Abşeron və Cocuq Mərcanlı məktəbləri qardaşlaşdı

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Abşeron və Cocuq Mərcanlı məktəbləri qardaşlaşdı

Bolge

Oxunub: 797

30 may 2018 | 00:00

Cocuq Mərcanlı məktəbliləri Abşeronlu dostlarını doğma Cəbrayılda qarşıladı

Xırdalan şəhər 2 nömrəli tam orta məktəbin müəllim və şagirdləri Azərbaycan Xalq Cümhuriyyətinin 100 illiyi münasibəti ilə Cəbrayıl rayonunun işğaldan azad edilmiş Cocuq Mərcanlı kəndinə səfər ediblər.

Nümayəndə heyəti səfər çərçivəsində əvvəlcə aprel şəhidlərinin xatirəsinə ucaldılmış abidəni ziyarət edərək önünə əklil qoyub.

Səfər zamanı məktəblilər Cocuq Mərcanlıda həyata keçirilən yenidənqurma və tikinti işləri ilə tanış olublar.

Cocuq Mərcanlı məktəbliləri plakatlar, şüarlarla Xırdalan məktəblilərini məktəbin qarşısında böyük coşqu ilə qarşılayıb. Xırdalan 2 nömrəli tam orta məktəbin müəllim və şagirdləri məktəblə yaxından tanış olduqdan sonra Qardaşlaşma haqqında saziş imzalayıblar.

Sazişi hər iki məktəbin direktoru imzalayıb. Cocuq Mərcanlı məktəbin direktoru Zamin Həziyev məktəblərin qardaşlaşmasını xoş hadisə adlandırıb: “Biz çox sevinirik ki, Xırdalan məktəbi ilə bundan sonra birgə fəaliyyət göstərəcəyik. Belə bir layihə həyata keçirdiyinə və ilk olaraq bizim məktəbi seçdiyinə görə Xırdalan şəhər 2 nömrəli tam orta məktəbin direktoru Ədalət Camalovaya minnətdarlıq edirəm. Bu gündən uğurlarımıza birgə sevinəcək, problemlərimizi birgə aradan qaldıracağıq. Görəcəyimiz bütün işlər Azərbaycanımızın daha da inkişaf etməsi, cəmiyyətimizin bilikli olması üçündür”.

Xırdalan şəhər 2 nömrəli tam orta məktəbin direktoru Ədalət Camalova qardaşlaşan Xırdalan və Cocuq Mərcanlı məktəbliləri bir-biri ilə daim əlaqə saxlamağa, dostluğun, qardaşlığın bariz nümunəsinə çevrilməyə çağırıb, bu günün “Qardaşlaşma sazişi” imzalamış məktəblilərin yaddaşından heç vaxt çıxmayacağını deyib.

Cocuq Mərcanlı məktəbi ilə ilk dəfə Xırdalan məktəbinin qardaşlaşmasından qürur duyduğunu dilə gətirən Ə.Camalova çıxışında onuda qeyd edib ki, Azərbaycanın əldə etdiyi nailiyyətlərdən biri də güclü ordunun yaradılmasıdır: "Bu ordu öz gücünü 2016-cı ildə aprel döyüşlərində göstərib və 3 rəngli bayrağımızı düşməndən azad edilən torpaqlarda ucaldıb. Əminik ki, yaxın zamanlarda 3 rəngli bayrağımız işğaldan azad edilmiş Şuşada, Xankəndində dalğalanacaq".

Qardaşlaşan məktəblilər də iştirak etdikləri layihə çərçivəsində keçirdikləri xoş saatları heç vaxt unutmayacaqlarını deyiblər.

Sazişin imzalanmasından sonra Cocuq Mərcanlı məktəbinin binasında dəyirmi masa keçirilib. “Mənim arzum budur ki..” mövzusunda keçirilən müzakirələrdə hər iki məktəbin müəllimləri və şagirdləri arzularını dilə gətiriblər. Onlar işğalda olan Azərbaycan torpaqlarının azad olunmasının ən böyük arzuları olduğunu bildiriblər. Bunun üçün isə Vətənə layiqli, vətənpərvər, bilikli gənclərin yetişdirilməsinin vacibliyini vurğulayıblar.

Məktəblə tanışlıqdan sonra nümayəndə heyəti Prezident İlham Əliyevin tapşırığına əsasən Cocuq Mərcanlı kəndində inşa edilmiş məscidlə yaxından tanış olub.