Hər bir şəxs özünün keçdiyi həyat yoluna nəzər salanda, unudulmaz və xoş xatirələrə dönmüş anlarını, günlərini xəyalından keçirəndə istər-istəməz kimlərlə ünsiyyət saxladığı, kimlərlə yoldaşlıq və dostluq etdiyi insanlar göz önünə gəlir. Elə insanlar var ki, onların həyatı, fəaliyyəti elinə, xalqına, vətəninə xidmətə həsr olunur. Müdriklər demişkən, "xalq üçün, vətən üçün yaşanan ömür əsl insan ömrüdür".
Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlara öz xalqının, millətinin mənəvi siması desək səhv etmərik.
Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, əsil dost Xaçmaz MRX-nın labaratoriya şöbəsinin müdiri Zümrüd Kəmaləddin qızı Əhmədovadı.
-Zümrüd həkim 1964-cü ildə Xaçmaz rayon Yergüc kəndində doğulub. 1982-1989 cu illərdə Azərbaycan Dovlət Tibb Universitetində həkim labarant təhsilini aldıqdan sonra 1990 cı ildən bu günə qədər Xaçmaz MRX-da labarant - şöbə müdiri vəzifəsində fəaliyyət göstərir.

Müsahibim Zümrüd Əhmədova səhiyyəmizdə yaradılan şərait haqda bu sözləri söylədi: - Səhiyyədəki nailiyyətlər hər bir ölkədə, o cümlədən Azərbaycanda inkişaf konsepsiyasının mühüm tərkib hissəsidir. Ölkəmizdə son illərdə səhiyyənin inkişafı ilə bağlı həyata keçirilən tədbirlər deməyə əsas verir ki, Azərbaycan öz gələcəyini daha etibarlı və inamlı həkimlərin əlində görmək istəyir. Bundan başqa, zəngin təbii sərvətləri ilə dünyanın diqqətində olan Azərbaycan bu sərvətlərdən səmərəli istifadə ilə insan kapitalının daha da inkişaf etdirilməsini başlıca məqsədə seçib. Bununla da neft gəlirləri Azərbaycanda digər sahələrdə olduqu kimi həm də səhiyyənin inkişafına yönəlib.
Səhiyyənin inkişafına xüsusi önəm verən Azərbaycanda əhalisinin sağlamlığı baxımından dünyanın bir çox inkişaf etmiş ölkələri ilə müqayisə olunur.
Dövlətin səhiyyə ilə bağlı strategiyasının həyata keçirilməsində ölkənin ən böyük təşkilatı olan Heydər Əliyev Fondunun fəaliyyəti xüsusilə diqqət çəkir.
Səhiyyə sahəsində Fondun ən böyük və irimiqyaslı işlərindən olan, həkimlərin bilik və bacarığlarnin artırılması ve yeni muasir tələblərə cavab veren xəstəxanalarin tikilib istifadəyə verilməsi uğurla davam etdirilir. Onu da deyək ki, 2003-cü ildən indiyə qədər ölkədə minlərlə xəstəxana tikilib və Azərbaycanda heç vaxt olmayan qədər geniş bazaya malik səhiyyə infrastrukturu yaradılıb.
Bununla da ölkədə səhiyyə sahəsinə qayğı, onun maddi-texniki bazasının möhkəmləndirilməsi işi ümummilli səviyyəyə qaldırılıb.
Biz həkimlər üçün yaradılan bu şəraitə görə ölkə rəhbəri İlham Əliyevə və ölkənin birinci xanımı Mehriban Əliyevaya təşəkkürmüzü bildiririk.


Xanlar Cəbrayılov
Xaçmaz