Vətəndaşdan Səlim Müslümova ŞİKAYƏT

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Vətəndaşdan Səlim Müslümova ŞİKAYƏT

Bolge

Oxunub: 955

15 apr 2018 | 23:50

Azərbaycan Respublikası Əmək və Əhalinin Sosial Müdafiəsi Naziri Gömrük xidməti general-mayoru, iqt.e.namizədi, Səlim Yanvar oğlu Müslümov cənabına

Çoxhörmətli cənab Nazir !

Sizə 22 yanvar 2018-ci il tarixində ünvanladığım, Sizin və müavininiz İlqar Rəhimovun elektron ünvanlarınıza Əjdər Cəbiyevin “Kolanı mafiyası” barədə göndərdiyim ilk müraciətlərdən 33 gün keçməsinə və Vətəndaşların müraciətləri haqqında Azərbaycan Respublikasının Qanunun 10.Müraciətə baxılması müddətinin də (10.1. Bu Qanunun 9.2-ci, 9.6-cı və 10.2-10.4-cü maddələrində göstərilən hallar istisna olmaqla, vətəndaşların müraciətlərinə ən geci 15 iş günü, əlavə öyrənilmə və yoxlanılma tələb edən müraciətlərə isə ən geci 30 iş günü müddətində baxılır.) keçməsinə baxmayaraq, hələ də mənə cavab verməməyinizi özümə qarşı təhqir, Azərbaycan Respublikasının Prezidenti möhtərəm İlham Əliyev cənablarının Növbədənkənar Prezident seçkilərinə qarşı isə ən azı hörmətsizlik kimi qəbul edirəm. Siz bəlkə də heç vaxt zindanlarda çürüyən MTN generallarından ola bilməzsiniz, lakin lazım gələrsə özünüzü onların yerində görməyi düşünməniz də pis olmazdı. Mənim kimi ahıl, taleyinə məcburi köçkün damğası vurulmuş bir ağsaqqalın müraciətinə məhəl qoymamaq əvəzinə son illərdə Eldar Mahmudovun, Cahangir Hacıyevin, Əli İnsanovun, Əli Abbasovun, Aydın Bəşirovun, Fərhad Əliyevin, Misir Mərdanovun, Səfər Əbiyevin, Fazil Məmmədovun, Ziya Məmmədovun və digərlərinin taleyini yaxşı-yaxşı düşünmək lazımdır. Bütün müraciətlərimdə Əjdər Cəbiyevin qeyri-düzgün kadr siyasətindən, “kolanı mafiyası” qurub yüzlərlə insanın hüquqlarını pozmasından fakt və sübutlarla yazmağıma baxmayaraq heç bir reaksiya verməməyiniz sırf onu müdafiə etməyiniz kimi anlaşılır. Siz anlayırsınız ki, Əjdər Cəbiyev Sizin rəhbərliyiniz altında sanki İspaniya Krallığının rəhbərliyi altında Kataloniya Muxtar Vilayətini yaradıb və heç kimə tabe olmadan hökmranlıq etmə əzmindədir ?!... Leyla Xanım Əliyevanın şəxsi təşəbbüsü ilə başlanmış "Xocalıya ədalət" beynəlxalq təbliğat-təşviqat kampaniyasının geniş vüsət aldığı bir ərəfədə Sizin Əjdər Cəbiyevi bu qədər müdafiə etməyiniz nə qədər düzgündür ?!... Sizin bütün bu hərəkətləriniz barədə möhtərəm İlham Əliyev cənablarına müraciət edərək Prezidentin Mətbuat Xidmətindən mütəmadi olaraq dəstək istəyəcəyəm. Sizə and verdiyim o qədər müqəddəs and yerlərinə, dövlət atributlarına və sonda analoqu olmayan Heydər Məscidində şəhid ailələri ilə görüş zamanı Mehriban Xanım Əliyevanın göz qapaqlarından süzülən göz yaşlarına qətiyyən hörmət qoymadınız. Sizin rəhbəri olduğunuz sığınacaqlarda imkansızlara, insanlardan fərqli olaraq sahibsiz itlərə qayğı göstərildiyi halda mənim kimi ahıl yaşımda növbədənkənar prezident seçkilərində seçici siyahılarında adımın olmasını, yurd-yuvamdan didərgin düşməyimi nəzərə almadan o sahibsiz itlər qədər mənə dəyər vermədiyinizi, müraciətlərimi cavabsız qoymağınızı çox mənfi qiymətləndirirəm.

Cənab Nazir ! Bu məktubumu əsasən Sizə və İlqar Rəhimova göndərərək bildirmək istəyirəm ki, bütün bu qanunsuz hərəkətlər barədə Ölkə Başçısına, I Vitse-Prezidentə, General Mədət Quliyevə və digər müvafiq instansiyalara həm poçt, həm də internet vasitəsilə faktlara əsaslanmış müraciətlər ünvanlayacağam və onlardan köməklik istəyəcəyəm. Ümidvaram ki, bu dəfə bu müraciəti diqqətlə oxuyacaqsınız. Sağ olun !

Dərin ehtiramlarla , 84 yaşlı məcburi köçkün Əliyev Baxış

24 fevral 2018-ci il. S.Vurğun, 24/35. tel.№ 055-554-14-44