Astarada kənd sakinləri narahatdır - Rayonla əlaqələri itib

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Astarada kənd sakinləri narahatdır - Rayonla əlaqələri itib

Bolge

Oxunub: 545

12 okt 2017 | 10:49

«Deyirlər, hələlik körpünün dağılan hissələrini bərpa etməyə imkan yoxdur. Bizsə tələsirik, istəyirik, bu işlər tez olsun. Həm də körpünün digər hissələrində bərkitmə işləri aparılsın. Yoxsa daha bir yağış körpünü yerli-dibli yox edə bilər». DİA.AZ bildirir ki, bu narahatçılıq Astaranın Ovala kənd sakinlərindən gəlir. Zaur İmranov deyir, oktyabrın əvvəlindən yağan fasiləsiz yağış kənddəki körpünü dağıdıb. 10 günə yaxındır ki, avtomobillərin hərəkəti dayanıb. Bu isə sakinlərinin sayı ümumilikdə min nəfərə çatan bir neçə kəndin həyatını iflic edib.

Kənd sakini davam edir: «İcra hakimiyyətinin nümayəndələriylə Fövqəladə Hallar Komissiyasının üzvləri kəndə gəlib leysanın zərərlərini araşdıranda, körpünü də siyahıya alıblar. Ancaq indi icra hakimiyyətinə gedirik, deyirlər ki, körpünü bərpa etməyə hələlik imkan yoxdur. Bu «hələlik» nə vaxtadək davam edəcək, onu da bilmirik. Bilinən odur ki, kənd sakinləri günlərdir körpüdən o tərəf – bu tərəfə hərəkət edə bilmirlər. Körpünün o tərəfində iş yeri, sürüsü, məktəbi, bağçası olanlar çarəsiz qalıb».

Sel suları körpünün torpaq qatını və dəmir konstruksiyalı hissələrini «yuyub aparıb». Oktyabrın 4-dən Ovala, Ağ körpü, Xıçaso və daha bir neçə kəndin həm bir-biriylə, həm də rayon mərkəziylə əlaqəsi kəsilib.

Ağ körpü sakini Vidadi İsayev: «Körpüdən avtomobillə keçmək mümkün deyil, məcburuq ki, körpüyə qədər maşınla gələk, sonra da ətəklərimizi çırmalayıb piyada o taya keçək, rayon mərkəzinə gedək. Qəfil bir xəstəmiz düşsə, gərək xəstəni xərəyə qoyub körpüdən piyada keçirək. Ona görə də istəyirik ki, növbəti yağışlar yağanadək körpü düzəldilib istifadəmizə verilsin. Material versinlər, özümüz qollarımızı çırmalayıb işə başlayaq. Təki, sabah bəhanə etməsinlər ki, yağışlar başladı, körpünü düzəldə bilmədilər. Nəzərə alın ki, bir neçə kəndin ən vacib işi bu körpü ilə bağlıdır».