Azerinfo.az-ın şimal bürosu xəbər verir ki, b u gün Xaçmaz rayon Yergüc kənd tam orta məktəbində Rayon Polis Şöbəsinin təşkilatçılığı ilə şagirdlər arasında “Gəlin narkomaniyaya yox deyək” mövzusunda tədbir eçirilmişdir.Tədbird­ə Polis Şöbəsinin rəisi, polis polkovniki Nofəl Məhərrəmov, Rayon Təhsil Şöbəsinin müdiri Mədinə Nurməmmədova, Rayon İcra Hakimiyyətinin nümayəndəsi Ceyhun Musayev, Rayon Mərkəzi Xəstəxananın həkim narkoloqu Ağakərim Muradxanov və məktəbin pedaqoji kollektivi iştirak etmişdir. İlk öncə məktəbin direktoru Məhəbbət Zeynalova tədbir iştirakçılarını salamlamış, məktəblilər arasında bu mövzuda tədbirlərin keçirilməsinə görə gələn qonaqlara öz dərin təşəkkür və minnətdarlıq hissini bildirmişdir.
Sonra Polis Şöbəsinin rəisi polis polkovniki Nofəl Məhərrəmov çıxışında narkomaniyanın insanın fiziki sağlamlığına ağır zərbələr vurmasından, ətraf aləmdən təcrid olunmsından, müxtəlif xəstəliklərin yaranmasından söz açmış, dövlət başçımızın gənclərin sağlam həyatına və hərtərəfli inkişafına göstərdiyi diqqət və qayğısından geniş söz açmışdir.
Daha sonra söz Rayon Təhsil Şöbəsinin müdiri Mədinə Nurməmmədovaya verilmişdir. M. Nurməmmədova çıxışında ”Narkomaniyaya qarşı mübarizə” mövzusunda Təhsil Şöbəsinin 2017-2018-ci tədris ili üçün tədbirlər planına əsasən görülmüş işlərdən, yuxarı sinif şagirdləri arasında dəyirmi masaların, inşa yazı, rəsm müsabiqələrinin keçirilməsindən söz açmış, narkomaniyanın törətdiyi acı fəsadlardan, onun gənclər arasında yayılmasından, insanların narkomaniya əsrinə çevrilməsindən geniş söz açmışdır.
Tədbirdə iştirak edən digər qonaqlar da narkomaniyanın yeniyetmələr arasında aşkar olunmasının pis hal olmasından, cəmiyyətin ciddi bəlasına, xalqın, millətin təhlükə mənbəyinə çevrilməsindən geniş danışmışlar.
Tədbirin sonunda “Ölümünü sifariş edənlər” mövzusunda video-çarx nümayiş olundu.

Xanlar Cəbrayılzadə
Xaçmaz