Beyləqanın başçısı bələdiyyə sədrinə sahib çıxmadı, həbsi gözlənilir

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

Beyləqanın başçısı bələdiyyə sədrinə sahib çıxmadı, həbsi gözlənilir - Dosye

Bolge

Oxunub: 858

24 may 2017 | 10:21

Beyləqanın başçısı bələdiyyə sədrinə sahib çıxmadı, həbsi gözlənilir - Dosye

Beyləqan rayonunda bələdiyyə sədri barəsində cinayət işi başlana və həbs edilə bilər

Onun özbaşınalığı insidentə səbəb olub.

Hadisə rayonun İmamverdilər kəndində torpaq üstündə baş verib.

Belə ki, kənd sakini Rasim Əliyev ona məxsus pay torpağın həmkəndliləri tərəfindən qeyri-qanuni zəbt edilməsi barədə aidiyyəti qurumlara müraciət edib. Bu səbəbdən də bələdiyyə sədri və kənd sakinləri arasında mübahisə yaranıb.

Mübahisə sonradan bələdiyyə sədri Əfqan Bəşirov, onun qardaşı Anar Bəşirov, torpağı qeyri-qanuni yolla zəbt edən Bəhrəm, Nofər və Mübariz Abdullayev qardaşları ilə ərazinin qanuni sahibi olan Rasim Əliyev, qardaşı Vüqar Əliyev və əmisi oğlu Rafiq Tağıyev arasında davaya çevrilib.

Nəticədə bir neçə nəfər müxtəlif dərəcəli bədən xəsarətləri alıblar. Yaralılar Beyləqan Rayon Mərkəzi Xəstəxanasına yerləşdirilib. Faktla bağlı araşdırma aparılır.

İddia olunur ki, bələdiyyə sədri həmin ərazını Əliyevlə yanaşı Abdullayevlərə də veribmiş və bu da mübahisəyə səbəb olub.

Ulus.Az-ın məlumatına görə, Ə.Bəşirov barəsində tədbir görüləcəyi deyilir və rayon icra başçısı da ona sahib çıxmayıb.

Zərərçəkən Rasim Əliyev hadisənin necə baş verdiyini danışıb: "Ədliyyənin işçisi gəldi, dedim ki, bizim işimiz burada deyil, sahədədir. Gəlin gedək sahəyə baxaq.

Bizim otlaq sahələrimiz əkilib, öz pay torpaqlarımıza girməyə yol yoxdur. Dedi ki, mən sahəni yoxlamağa gəlməmişəm. Mən imzaları yoxlamağa gəlmişəm. Dedim ki, bizim sahələrimizə baxmayacaqsınızsa, şikayətimizlə maraqlanmayacaqsınızsa, niyə gəlmisiniz?

Çıxanda Əfqan Bəşirovun qayınları, mühasib, İkram Tağıyev, Bəhramxan Abdullayev, Mübariiz Abdullayev, Anar Bəşirov bizi saldılar təpik-yumruğun altına. Regional idarənin nümayəndəsi gəldiyi maşına oturub getdi. Demədi ki, bunları niyə qırırsınız?”

Beyləqan rayon mərkəzi xəstəxanasından bildiriblər ki, yaralılardan birinin vəziyyəti ağırdır. Zərərçəkənlərdən kimisinin dişi düşüb, kimisinin çənəsi sınıb, kimisinin də gözü göyərib. Xəstəxanaya müraciət edən 10 nəfərdən 7 nəfəri ambulator müalicə aldıqdan sonra evə buraxılıb.