28-06-2018, 13:10 Oxunub: 443

Deputat seçiciləri eşitmir, laçınlılar feysbukda prezidentə haray edir

Deputat seçiciləri eşitmir, laçınlılar feysbukda prezidentə haray edir














Laçının deputatı Mahir Abbaszadə məcburi köçkünləri virtual aləmdə şikayətlərini yazmağa məhkum edib

FİA.Az-ın verdiyi xəbərə görə, laçınlı seçicilərin səsi nə icra hakimiyyətinə, nə millət vəkilinə çatır deyə problemlərini sosial şəbəkələrdə yazırlar.

M.Abbaszadənin laçınlı seçicilərlə görüşməməsi, onların şikayətlərini icra hakimiyyətinə və yuxarılara çatdırmaması məcburi köçkünləri narazı salıb.

Onlar millət vəkilinin vəzifəsinin seçicilərlə görüşmək, vasitəçilik etmək olduğunu xatırladırlar.

Son vaxtlar feysbukda qaçqınların tez-tez icra başçısı Aqil Nəzərli və deputat Mahir Abbaszadədən gileylənməsinə rast gəlmək olar.

Məcburi köçkünlük həyatına məhkum olunmuş, 58 rayona səpələnən bu insanların ən böyük problemi ev, məişət, işsizlik problemləridi.

Bəzi insanların sağlamlıq problemləri var. Ancaq deputat bu rayonların hansına səfər edərək, laçınlı seçiciləri ilə görüşüb? Mahir Abbaszadə aktiv fəaliyyət göstərməyən deputatlardan biridir.

Düzünü desək, Mahir Abbaszadəni millət vəkili seçki kampaniyasında mətbuat vasitəsilə yayınlanan, adının mənfi xəbərlərlə çəkilməsi ilə tanımışıq.

Milli Məclisdə əyləşən deputatın fəal olması onun vəzifə borcudur. Bundan əlavə, deputat gərək, öz fəallığı ilə daima ictimaiyyət arasında ola və mətbuatla əməkdaşlıq edə.

Nə yazıq ki, onun haqqında olan bütün məlumatlar yalnız seçki ərəfəsində olan məlumatlardır.

Mahir Abbazadə ilə "Google" vasitəsilə tanış olmaq mümkündür.ı Fəaliyyətini də görsəydik, sevinərdik.

FİA.Az-ın verdiyi xəbərə görə, laçınlılar feysbukda şikayətlərini yazmadan yorulublar. Onların artıq başqa ifadə imkanları qalmayıb. Köçkünləri nə RİH, nə deputat sayır.

Deputat seçicilərindən qaçır. Şübhə doğurmur ki, həmin müraciət edənlər də deputatı güc-bəla yasda-toyda tutub dərdini deyənlərdir.

Üstəlik, biznes şəraitinin olmamasından gileylənən deputatı anlamaq mümkündür. Çünki onun ticari əlaqələri Dubay-Bakı reysi ilədir.

Xarici pasportundakı möhürlər kifayət edir ki, onun biznesinin hansı ərazidə olduğu müəyyən edilsin.

Bir müddət əvvəl Laçın RİH sabiq şöbə müdiri Laçının icra başçısı Aqil Nəzərlini və rayonun deputatı Mahir Abbaszadəni “topa tutmuşdu”.

O, A.Nəzərlinin və M.Abbaszadənin laçınlıların deyil, öz qohum-əqrəbalarının başçısı ilə deputatı olduqlarını xatırlatmışdı. Əslində isə keçmiş məmurun söylədikləri çoxdan bəllidir.

Dəfələrlə mətbuat Laçının icra başçısı və deputatının seçicilərə, məcburi köçkünlərə laqeyd münasibətindən yazıb, öz şəxsi bizneslərini inkişaf etdirdikləri vurğulanıb.

F.Tanirverdiyev feysbukda bu statusu paylaşmışdı: “Laçın rayon icra başçısı postuna yüksəlməsinə baxmayaraq 74 min laçınlının deyil, yaxın qohum-əqrabasının, Nəzərlilərin və Abbaszadələrin başçısı olan Aqil Nəzərli tərəfindən uyduruq bir oyunla karyerasına son qoyulan ixtisasca hüquqşünas, ehtiyatda olan zabit Fizuli Tanirverdiyev olaraq dəyişməmiş fəxr ediləsi bir ünvanlı titulda qaldın”.

Bir qrup Qarabağ əlilləri də A.Nəzərlinin və M.Abbaszadənin əməllərindən dövlət başçısı İlham Əliyevə yazmışdı.

“Biz Qarabağ əlilləri Laçın rayon Vağazin sakinləri Qasimov Mirələm Əhliman oğlu , Əhmədov Nadir Şükür oğlu, İsmayilov Yusif Əli oğlu,şəhid bacisi Hümbətov Bilqeyis Süleyman qizi, Laçın rayon Qarakeçdi kənd sakini və Xanlarov Mais Haci oğlu torpaqlarimiz uğrunda Qarabağ əliliyəm.

Laçın Rayon İcra Hakimiyyətinin Başçısı Aqil Nəzərli və onun ailə üzvlərinin, Laçın Rayonundan seçilmiş millət vəkili Mahir Abbasovun və onun ailə üzvlərinin ,Laçın Rayon Təhsil Şöbəsinin Müdiri Nicat Həsənovun biz laçınlı məcburi köçkünlərə etdiyi zülm və qanunsuzluqları sizin diqqətinizə çatdırmaq istəyirik.

İcra başçısı Aqil Nəzərli əlini göyə açıb bizə sən çörəyini Allahdan istə dedi. Hörmətli cənab prezident biz millət vəkili Mahir Abbasova eyni qaydada müraciət etdik, o isə bizə bildirdi ki,sizin 2-ci qrup əlil olmağının mənə aidiyyatı yoxdu,siz öz borcunuzu yerinə yetirmisiniz.

Görəsən bizimlə təxminən həmyaşıd olan cənab Aqil Nəzərli və cənab Mahir Abbasov öz borclarını yerinə yetiriblərmi və yetirirlərmi”.
Laçınlılar deputatı “əldə çıraq gəzir”: jurnalistlər ona nə dedi? - Faktlar Laçınlılar deputatı “əldə çıraq gəzir”: jurnalistlər ona nə dedi? - Faktlar Sosial Reklamı sevmiyən, seçicilərinə dayaq olan deputat Reklamı sevmiyən, seçicilərinə dayaq olan deputat Siyaset Seçiciləri deputatın axtarışına çıxıblar - İDDİA Seçiciləri deputatın axtarışına çıxıblar - İDDİA Siyaset Bəxtiyar Əliyevə qarşı qara piar aparanlara qısaca xatırlatma – O daima seçicilərinin yanındadır (ÖZƏL) Bəxtiyar Əliyevə qarşı qara piar aparanlara qısaca xatırlatma – O daima seçicilərinin yanındadır (ÖZƏL) Gundem Keçmiş icra başçısı, indiki deputat: Keçmiş icra başçısı, indiki deputat: "Bura daha rahatdır" Siyaset