Tədbirdə məktəbin direktoru çıxış edərək bildirdi ki, bu günkü tədbirimiz Azərbaycanın torpaqları uğrunda canını vermiş şəhid Elvin Mirzəyevin
xatirəsinə həsr olunmuşdur. Azərbaycan xalqı artıq 29 ildir ki, Ermənistanın işğalçı siyasəti ilə üz-üzədir. Erməni hərbi birləşmələri xarici ölkələrdən aldıqları hərbi və siyasi dəstəklə torpaqlarımızın 20 faizini işğal etmişdilər. Bütün dünyanın gözü qarşısında Azərbaycanın beynəlxalq səviyyədə tanınmış ərazilərinin işğalı hər bir azərbaycanlını narahat edir. Erməni hərbi birləşmələrinin təxribatının qarşısının alınması istiqamətində Azərbaycan hərbiçilərinin göstərdiyi şücaət, qəhrəmanlıq, sözün həqiqi mənasında, bir dastana çevrilmiş bu hadisə ordumuzun torpaqlarımızı azad etməyə qadir olduğunu əyani nümayiş etdirdi. Erməni faşistlərinin təxribatının qarşısının alınması zamanı şəhidlik zirvəsinə ucalan döyüşçülərin arasında bizim məktəbimizin şagirdi bütün müəllim və şagirdlərin sevimlisi Mirzəyev Elvin Azadxan oğlu da vardır. O, 1994-cü il fevral ayının
13-də Xaçmaz şəhərində anadan olmuşdur. 2000/2011-ci illərdə Ç.Abvdullayev adına Xaçmaz şəhər 2№-li tam orta məktəbində təhsil almışdır.
2011-ci ildə ATU-nə daxil olmuş və 2015-ci ildə Universiteti bitirmişdir. 2015-ci il iyul ayının 20-də Hərbi Xidmətə yola salınmışdır. 2016-cı il aprel
ayının 2-də N saylı hərbi hissə tərkibində erməni işğalçılarına layiqli cavab verərək şəhid olmuşdur. Azərbaycanın Müdafiə Nazirliyinin əmrinə əsasən Elvin Azadxan oğlu Mirzəyev ölümündən sonra igidliyə görə üçüncü dərəcəli medalla təltif olunmuşdur. Tədbirdə torpaqlarımız uğrunda şəhid olan oğullarımız bir dəqiqəlik sükutla yad edildikdən sonra Elvin haqqında hazırlanmış video rolik numais olunub. Muellimleri ve aile uzvleri Elvin haqda tesuratlarini boluwubler. Daha sonra ise Elvinin mezari ziyaret olunub.