İlk dəfə Lənkəranda çay, çəltik və sitrus festivalı keçirildi

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlk dəfə Lənkəranda çay, çəltik və sitrus festivalı keçirildi

Bolge

Oxunub: 988

20 dek 2017 | 09:30

Dekabrın 19-da Lənkəran Şəhər İcra Hakimiyyətinin təşkilatçılığı ilə respublikada ilk dəfə çay, çəltik və sitrus festivalı keçirilib. Şəhərin Heydər Əliyev xatirə parkında əsl ümumxalq bayram şənliyi kimi təntənəli şəkildə gerçəkləşən festivalda Lənkəran Şəhər İcra hakimiyyətinin başçısı Taleh Qaraşov, Prezident Administrasiyasından Habil Əzənmədov, Milli Məclisin rayonu təmsil edən deputatları, dəvət olunmuş qonaqlar, İcra aparatının rəsmiləri, hüquq-mühafizə orqanlarının, idarə və təşkilatların rəhbərləri, təhsil, səhiyyə, mədəniyyət müəssisələrinin əmək kollektivlərinin, rayon ictimaiyyətinin və kütləvi informasiya vasitələrinin nümayəndələri iştirak ediblər.

Festival Ümummilli Lider Heydər Əliyevin əzəmətli abidəsinin ziyarəti ilə başlayıb. Lənkəran Şəhər İcra Hakimiyyətinin başçısı Taleh Qaraşov, rəsmi şəxslər və qonaqlar Ulu Öndərin abidəsi qarşısına gəlib önünə tər gül dəstələri qoymaqla dahi rəhbərə ehtiramlarını ifadə ediblər.
İcra başçısı Taleh Qaraşov festivalı açıq elan edərək qeyd edib ki, ötən əsrin 70-80-ci illərində respublika səviyyəsində keçirilmiş və Ulu Öndər Heydər Əliyev tərəfindən yüksək qiymətləndirilərək respublikaya örnək göstərilmiş ilk məhsul bayramlarına ev sahibliyi etmiş Lənkəranın cənab Prezident İlham Əliyevin ardıcıl diqqəti ilə yenidən inkişaf edib əvvəlki şöhrətli dövrünə qayıtması hər bir lənkəranlı üçün qürurvericidir. Lənkəran şəhərinin, bütövlükdə rayonun simasını tamamilə dəyişmiş genişmiqyaslı tikinti-abadlıq, mədəni-quruculuq işlərini, məhsul bolluğunu, həyat şəraitinin durmadan yaxşılaşmasını sakinlərin sonsuz sevinc və minnətdarlıqla qaşıladığını diqqətə çatdıran natiq böyük zəhmət və əzmkarlıq bahasına qazanılmış nailiyyətlərlə fəxr edən lənkəranlıların bu festivalı alnı-açıq, üzüağ qarşıladıqlarını xüsusi vurğulayıb. Sonra İcra başçısı cənab Prezident İlham Əliyevin ardıcıl diqqəti sayəsində rayonun sosial-iqtisadi inkişafı, sənayenin, kənd təsərrüfatının ayrı-ayrı sahələrninin, xüsusilə çayçılıq, çəltikçilik və sirtus meyvəçiliyinin inkişafı sahəsində əldə olunmuş sevindirici nəticələrin yekunları barədə ətraflı məlumat vermişdir. İcra başçısı əsl əmək və məhsul bolluğu bayramı kimi keçirilən festivalın rayonun ictimai-siyasi həyatında unudulmaz, əlamətdar hadisəyə çevriləcəyini və lənkəranlıları daha böyük qələbələrə ruhlandıracağını bildirib.

Sonra rəsmi şəxslər, qonaqlar və festivalın iştirakçılar yerli istehsala aid məhsullarla bəzədilmiş pavilyonları gəzib əldə olunmuş nailiyyətlərlə yaxından tanış olublar. “Çayımızın adı var”, “Süfrələrin bəzəyi Lənkəranın düyüsü”, “Ərzaq təhlükəsizliyi keşiyində”, “Gözəlliyi damla-damla topladıq”, “ Keyfiyyət əsla bir təsadüf deyil”, “Yeni Lənkəran tikmək üçün”, “Lənkəranın şirnisi –ağız dadımız”, “ Şəkərbura, paxlava bəzək verər xonçaya”, “Çörək bol olsa, basılmaz Vətən”, “ Qonaq evin ruzi-bərəkətini artırar”, “Cənnət görmək istəyən Lənkərana gəlsin”, “Min bir dərdin dərmanı”, “ Bostandan süfrəyə naz nemət gələr” nominasiyalı örtülü pavilyonlarda yerli istehsal olan ərzaq, sənaye malları, kənd təsərrüfatı məhsulları, turizm əhəmiyyətli xalq sənətkarlığı nümunələri festival iştirakçılarında və qonaqlarda böyük maraq oyadıb. “Çayımızın adı var” və “Süfrələrin bəzəyi Lənkəranın düyüsü” pavilyonlarında qonaqlara və festival iştirakçılarına yerli təbii Lənkəran çayından dəmlənmiş samovar çayından və şirniyyatlı süfrədən ibarət çay dəstgahı və təbii dadlı yerli düyülərdən bişirilmiş 50 növdən çox plov təqdim olunub. Təqdim olunan ətirli təbii çay, dadlı ləvəngi və digər məmulatlı plovlar heyranlıqla qarşılanıb.

Festivalda 2017-ci ilidə rayonun sosial-iqtisadi inkişafı və mədəni quruculuq sahələrində görülmüş işlərin yekunları barədə ayrı-ayrı sahələr üzrə rəhbər işçilərin hesabat xarakterli məlumatları dinlənilib, ictimai-siyasi həyatda və mədəni-quruculuq işlərində fəal iştirak edən, çalışdığı sahədə fərqlənən qabaqcıllara Fəxri Fərmanlar və qiymətli hədiyyələr verilib, bədii özfəaliyyət kollektivlərinin rəngarəng ədəbi-bədii kompozisiyaları ifa olunub, nümunəvi müsiqi nömrələri səsləndirilib, gənclərin iştirakı ilə əyləncəli proqramlar göstərilib.
Festival respublikanın tanınmış incəsənət ustalarının ifasında bayram konserti ilə davam edəcək və atəşfəşanlıqla yekunlaşacaq.