Bugünkü müsahibimiz Xaçmaz şəhər 9 № - li tam orta məktəbin direktoru, əməkdar müəllim Tünzalə Salahovadır. Gözəl idariçilik qabiliyyətini, savadı, səmimiyyəti özündə birləşdirən müəllimə ilə həmsöhbət olduq. Tünzalə müəllimə təmsil etdiyi məktəbdə nəinki təkcə dərslərin yaxşı keçirilməsinə, bununla yanaşı ictimai, mədəni tədbirlərin təşkilinə, şagirdlərdə yüksək vətənpərvərlik hisslərinin aşılanmasına daxüsusi
qayğı və diqqətlə yanaşır. O, düşünür ki, həyatda özünəməxsus yer tutmaq üçün təkcə oxumaq bəs etmir. İnsan özünü hərtərəfli inkişaf etdirməli, daim intellektual səviyyəsini artırmalı, gözəl nitq qabiliyyətinə malik olmalı, fikrini həm şifahi, həm də yazılı şəkildə sərbəst çatdırmağı bacarmalıdır.
Bunun üçün də şagirdləri həmişə öz üzərlərində işləməyə səsləyir. İndi isə Tünzalə Salahovanın Ümummilli Lider Heydər Əliyevlə bağlı xoş xatirələrini sizlərlə paylaşırıq. Heydər Əlirza oğlu Əliyev dahilərə xas olan nadir fitri istedada, parlaq zəkaya, siyasi uzaqgörənlik və müdriklik, güclü
məntiq və vətənpərvərlik hisslərinə malik olan fenomen insan idi. Bu dahi şəxsiyyətin Azərbaycan tarixində gördüyü işlərə nəzər saldıqda görürük ki, o, bütün ömrünü xalqımızın, dövlətimizin işıqlı gələcəyinə, inkişafına həsr edib. Mən çox şadam ki, bu dahi insanın dəfələrlə canlı olaraq görüşlərinin iştirakçısı olmaq, nitqini dinləmək mənə nəsib olub. Mən özümü də bir rəhbər, məktəb direktoru kimi Ulu Öndərimizin iş prinsipini özümə örnək götürürəm. O, bu həyatda mənim ən böyük idealımdır. Mən bir məktəb rəhbəri kimi məktəbimizdə Heydər Əliyev siyasətinin işıqlandırılmasına, tədbirlərin keçirilməsinə, sərgilərin təşkil olunmasına böyük önəm verirəm. Bu il rayonumuzda YAP- ın Xaçmaz rayon təşkilatının dəstəyi ilə keçirilən ‟Heydər Əliyevin anadan olmasının 94 illiyinə” həsr olunmuş təqdimat müsabiqəsində məktəbimizin 9a sinif şagirdi Məmmədov Vüqar Azər oğlunun iştirakı vərayon birinciliyinə layiq görülməsi məni çox sevindirdi. Çox şad oldum ki, məhz bizim şagirdimiz Azad Azərbaycan Respublikasının qurucusu, memarı, dahi şəxsiyyətlə bağlı olan müsabiqənin qalibi oldu. Bugünki müstəqil, demokratik, iqtisadiyyatı sürətlə
inkişaf edən Azərbaycan onun şah əsəridir. Nə qədər ki Azərbaycan xalqı var, müstəqil Azərbaycan var, onun Ulu Öndəri, Ümummilli Lideri
hər birimizin qəlbində yaşayacaq.