Mayın 10-da Rusiya Federasiyasının Dağıstan Respubliksından nümayəndə heyəti ümummilli lider Heydər Əliyevin doğum gününün 94-cü ildönümü münasibətilə keçirilən tədbirlərdə iştirak etmək üçün Xaçmaza gəlib.
Dagıstandan gələn nümayəndələri Xacmaz rayon İcra Hakimiyyətnin Başçısı Şəmsəddin Xanbabayev qarşılayıb. Nümayəndə heyətinin tərkibində qonşu respublikanın yüksək vəzifəli şəxsləri, o cümlədən Dərbənd Rayon Administrasiyasının rəhbəri Məhəmməd Cəlilov, Xalq Məclisinin üzvləri və digər rəsmi şəxslər yer alıb.
Qonaqlar Xaçmazın gəzməli, görməli yerləri ilə yaxından tanış olduqdan sonra ümummilli lider Heydər Əliyevin abidəsini ziyarət edərək, xatirəsini ehtiramla anıblar.
Daha sonra qonşu respublikanın nümayəndə heyəti Xaçmaz şəhərindəki Heydər Əliyev Mərkəzi ilə tanış olub, Ümummilli Liderin həyat və fəaliyyətinin müxtəlif dövrlərini əks etdirən fotoşəkillərə baxıblar.

Sonra ictimai-siyasi xadim Əziz Əliyevin xatirə muzeyinin qarşısındakı büstü ziyarət olunub, önünə tər çiçəklər düzülüb.
Qardaş respublikanın nümayəndələri “Şəxsiyyətlər muzeyi”ni gəzib, Xaçmaz Tarix-Diyarşünaslıq Muzeyinə və Xaçmaz Dövlət Rəsm Qalereyasına baxıblar.
Daha sonra nümayəndə heyəti Zərifə Əliyeva adına 8 nömrəli məktəb-liseyin həyətində dünya şöhrətli oftalmoloqun abidəsini ziyarət ediblər.

Xanlar Cəbrayılzadə
Xaçmaz