NafTALAN necə TALAN EDİLİR... - İTTİHAM
Bolge
Oxunub: 778
27 in 2018 | 18:17
NafTALAN necə TALAN EDİLİR... - İTTİHAM














Ölkə mətbuatı naftalanlı Aslanov qardaşlarından və onların yeznələri Bədəl Bədəlovdan çox yazıb.

Məsələn, mətbuatda gedən yazıların birində yazılıb ki, Goranboy və Naftalan ərazisindəki əsas gəlir mənbələri Aslanovların və SOCAR-ın vitse-prezidenti B.Bədəlovun nəzarətindədir: “ Naftalan şəhər icra hakimiyyətinin başçısı Natiq Aslanov B.Bədəlovun qaynıdır. 96 saylı Goranboy-Naftalan seçki dairəsindən Milli Məclisə deputat seçilmiş Mahir Aslanov isə Natiq Aslanovun əmisi oğludur.

Bildirilir ki, İcra başçısının vaxtilə çalışdığı “Kəpəz” firması M.Aslanova məxsusdur. N.Aslanovun rəsmi tərcümeyi-halında hərbi qulluqla bağlı heç nə yazılmayıb. İcra başçısının tərcümeyi-halından bəlli olur ki, bu şəxs 34 yaşında icra başçısı təyin olunub. Bu fakt az qala Ginnesin rekordlar kitabına düşə bilər. Görəsən, Natiq Aslanovun vətən və millət qarşısında hansı xidmətləri olub ki, gənc yaşında mühüm bir şəhərə rəhbər təyin olunub..? Doğrudan da heç bir xidməti olmayan şəxs birdən-birə necə icra başçısı kreslosuna sahib olub..?

Ölkə mətbuatının yazdığına görə, Aslanovun icra başçısı təyin olunmağında ARDNŞ-in vitse-prezidenti B.Bədəlovun əsas rolu olub. B.Bədəlov özü kim olub və onun neft sahəsində hansı nailiyyətlərinə görə onu SOCAR kimi böyük strateji şirkətə vitse-prezident təyin ediblər?! B.Bədəlov da qaynından geri qalmayıb. Yəni, o özü də hərbidə olmayıb və güman edilir ki, o da hərbi xidmətdən “neqodnı” adı ilə yayınıb. SOCAR-ın vitse-prezidentinin ilk fəaliyyəti Naftalanın Qaşaltı Qaraqoyunlu kəndində eşşək arabasında su daşıyıb satmaq olub. Bu yerdə lap məşhur “Əlibaba və qırx quldur” kinosu yadıma düşdü. Həmin kinofilimdə Əlibaba səhranı dolaşaraq 40 quldurun mağarasına rast gəlir. Mağaraya “sim-sim, açıl” deyən kimi, onun qarşısında mağaranın qapısı açılır və o 40 quldurun karvanlardan qarət etdikləri qızıl-zinət əşyalarını tapır.

Naftalan şəhərinin Qaşaltı Qaraqoyunlu kəndindən, B.Bədəlovun tikdirdiyi imarətdə işləyən fəhlələr 365İNFO saytına çox maraqlı məlumat göndəriblər. Məlumatda qeyd olunur ki, tikilən imarətin bünövrəsinə və divarlarına saxsı küplərdə qızıl-zinət əşyaları B.Bədəlov tərəfindən hördürülərək gizlədilib. Doğrudanmı B.Bədəlov “Əlibaba və 40 quldur” kinofilmindəki kimi qızıl-zinət əşyaları gizlədilən mağaraya rast gəlib və SOCAR -ın vitse-prezidenti təyin olunandan sonra tez-tez həmin mağaraya baş çəkir?!”, Sonuncu yazılarımızdan sonra Naftalanın icra başçısı Natiq Aslanov tutduğu vəzifədən azad olundu, yeni icra başçısı təyin olundu. Ancaq naftalanlılar yenə o fikirdədirlər ki:“Quzunu qurda tapşırıblar, həmin “QURDUN” adı da Bədəl Bədəlovdur”.

Nə qədər ki, Naftalan rayonunun kurasiyası B.Bədəlova tapşırılıb, Naftalanda talançılıq davam edəcək. Bu qənaətə Naftalan şəhərindən redaksiyamıza daxil olan məktubu oxuyandan sonra gəlmək olar.

Həmin şikayət məktubunu oxucularımıza olduğu kimi təqdim edirik: “25 ilə yaxın müharibə şəraitində yaşayan dövlətimizdə ölkə Başçısı və əksər vətəndaşlar maksimum qüvvə ilə çalışırlar ki, əhalinin sosial problemləri həll olunsun, dövlətimizin hərbi qüvvəsi daha da güclənsin, işğal olunmuş torpaqları geri qaytaraq. Lakin, 2010-cu ildə Naftalana İcra Başçısı təyin olunmuş Natiq Aslanov yuxarıda qeyd olunan hədəflərin pozulması üçün əlindən gələni əsirgəməmişdir. N.Aslanov özü kimi savadsız, qabiliyyətsiz, fərari adamları başına yığaraq talançılığa fasiləsiz start verdi. Üstünlük verildi Qaşaltı Qaraqoyunlu kəndindən olanlara. Şəhərin torpaq fondu ehtiyat fondu ilə birlikdə topdan satış formasında satıldı. Amma 10 illərlə torpaq sahəsi almaq üçün növbədə duran şəhid ailələri,müharibə veteranları, çoxuşaqlı ailələr, Çernobıl əlilləri və sairələr bu günədək növbədədirlər. Kurort rüsumları, dotasiyalar mənimsənildi, bələdiyyə əraziləri bərbad vəziyyətə salındı. Ümumiyyətlə şəhərə ayrılan milyonlar illər ərzində icra başçıları tərəfindən çox rahat mənimsənilmişdir. Sabiq icra başçıları Füzuli Sadıqov, Musa Musayev burada milyonçu olublar. 2010-cu ildə cənab Prezidentin tapşırığı ilə SOCAR-ın maliyyə dəstəyi ilə şəhərdə yenidənqurma və abadlıq işləri başlandı. Deyilənə görə bu işlərə 650 milyon manat pul xərclənib.Çox təəssüf ki, qoyunu qurda tapşırıblar. Bunun nəticəsidir ki, işlər keyfiyyətsiz və şişirdilmiş qaydada görüldü.

Məsələn, şəhərdə 6 saylı panel ev 1964-65-ci illərdə inşa edilmişdi.Yararsız olduğuna görə həmin ev sökülməli idi, lakin onu sadəcə yenilədilər. İndi Allah eləməsin 4-5 ballıq zəlzələ olarsa 50 ailənin taleyi təhlükə altına düşəcək. Naftalanda görülən işlər və hökm sürən vəziyyət haqda bunları demək olar: -Binaların ətrafına tökülən beton heç bir əhəmiyyət kəsb etmir.Çünki betonun içindən 1,2 sm uzunluğunda “Z obraznı” ankerlər buraxılmalı idi, buraxılmayıb. Bu səbəbdən tökülən dəmir beton divarlardakı aqlay daşlarının yükünü saxlaya bilmir. -Divarda toxunan setkaların diametri norma üzrə 20 mm olmalıdır, amma 8-10 mm-dir. -Binanın mansard hissəsində döşəmələrin mailliyini düzəltmək üçün əvvəlcədən tökülmüş keramziti daşıyıb götürüblər, yerini təxminən 0,60 sm-1,0 m mailiyi olan beton vasitəsi ilə düzəldiblər . -Binanın sıradan çıxmış eyvanlarını təhlükəli formada bərpa etmişlər. Əgər kiçik bir təkan olarsa, eyvan öz yükünü saxlaya bilməz, çünki dayaq sütunlar qoyulmayıb. -Üzlük plitələri olan ağ laylar yapışdırılan vaxt divarla üzlük arasındakı məsafə (15 sm-20 sm) beton məhlulu ilə düzlənib ki, bu da texniki normaların kobud şəkildə pozulması, binanın həddindən artıq yüklənməsi deməkdir. Boş yerlərə sement torbaları-kağızla doldurulub deyə həmin yerlərdə qarışqa yuvaları əmələ gəlib, bütün evləri qarışqa götürüb. -“Podyez”lərdə açılmayan pəncərələr qoyulub ki,bu texniki normalara ziddir. -Küçə sularının ötürülməsi metodu səhvdir deyə zirzəmiyə su dolur. -Yollara döşənən asfalt keyfiyyətsizdir. – Şəhərdə tikinti işlərini aparan mütəxəssis yoxdur, İcra Hakimiyyətinin Baş memarı aqranomdur. Fövqəladə Hallar Nazirliyi üçün böyük iş var: -Yeraltı kommunikasiyaların dəyişdirilməsi və binalarda aparılan montaj işləri əvvəlcə 15-20% keyfiyyətli “FİRAT” məhsulları ilə, sonra keyfiyyətsiz materiallarla aparılıb. Qiymət fərqi-milyonlarla. (Hamımıza 2015-ci ilin mayında Binəqədi rayonunda yaşayış binasında baş verən yanğının acı nəticələri məlumdur) -Bütün işlərin maliyyə məsələlərini Bədəlin həkim qardaşı Ümidvar həyata keçirib. O, şəhərin avtovağzalını alıb, yerində dəyəri 30-40 milyon manat olan sanatoriya tikib. -Şəhərdə işləri həyata keçirən 8 iş icraçısının 3-ü traktorçu, 1-i keçmiş polis mayoru (təqaüdçü), 2-si sürücü, 1-i çoban idi. Naftalanda bu işlər aparılarkən Bədəl və Natiq oğurluq pulların hesabına Mərdəkanda villalar, Bakıda, Naftalanda mənzillər, obyektlər aldılar. Başçı şəhər hamamını aldı və 100 min manata satdı, şəhər hamamsız qaldı. -Hər ay saxta sənədlərlə idman, səhiyyə və kommunal təsərrüfatı xərcləri adı ilə böyük məbləğlər mənimsənirdi. –“Muğan” bağçılıq ərazisindən Goranboy sakini Ramilə 3,5 ha torpağı 300 min manata satıblar, camaatı isə torpaqsız qoyublar. -Gəncədə sökülmüş işıq dirəklərini (metallom) təzə adı ilə hər birini 1200 manata sənədləşdiriblər. Cari ilin aprel-may aylarında Gəncə 12 saylı Vergi İdarəsi tərəfindən Naftalan şəhər Kommunal Təsərrüfatı İstehsalat Birliyində yoxlama aparıldı. Məlum olub ki, 170 nəfər ştatı olan idarənin cəmi 30-35 nəfər işçisi varmış, qalan əmək haqqı kartlarını -140 ədədi başçı hər ay (10 ilə yaxındır) özü götürürmüş. Kartlar başçının müavininin seyfindən çıxdı. İdarədə olan Kamaz, Hundai, ağır tonnajlı su maşınlarını Naftalan camaatı görməyib. İdarə rəhbərliyi bu maşınlar ilə kəndlərdə pul qazanırlar. Bu hadisədən 4-5 ay qabaq müavinin qardaşı Rauf (peşə məktəbinin direktoru) axşam saat 23-24 radələrində çoxsaylı kartları Kapital Bank-dan götürəndə polis tərəfindən yaxalanıb ,sonradan 5 min alıb onu buraxıblar. Bütün qəssablardan, digər obyektlərdən aylıq alınır.

NƏTİCƏ:
1. Bədəl Bədəlovun və onun kadrlarının, ələlxüsus Natiq Aslanovun fəaliyyəti dövlət siyasətinin əksinə olan fəaliyyətdir.
2. Köçəri Əhmədov Qaz idarəsinin müdiri işləyəndə əmək haqqı kartlarını özündə saxlayıb.
3. Şəhərə xərclənən vəsaitə 4-5 təzə şəhər tikmək olardı. Vəsaitin 60-70% mənimsənilib.Tikinti zamanı SOCAR-ın kuratoru, Naftalanın indiki başçısı Rövşən İbrahimov olub.
4. Əhalinin böyük əksəriyyəti işsizdir.
5. Şəhər əhalisi qədər də Naftalanda məmur nomenkulaturası var.
6. Şəhərdən gedən şikayətlərə baxılmır.Şəhərdə görülən işlər haqda hesabatlar məmurlar tərəfindən formal qaydada verilir.
7. Bədəl Bədəlov tərəfindən, onun kadrı olan yeni başçının təyinatına nail olmaq maxinasiyaları ört-basdır etmək üçündür.

“Yuxarıda təqdim etdiyimiz şikayət məktubundakı məlumatlar haqda yalnız onu deyə bilərik ki, yetərincə ciddi faktlara söykənən bu iddiaların aidiyyatı qurumlar tərəfindən yoxlanılması üçün kifayət qədər əsas var”.
365info.org
Bu gün, 16:00
Azərbaycandan çox şey götürdük, verməyəcəyimizi dedik... - NƏ OLDU?
Bu gün, 15:30
Ermənistanın demarşı: Rusiyanın ikinci cəbhə açmaq imkanı yoxdur - NƏ BAŞ VERİR?
Bu gün, 14:22
Yüz minlərlə azərbaycanlı Rusiyadan geri qayıdır? - NƏ ETMƏLİ?
Bu gün, 13:16
Yaşayış binalarında da parklanma yerləri BAHALAŞDI - Yeni qiymət
Bu gün, 13:00
Şahmar Hüseynov vəzifəsindən azad edildi - YENİ TƏYİNAT
Bu gün, 11:56
Sabah yerimizdə oturacaqlar, qan töküləcək, Azərbaycana qaytarılmalıdır – Andranik Köçəryan
Bu gün, 10:53
"Xəzər Lənkəran"la bağlı şad xəbər - Seçimlərə başlandı
Bu gün, 10:12
“Yaxın günlərdə daha 73 nəfərin adları ictimaiyyətə açıqlanacaq”
Bu gün, 10:08
Azərbaycanda dövlət xadimlərinin həyatına 7 sui-qəsd cəhdi olub - DTX rəhbəri
Bu gün, 10:02
Dünya "Qarabağ"ın ulduzundan danışır: Nələr dedilər? - VİDEO
Bu gün, 10:00
Bahalaşmanın növbəti dalğası gəlir: Evlərin qiyməti yenə artacaq
Bu gün, 09:56
Lənkəranda faciə: Ata və oğul öldü (FOTOLAR)
Bu gün, 09:49
"Crocus"da qəhrəmanlıq göstərən sumqayıtlı: "Onlar məndən üzr istədi"
Bu gün, 09:44
ABŞ və Avropa Birliyi Qafqazda sülhü bloklayır: Qərb Ermənistanın hərbi təxribatlarına dəstək qərarı verib
Bu gün, 09:41
Finlandiya rus oliqarxların Helsinkidəki idman-konsert kompleksini əllərindən alır
Bu gün, 09:39
Xristianlıqla İslamı üz-üzə qoymaq istəyirlər - Kirill
Bu gün, 09:37
Məşhur Azərbaycan filmlərində heyvanlara aktyorlardan çox qonorar verilirmiş
Bu gün, 09:31
Putin: “Rusiya üçün dost olmayan elitalar...”
Bu gün, 09:18
Fransa ordusu Ukraynaya girir - 5 ssenari
Bu gün, 09:00
Solovyov Bakıya şər atmağına “peşman” oldu
Dünən, 16:42
Dördüncü dəfədir ki, bayram tonqalı azad edilmiş Qarabağ torpağında qalanır
Dünən, 16:00
Ermənistan Türkiyənin vilayətinə çevriləcək - Petrosyan
Dünən, 15:30
Ermənistan sərhəddəki kəndi Gürcüstana verir? - “Joğovurd”
Dünən, 14:27
Xocalı şəhərində Şəhidlər xiyabanı salınır
Dünən, 14:22
Zaxarova və Peskov Ermənistana hansı mesajı göndəriblər -ŞƏRH
Dünən, 14:00
"Peysər", "qaşqaldaq" sözlərinə o mənfi mənaları kim yükləyib? - Alimdən etiraz
Dünən, 13:18
Xocalıya ilk köçün tarixi açıqlanıb