Məcburi köçkün kömək istəyir

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

Məcburi köçkün kömək istəyir

Bolge

Oxunub: 717

8 iy 2017 | 11:07

Azər Abbasov: “Müəllim maaşı ilə ev ala bilmirəm...”

“1992-ci ildə Şuşa şəhərindən qaçqın düşmüşəm. 2 ildir Yevlax şəhərində kirayələrdə yaşayıram. Artıq kirayə haqqı verməyə də gücüm çatmır. Ölkə rəhbərliyindən xahiş edirəm ki, məni mənzillə təmin etsin”.

Bu sözləri Yevlax şəhər sakini, əslən şuşalı olan Azər Əbülfət oğlu Abbasov “Yeni Müsavat”ın redaksiyasına göndərdiyi şikayət məktubunda yazıb. Məktub müəllifi qeyd edib ki, 25 ildir Yevlax şəhərində müxtəlif ünvanlarda kirayədə qalır. Bu müddət ərzində dəfələrlə Qaçqın və Məcburi Köçkünlərlə İş üzrə Dövlət Komitəsinin Yevlax ərazi nümayəndəliyinə müraciət edib ki, onu müvəqqəti mənzillə və ya sığınacaqla təmin etsinlər. Lakin heç bir nəticəsi olmayıb.

“25 ilə yaxındır ki, mənzil problemimi həll etmək üçün bütün aidiyyəti qurumlara, deputatlara, Qaçqın və Məcburi Köçkünlərlə İş üzrə Dövlət Komitəsinin sədri Əli Həsənova müraciətlər etmişəm. Komitədən cavab verilib ki, hələlik Yevlax şəhərində məcburi köçkünlər üçün yeni mənzilin tikintisi nəzərdə tutulmayıb. Bu baxımdan yardımçı ola bilməyəcəklərini qeyd ediblər” - şikayətçi yazıb.

Onun sözlərinə görə, deputatlardan yalnız Fazil Mustafa müraciətinə cavab verib və onun üçün “Qaçqınkom”a müraciət ünvanlayıb: “Onun müraciətinə də eyni cavab verildi ki, nə vaxt Yevlax şəhərində qaçqınlar üçün mənzil tikilsə, məni o zaman evlə təmin edə biləcəklər. Artıq 54 yaşım var. Özümün və həyat yoldaşımın səhhətində də problemlər var. Müəllim işlədiyim üçün əmək haqqı elə də böyük deyil. Nəinki mənzil problemimi həll etməyə, hətta kirayə haqqını ödəməyə də gücümüz çatmır. Aylar öncə kirayə qaldığım mənzili də tərk etməli oldum. Pulunu ödəyə bilmədiyim üçün artıq orada qala bilməzdim. İndi bir qızım və həyat yoldaşımla qohumlarımızın evində ayrı-ayrı yaşamaq məcburiyyətində qalmışıq. Mən bacımın evinə sığınmışam. Qızım isə anası ilə birlikdə babasının evində qalır”.

Azər Abbasov məktubunun sonunda yazır: “Bir müəllim kimi daim dövlətimizə və xalqımıza vicdanla xidmət etmişəm. Hesab edirəm ki, 25 ildir vətənindən didərgin düşən bir şəxs kimi hökumətdən bir sığınacaq, mənzil istəməyə haqqım satır. Sizin qəzet vasitəsilə dövlət başçımıza müraciət edirəm ki, mənə kömək eləsin. Ricam odur ki, ya mənə mənzil verilsin, ya da maddi köməklik olsun və özüm bir ev tikə bilim. Müəllim maaşı ilə mənim bunu həyata keçirməyim mümkün deyil”.