayə edən rəis müavini Rövşən Babayevin qanunsuz əməlləri barədə ciddi tədbirlər görülsün”.