Martin 16-si Şabran rayonunda Novruz bayramı münasibətilə geniş bayram tədbiri keçirilib. Tədbirdə iştirak edən rayon İcra Hakimiyyəti başçısı cənab Novruz Novruzov və rayon ictimaiyyətinin
müşaiyəti ilə rayonun kənd və qəsəbələrində istehsal olunan kənd təsərrüfatı məhsullarının və bayram atributlarının nümayiş olunduğu pavilyon- stendlərlə tanış olub, rayon idmançılarının xüsusi idman nümayişlərinə baxış keçirib. Nümayişlərdən sonra İcra Hakimiyyəti başçısı öz nitqində bütün Azərbaycan xalqını Novruz bayramı münasibətilə təbrik etdi. Daha sonra tədbir respublikanın və rayonun musiqi ustalarının iştirakı ilə davam etdirildi, ənənəvi olaraq hər il keçirilən Cıdır yarışının qalibləri, ən yaxşı pavilyon-stendlər və tədbirin keçirilməsində xüsusi fəallıq göstərmiş bir sıra şəxslər rayon İcra Hakimiyyəti başçısının Fəxri Fərmanları və qiymətli hədiyyələrlə mükafatlandirildı.

Xanlar Cəbrayilzadə