"İcra başçısı bu illərdə hər şeyi satmışdı, bir bələdiyyələr qalmışdı, indi də onu satır"

"Zaqatalanın icra başçısı Mübariz Əhmədzadə bələdiyyə bazarı açıb". Bunu jurnalist Əfqan Muxtarlı "facebook" səhifəsində yazıb.
Onun sözlərinə görə, rayonda bütün bələdiyyələr üzrə yerlər satılıb: "İcra nümayəndələri kəndlərdən qaçıb. Əhmədzadənin siyahısından kənarda olanlara yaşayış yerindən arayış vermirlər ki, sənədlərini DSK-ya təqdim etsinlər. Mübariz Əhmədzadə bu illərdə hər şeyi satmışdı, bir bələdiyyələr qalmışdı. İndi də onu satır. Burdan Aşağı Talanin icra nümayəndəsi Əbdüləziz Əliyevə salamlarımı catdırıram. Deyirlər xəstədir, işə cıxmır. Sağ salamat qutarıb işinin başına qayıtsın".