Astarada bələdiyyə sədrinin hökmranlığı... - GİLEY
Bolge
Oxunub: 540
8 mar 2018 | 14:06
Astarada bələdiyyə sədrinin hökmranlığı... - GİLEY
















Astara rayonu Kakalos və Balaca Şahağacı kəndlərindən redaksiyamıza bir qrup sakini müraciət edib. Adlarının açıqlanmasından ehtiyat edən kənd sakinləri eyni zamanda problemlərinin ictimailəşməsini istəyirlər.

Amma Kakalos kənd sakini, 42 ilin müəllimi olduğunu yazan Lalə Şahrıza qızı Əliyeva isə ölkə başçısına qəzetimiz vasitəsilə müraciət eləyib. Yazır ki, böyük bir ailəyə başçılıq edir. Bu illər ərzində - övladlarına - şagirdlərinə haqqı,ədaləti,dövlət-vətən sevgisini, həyatın mübarizə meydanı olduğunu aşıladığını yazır, amma bu mübarizə meydanındakı əyriliklərə qarşı necə duruş gətirməyin yolunu öyrətməməyindən bir müəllim olaraq təəssüflənir.

“Öz elimdə haqlarımı qoruyacaq kimsə tapmıram”

Şikayəti Kakalos kənd bələdiyyə sədrindəndir: “Mən öz ölkəmi, dövlətimi sevən, dövlətimin rəhbərlərinə böyük sayğı və rəğbət göstərən ziyalıyam. Bütün analar kimi övladlarımı xoşbəxt görmək arzusuyla yaşayıram. Lakin Kakalos kənd bələdiyyə sədri Bəhram Əliyev buna imkan vermir. Uzun illərdir məni və ailə üzvlərimə təzyiqlər göstərir. Bizə böhtanlar atır, haqqımızda saxta aktlar tərtib edərək dövlət orqanlarına təqdim edir. Bəzi şəxsləri haqqımızda yalançı şahidlik etməyə təhrik edir və bu faktları təsdiq edən səs yazmaları mövcuddur. Öz doğma yurdumda, elimdə haqlarımızı qoruyacaq kimsə tapılmır.

Hörmətli Prezidentimizə ünvanladığımız bir teleqrama əngəl olmaq üçün bələdiyyə başqanı oğlum Əliyev Abuzər Zakir oğlunu şərə salıb. Guya oğlum onun şərəfini tapdayıb. Oğlum Astara rayon məhkəməsi tərəfindən 2 min manat cərimə olunub. Apellyasiya şikayəti etdik. Şirvan Apellyasiya Məhkəməsi daha irəli gedərək cəriməni 4 min 400 manat təyin etdi. Oğlum 4 övlad atasıdır. Bu haqsızlıqların hökm sürdüyü bir vəziyyətdə onları necə böyüdəcək? Bu azmış kimi narkotik istifadəçisi olan bir şəxsə oğluma aid olan dəniz avadanlığını oğurladıb, işin üstü açıldıqda isə həmin şəxsi əsassız olaraq müdafiə edib. Baxmayaraq ki oğurluq etmiş şəxsin valideynləri övladlarının oğurluq etdiyini təsdiq edirlər”.

“Məzlum insanların səsini yuxarılara göndərdiyim üçün, bizi xalq düşməni elan edib”

Lalə Əliyeva yazır ki, məzlum insanlar bələdiyyə sədrinin özbaşnalığından xilas olmaq üçün ona kəndin savadlı müəllimi kimi məktub yazmaq üçün müraciət ediblər. “Mən də onların arzu və şikayətlərini müxtəlif dövlət orqanlarına ünvanlamışam. Bələdiyyə sədri həmin şəxsləri müxtəlif yollarla çox ağır cəzalandırıb. Məni və ona qarşı açıq mübarizə aparan insanları isə az qala xalq düşməni elan edib, yuxarı dairələrin gözündən salmağa çalışır.

90-cı illərin əvvəllərində ölkədə həyata keçirilən aqrar islahatlar zamanı hansı xidmətlərinə görəsə Bəhram Əliyev islahat komissiyasının sədri təyin edildi. O, sovxozun bütün əmlakını və torpaqlarını yerbəyer etdikdən sonra 1999-cu ildə kənd bələdiyyəsinin sədri postunu tutub. Sual olunur, axı heç bir orta və ya orta ixtisas təhsili olmayan belə bir adamın 7-8 min əhali içindən seçilməsi nə dərəcədə doğrudur?

Maddi imkanın bolluğundan istifadə eləyib özünə muzdla tutduğu 2 vəkil qanunlardan bələdiyyə sədrinə sərf edən şəkildə istifadə edir. Ona görə də bələdiyyə sədrinin qanunsuz əməlləri haqda aidiyyəti dairələrə yazdığımız yazılı və şifahi müraciətlər baxımsız qalır.

Avtobus dayanacağının yerində avtomobil yuma sexi...

Bu adam kənd əhalisinə məxsus 50 ha. çay sahəsini bir müddət özü üçün istifadə edib yararsız hala salıb .

Balaca Şahağacı kəndi ərazisində olan keçmiş sovxoz idarə binasını, uzunluğu 200 metr olan talvarı, avtobus dayanacağını, ağır yük maşınları üçün nəzərdə tutulan tərəzini sökdürərək yerində avtomobil yuma sexi, ticarət obyekti inşa etdirib. O eyni zamanda iki sağıcı evini və onun ətrafındakı torpaq sahələrini də zəbt edib. Bəhram Əliyev kəndin gələcək prespektivi üçün nəzərdə tutulan 1 hektardan çox ərazini yaxın qohumlarının adına sənədləşdirərək mənimsəyib. Bundan əlavə o Balaca Şahağacı kənd əhalisinə məxsus, lakin Kələdəhnə kəndi ərazisində olan 28 ha. torpaq sahəsini ələ keçirib. O,əhalini aldadaraq dövlət Aktından həmin hissəni çıxardaraq hələ də özündə saxlamaqdadır. Bundan əlavə istədiyi ərazini başqa kəndlərin nümayəndələrinə satmağı da unutmur. Kakalos kəndində əhaliyə məxsus 60 ha. torpaq sahəsi də onun əliylə zəbt olunub. Qeyri-qanuni əməllərinə qarşı çıxanları müxtəlif yollarla cəzalandırır, guya dövlət əleyhinə çıxmaqda ittiham edir, xalq düşməni elan edir. Hətta hədə-qorxu gəlməsi ilə bağlı səs yazıları da mövcuddur.

Hörmətli cənab Prezident, insanları belə bir bələdiyyə sədrinin zülmündən xilas edin”.

Bələdiyyə sədri: Gördüyüm işləri gözləri götürmür

Yazıda səslənən ittihamlarla əlaqədar bələdiyyə sədri Bəhram Əliyevlə əlaqə saxladıq. Bələdiyyə sədri əks tərəfin haqqında söylədiyi fikirlərin heç birini qəbul etmədi: “Mən 90-cı ildən bu günə qədər xalqım üçün xidmət göstərmişəm. Özü də neyləmişəmsə, öz cibimdən xərcləmişəm. Nə gecə yatmışam, nə gündüz. Müstəqillik üçün nələr etməmişəm. Gördüyüm işlərə görə, 2005-ci ildə Tehranda 3 dəfə ürəyimdən ağır əməliyyat olunmuşam. Sadəcə, gördüyüm bu yaxşı işləri onların gözləri götürmür. Çox danışmaq istəmirəm. Gəlib oturarıq, söhbət eliyərik. Feyzbuku açın, görün, mən kiməm. Məndən şikayət eləyənlərin kimliyini yaxşı bilirəm. Ciblərində müxalifətçi vəsiqəsi daşıyırlar. Onlar bu xalqın düşmənidirlər. Bu xalqın rəhbəri dövlət üşün nə qədər işlər görüb, onların gözləri kordur, bunları görmürlər”.

P.S. Hər iki tərəfi dinlədik. Kimin haqlı, kimin haqsız olduğunu demək bizə düşmək. Yeganə məqsədimiz bu məsələnin ictimailəşdirlib, laqyiqli dəyərini almasıdır. Amma bir məqam var ki, ona münasibət bildirməmək doğru olmaz. Müxalif mövqeyinə görə kimisə xalq düşməni elan etmək qeyri-insani yanaşmadır. Bu ölkənin ali qanunları deyir ki, hər kəsin düşüncə azadlığı var və siyasi görüşlərinə görə, hek kim qınana bilməz. Əgər qınanarsa, bu, o, insana çox böyük haqsızlıq olar. \\ Hurriyyet.org\\
Bu gün, 16:00
Azərbaycandan çox şey götürdük, verməyəcəyimizi dedik... - NƏ OLDU?
Bu gün, 15:30
Ermənistanın demarşı: Rusiyanın ikinci cəbhə açmaq imkanı yoxdur - NƏ BAŞ VERİR?
Bu gün, 14:22
Yüz minlərlə azərbaycanlı Rusiyadan geri qayıdır? - NƏ ETMƏLİ?
Bu gün, 13:16
Yaşayış binalarında da parklanma yerləri BAHALAŞDI - Yeni qiymət
Bu gün, 13:00
Şahmar Hüseynov vəzifəsindən azad edildi - YENİ TƏYİNAT
Bu gün, 11:56
Sabah yerimizdə oturacaqlar, qan töküləcək, Azərbaycana qaytarılmalıdır – Andranik Köçəryan
Bu gün, 10:53
"Xəzər Lənkəran"la bağlı şad xəbər - Seçimlərə başlandı
Bu gün, 10:12
“Yaxın günlərdə daha 73 nəfərin adları ictimaiyyətə açıqlanacaq”
Bu gün, 10:08
Azərbaycanda dövlət xadimlərinin həyatına 7 sui-qəsd cəhdi olub - DTX rəhbəri
Bu gün, 10:02
Dünya "Qarabağ"ın ulduzundan danışır: Nələr dedilər? - VİDEO
Bu gün, 10:00
Bahalaşmanın növbəti dalğası gəlir: Evlərin qiyməti yenə artacaq
Bu gün, 09:56
Lənkəranda faciə: Ata və oğul öldü (FOTOLAR)
Bu gün, 09:49
"Crocus"da qəhrəmanlıq göstərən sumqayıtlı: "Onlar məndən üzr istədi"
Bu gün, 09:44
ABŞ və Avropa Birliyi Qafqazda sülhü bloklayır: Qərb Ermənistanın hərbi təxribatlarına dəstək qərarı verib
Bu gün, 09:41
Finlandiya rus oliqarxların Helsinkidəki idman-konsert kompleksini əllərindən alır
Bu gün, 09:39
Xristianlıqla İslamı üz-üzə qoymaq istəyirlər - Kirill
Bu gün, 09:37
Məşhur Azərbaycan filmlərində heyvanlara aktyorlardan çox qonorar verilirmiş
Bu gün, 09:31
Putin: “Rusiya üçün dost olmayan elitalar...”
Bu gün, 09:18
Fransa ordusu Ukraynaya girir - 5 ssenari
Bu gün, 09:00
Solovyov Bakıya şər atmağına “peşman” oldu
Dünən, 16:42
Dördüncü dəfədir ki, bayram tonqalı azad edilmiş Qarabağ torpağında qalanır
Dünən, 16:00
Ermənistan Türkiyənin vilayətinə çevriləcək - Petrosyan
Dünən, 15:30
Ermənistan sərhəddəki kəndi Gürcüstana verir? - “Joğovurd”
Dünən, 14:27
Xocalı şəhərində Şəhidlər xiyabanı salınır
Dünən, 14:22
Zaxarova və Peskov Ermənistana hansı mesajı göndəriblər -ŞƏRH
Dünən, 14:00
"Peysər", "qaşqaldaq" sözlərinə o mənfi mənaları kim yükləyib? - Alimdən etiraz
Dünən, 13:18
Xocalıya ilk köçün tarixi açıqlanıb