Azerinfo.az xəbər verir ki, axşam saat 20-00 dan başlayaraq Quba Meydanında möhtəşəm su festivalı keçirilib. Tədbiri minlərlə qubalı və turistlər izləyib.

Festivalın əvvəlində iştirakçılara “Bakı-2017” IV İslam Həmrəyliyi Oyunları haqqında məlumat verilərək bildirilib ki, 50-dən çox İslam ölkəsinin atleti idmanın 20 müxtəlif növü üzrə 10 gündən artıq müddətdə yarışlarda mübarizə aparacaqlar. Mayın 12-dən 22-dək davam edəcək yarışlar Bakının ən müasir 16 idman meydançasında təşkil olunacaq. İslam Həmrəyliyi Oyunlarının təşkilinin əsas məqsədi İslam ölkələri arasında həmrəylik və əməkdaşlıq ruhunun möhkəmləndirilməsi və müsəlman gəncləri arasında əlaqələrin inkişaf etdirilməsidir.
Daha sonra festival iştirakçıları “Bakı-2017” IV İslam Həmrəyliyi Oyunlarının su səyahətinin başlanması, Prezident İlham Əliyevin su mərasiminin başlanğıcında Xəzər dənizinin suyu ilə dolu olan səhəngi qubalı uşağa təhvil verməsi görüntülərini izləyiblər. Xəzər dənizindən götürülmüş suyun keçdiyi səyahət yoluna, o cümlədən Quba mərhələsinə nəzər salınıb.
Görüntüləri izlədikdən sonra su qabını daşıyan ağırlıqqaldırma üzrə respublika çempionu Famil Mikayılov, kikboksinq üzrə dünya çempionatının gümüş medalçısı Fərid Həmzəyev, şahmat və rəsm həvəskarı Günel Qonaqova səhnəyə dəvət olunublar. Daha sonra ise estival möhtəşəm su effekti və atəşfəşanlıqla başa çatıb.
Onuda qeyd edək ki, Xəzərdən başlayan su səyahətinin növbəti dayanacağı mayın 3-də paytaxtın Qaradağ rayonu olacaq.

Xanlar Cəbrayilzadə