İcra başçısı şəhid atasına: “Get, kimə istəyirsən de...” - ŞİKAYƏT
Bolge
Oxunub: 2 855
6 apr 2017 | 16:28
İcra başçısı şəhid atasına: “Get, kimə istəyirsən de...” - ŞİKAYƏT















Şamaxı Rayon İcra Hakimiyyəti aprelin 2-də Seysulan istiqamətində gedən döyüşlərdə qəhrəmancasına şəhid olmuş Elşən Səmədovun ailəsini evlə təmin etmir.

Bu barədəBakiPost.az-a şəhidin atası Səlim Səmədov məlumat verib.

Bildirib ki, ev tikmək üçün torpaq sahəsi və ya fərdi ev almaq məqsədilə Şamaxı Rayon İcra Hakimiyyətinə dəfələrlə müraciət etsə də, rədd cavabı alıb: "Dəfələrlə icra hakimiyyətinə gedərək şifahi şəkildə müraciət etmişəm. İcra başçısı Asif Ağayevin, müavinləri Qasım Qasımovun və Gülnisə Ələkbərovanın şəxsən qəbulunda olmuşam. Hamısı vədlər veriblər, amma əməl edilməyib. Düzdür, ondan sonra Ağsu rayonundan nümayəndə gəlib 20 sot icarəyə torpaq verə biləcəyini dedi. Amma icarəyə verilən torpaq mənə sərf eləmir. Çünki verilən torpağın rəsmi sənədi yox idi. Mənim orada ev tikməyə səlahiyyətim çatmır.

Məcburiyyət qarşısında qalıb oğlumun 11 min manat qan pulundan şəxsən özüm 5 min verib torpaq sahəsi almışam. Bu barədə icra hakimiyyətinə və rayonumuzun deputatı Elxan Süleymanova müraciət edib, heç olmasa ev tikməyimə köməklik göstərmələrini xahiş etdim. Hətta hamısına torpağın notariusdan təsdiq edilmiş sənədini də göstərmişəm. Bununla bağlı Elxan Süleymanov icra hakimiyyətinə müraciət elədi. İcra hakimiyyəti isə ev tikməyə imkanlarının və büdcələrində pulun olmadığını dedilər. Hazırda rayonda 36 mənzildən ibarət olan 5 mərtəbəli bina tikilib. Amma heç kimə təhvil verilməyib. Yalnız Nadir Zəkəryayevə əkin sahəsi üçün icarəyə torpaq verilib”.

Şəhid atası qeyd edib ki, icra hakimiyyətinin başçısı Asif Ağayev, ümumiyyətlə rayondakı aprel şəhidinin ailələri ilə maraqlanmır: "Şəxsi evim yoxdur, ata-ana himayəsindəyəm. Hazırda 6 nəfər ailə üzvü ilə atamın evində yaşayıram. Oğlumun biri də Sərhəd Qoşunlarında - Xudatda xidmət edir. O da qardaşının ildönümündə gəlmişdi. Ancaq gəlməyinə peşman oldu. Çünki şəhid olmuş qardaşına qiymətin verilmədiyinin şahidi oldu.

Mart ayında bayram ərəfəsində Müdafiə Nazirliyindən nümayəndələr gəlmişdi. Onlara da problemi dedim və vəziyyətimlə əlaqədar cənab nazir Zakir Həsənova məlumat vermələrini xahiş etdim. Nazirə bu barədə məlumat verəcəkləri bildirildi. Amma hələ də xəbər yoxdur.

Şamaxıda 3 aprel şəhid ailəsi var. Amma heç birinə köməklik göstərilmir. Maraqlanan da yoxdur. Ümumiyyətlə, icra hakimiyyəti heç kimlə maraqlanmır. Rayonda tikilən 5 mərtəbəli binadakı evlərin kimlərəsə verildiyini deyirlər. Amma əslində, heç kimə ev verilməyib. Kimə də deyirsən 3 və ya 5 min manat pul istəyir”.

Səlim Səmədov problem barəsində birinci vitse-prezident Mehriban Əliyevaya yazılı şəkildə müraciət etdiyini deyib: "Ümidimiz yalnız prezidentə və Mehriban Əliyevaya qalıb. Bilirəm ki, icra hakimiyyətindən bizə kömək edən olmayacaq. Rayon yeri olduğu üçün hamı kimin hansı şəkildə yaşadığını, evinin olub-olmadığını bilir. Əgər icra başçısı şəhid ailələri ilə maraqlansa onların da problemini bilər. Bir dəfn vaxtı, bir də ildə gəliblər. Ondan sonra maraqlanmırlar.
Birinci vitse-prezident Mehriban Əliyevaya müraciət etmişəm. Oradan icra hakimiyyətinə məktub gəldi. Amma məktubda nə deyildiyini bizə demədilər. Bütün rayonlardakı şəhid ailələrinə ev və torpaq verilir. Amma biz gedib özümüz icra başçısına, müavinlərinə, digər şəxslərə müraciət edirik. Yalnız problemin düzələcəyini deyirlər. Amma bu nə vaxta kimi belə olacaq? Hamısını icra başçısı etməlidir.

Oğlum əsgərlikdən gəlib hələ də işsizdir. Özüm də işləmirəm, pensiya almıram. Sosial yardımı da kəsiblər. Necə dəfə oğlumun işlə təmin olunması üçün icra hakimiyyətinə getmişəm. İşə düzəldəcəklərini deyirlər. Ancaq ortalıqda heç nə yoxdur. İcra başçısı deyir ki, gedib kimə müraciət edirsiz edin. Ona görə də yazdıqlarımız ərizəyə belə baxmırlar.

İndiyə kimi dövlətdən nəsə istəməmişəm. Öz zəhmətimlə uşaqlarımı böyütmüşəm. Amma tale elə gətirdi ki, oğlum şəhid oldu, indi mən haqqımızı tələb edirəm. Axı, prezident İlham Əliyev göstəriş verib ki, şəhid ailələri evlə təmin olunsun. Amma onun göstərişlərinə əməl etmirlər. İcra hakimiyyəti niyə bizimlə maraqlanmır? Elə deyirlər ki, ev növbəsindəsiz. Ümumiyyətlə, kimin pulu varsa, ona ev verirlər. Bütün rayonların icra başçıları şəhid ailələri maraqlanır. Onlara lazımi köməklik edir. Bizim oğullarımız bu millət, ailəsinə ev verməyən icra başçı üçün şəhid olub. Amma icra başçısının oğlu xaricdə gəzir. Başçının özü istədiyi pulu xərcləyir, altında bahalı maşın var. Amma deyir rayonun büdcəsində pul yoxdur. Bu necə olur?”

Şəhid ailəsinin problemi ilə icra hakimiyyətinin ictimai-siyasi və humanitar məsələlər şöbəsinin müdiri Gülnisə Ələkbərova BakiPost.az-a bildirib ki, şəhid ailəsi ev növbəsinə salınıb: "İcra hakimiyyəti onlarla maraqlanır. Hazırda onlar icra hakimiyyətində ev növbəsinə götürülüb. Qarabağ əlilləri və şəhid ailələrinə evlər növbəli şəkildə verilir. Artıq Şamaxıda onlar üçün 36 mənzilli bina tikilib. Bu yaxınlarda da həmin bina istifadəyə veriləcək. Allah qoysa, növbələri çatanda dövlət tərəfindən onlara ev veriləcək”.

Başçısının müavini qeyd edib ki, ev növbəli şəkildə verilir: "Kimisə kimdənsə qabağa sala bilərəkmi? Bu mümkün deyil”.


İcra başçısı şəhid atasına: “Get, kimə istəyirsən de...” - ŞİKAYƏT
İcra başçısı şəhid atasına: “Get, kimə istəyirsən de...” - ŞİKAYƏT
Bu gün, 12:15
Azərbaycan və Ermənistan parlament sədrləri mayda görüşə bilər
Bu gün, 11:41
Xronika: Türkiyə İrəvandan Zəngəzura Kalininqrad modelinə bənzər xüsusi statusun verilməsini istəyib
Bu gün, 11:00
Pensiya və müavinətlər artırıla bilər - VİDEO
Bu gün, 10:46
Juninyo Fransa klubunda?
Bu gün, 10:32
Ermənistanda “8 kənd” isterikası – Azərbaycan Ordusu “quldurları təmizləyin” əmri gözləyir
Bu gün, 10:21
Azərbaycan Mərkəzi Asiya ilə Avropanı birləşdirən təbii əlaqədir - Hikmət Hacıyev
Bu gün, 10:14
Nağdsız ödənişdən yayınanlar barəsində tədbir görüləcəkmi? - Ekspertlər danışır...
Bu gün, 10:00
Ermənistanda “dövlət içində dövlət” qurulur: Paşinyan erməni separatçıları hərbi əməliyyatla hədələyir
Bu gün, 09:39
Zelenskidən müttəfiqlərə: Yaxın aylarda Rusiyanın hücumu başlayacaq, kömək edin...
Bu gün, 09:17
“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - VİDEO
Bu gün, 09:11
Təhlükəsizlik orqanlarının 105 illiyi ilə bağlı tədbir keçirildi - Fotolar
Bu gün, 09:00
“Crocus City” dəhşəti və Rusiyadakı erməni lobbisi - VİDEO
Dünən, 16:00
Azərbaycandan çox şey götürdük, verməyəcəyimizi dedik... - NƏ OLDU?
Dünən, 15:30
Ermənistanın demarşı: Rusiyanın ikinci cəbhə açmaq imkanı yoxdur - NƏ BAŞ VERİR?
Dünən, 14:22
Yüz minlərlə azərbaycanlı Rusiyadan geri qayıdır? - NƏ ETMƏLİ?
Dünən, 13:16
Yaşayış binalarında da parklanma yerləri BAHALAŞDI - Yeni qiymət
Dünən, 13:00
Şahmar Hüseynov vəzifəsindən azad edildi - YENİ TƏYİNAT
Dünən, 11:56
Sabah yerimizdə oturacaqlar, qan töküləcək, Azərbaycana qaytarılmalıdır – Andranik Köçəryan
Dünən, 10:53
"Xəzər Lənkəran"la bağlı şad xəbər - Seçimlərə başlandı
Dünən, 10:12
“Yaxın günlərdə daha 73 nəfərin adları ictimaiyyətə açıqlanacaq”
Dünən, 10:08
Azərbaycanda dövlət xadimlərinin həyatına 7 sui-qəsd cəhdi olub - DTX rəhbəri
Dünən, 10:02
Dünya "Qarabağ"ın ulduzundan danışır: Nələr dedilər? - VİDEO
Dünən, 10:00
Bahalaşmanın növbəti dalğası gəlir: Evlərin qiyməti yenə artacaq
Dünən, 09:56
Lənkəranda faciə: Ata və oğul öldü (FOTOLAR)
Dünən, 09:49
"Crocus"da qəhrəmanlıq göstərən sumqayıtlı: "Onlar məndən üzr istədi"
Dünən, 09:44
ABŞ və Avropa Birliyi Qafqazda sülhü bloklayır: Qərb Ermənistanın hərbi təxribatlarına dəstək qərarı verib
Dünən, 09:41
Finlandiya rus oliqarxların Helsinkidəki idman-konsert kompleksini əllərindən alır