Heç bir qüvvə Mehdi Səlimzadəni heç vaxt əqidəsindən döndərə bilməz

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Heç bir qüvvə Mehdi Səlimzadəni heç vaxt əqidəsindən döndərə bilməz

Bolge

Oxunub: 975

12 sen 2017 | 16:14

Göyçay və onun icra başçısı Mehdi Səlimzadə haqqında bəzi mətbuat orqanlarında çeşidli yazılar yayımlanır. Həmin məlumatları araşdırmaq məqsədiylə Göyçayda olduq. Deyilənləri, yazılanları dəqiqləşdirməyə çalışdıq.
Qeyd edək ki, faktiki olaraq Göyçay Rayonunda vəziyyət heç də yazılanlar kimi deyil. Əksinə, rayonda durum tamam fərqlidir və bunu bilmək üçün alim-filan olmağa da gərək yoxdur.
Yox, əgər onlar özlərinə əziyyət verib, rayona gəlmək istəməyib, kənardan «qarmaq» atmaq eşqindədirlərsə, o zaman yazdıqlarımızı diqqətlə oxuyub, vəziyyətdən hali olsunlar.

Aydın məsələdir ki, hər bir mətbuat orqanının özünün dəsti-xətti, marağı və istəyi var. Amma bütün bunları da bir araya gətirmək üçün belə deyil, ədalətli olmaq lazımdır. Çünki yazılan yazılardakı qərəz göz çıxardığı qədər, maraq da ədalətsizliyin fövqündə dayanmış şəkildə görsənir.
Bu bir həqiqətdir ki, Göyçayda baş vermiş məlum olaylardan sonra vəziyyət çox dəyişib. İnsanların illərdən bəri gözlədiklərini hazırkı icra başçısı Mehdi Səlimzadə bir-bir yerinə yetirməkdədir. Bunun üçün rayon sakinləriylə söhbətləşmək də kifayətdir ki, icra başçısına, görülən işlərə hansı qiymət verildiyini müəyyənləşdirmək mümkün olsun.

Hər bir sahədə çalışanların fəaliyyətinə münasibətdə rayon icra hakimiyyətinin başçısı yalnız qanuna, ədalətə və şəffaflığa əsaslanır. Tam məsuliyyətimizlə deyirik ki, Göyçayda kiminsə haqqına toxunmaq kiminsə düşüncəsində belə özünə yer tapa bilməz. Bunun nəticəsidir ki, uzun illər durğun vəziyyətdə olan sahibkarlıq burada yeni inkişaf dövrünü yaşayır. Sahibkarlar problemlərinin həllində rayon İcra Hakimiyyətindən həmişə dəstək görürlər.

Ayaq altı qazanların, düzü əyri yazanların, qanunları və etik qaydaları pozanların məqsədli yazılarına rəğmən Göyçayda inkişaf hərtərəflidir.
Bütün yaş qruplarından olan ayrı-ayrı insanlarla görüşüb İcra Hakimiyyətinin başçısı barədə fikirləri də öyrəndik. Həmsöhbət olduğumuz hər bir kəs ilk olaraq onu qeyd edirdi ki, Mehdi müəllim Prezidentimizin sərəncam, tapşırıq və tövsiyələrini, xüsusilə xalqın xidmətçisi olmaq tələbini məsuliyyətlə yerinə yetirir. Rayon gənclərinə münasibətdə çox diqqətlidir. Onların məşğulluğunun artırılması, müasirləşməsi, ixtisas biliklərinə yiyələnməsi üçün çox iş görür. Vacib sahələrə imkan olduqca gəncləri irəli çəkir. İntellektual fəaliyyət göstərən “İnnovasiya mərkəzi”, ali,orta ixtisas və peşə təhsili almayan gənclər üçün “Gənc təssərüfatçılar” məktəbinin təsis edilməsi dövlət gənclər siyasətinin Göyçaydakı uğurlu nəticələri kimi qiymətləndirilir.

Qarabağ müharibəsi əlillərinin, şəhid ailələrinin heç bir problemi diqqətdən kənarda qalmır. Veteranlar, ağsaqqallar, ziyalılar rayonun ictimai həyatının fəal iştirakçılarıdırlar. Onları bu mövqeyə icra hakimiyyətinin başçısı Mehdi Səlimzadə qayğısı, hörməti və ehtiramı ilə gətirib.
Rayondan kənarda yaşayan Göyçay ziyalıları, elm və iş adamları indi bütün tədbirlərin iştirakçısı olurlar. Tanınmış, xalq və dövlət qarşısında daha böyük xidmətləri olan insanların yubileylərini, dünyasını dəyişənlərin xatirə gecələrini keçirmək Göyçayda ənənə halını alıb.