“Hər həftənin şənbə və bazar günlərində paytaxtın Binəqədi rayonunun 7-ci mikrorayon ərazisində Kənd Təssərrüfatı Nazirliyinin xətti ilə təşkil olunan satış yarmarkasında acınacaqlı vəziyyət hökm sürür“.

Bu sözləri Azinforum.az-a açıqlamasında tanınmış ictimai fəal Bayram Hacıyev deyib. Müsahibimizin sözlərinə görə, paytaxtın “Dərnəgül” qəsəbəsində təşkil olunan yarmarkanın fəaliyyəti ümumiyyətlə qanusuzdur və heç bir sanitar-gigeyenik normalara cavab vermir:

“Yarmarkanın fəaliyyəti rəsmi şəkildə 2014-cü ildən qadağan edilib. Bu fəaliyyətlə Nazirlər Kabinetinin 94 nömrəli qərarına hörmətsizlik olunur”.

Bayram Hacıyev deyir ki, həmin yarmarkadakı qanunsuzluqları əlaqədar şəxslərin diqqətinə çatdıran zaman, Kənd Təssərrüfat Nazirliyinin Qadir adlı məmurunun və onun ətrafındakı qolbəyilərin hücumuna məruz qalıb. Azinforum.az həmin hadisə zamanı çəkilən videomaterialı təqdim edir. Mövzu ilə bağlı Nazirlər Kabinetinin də mövqeyini öyrənməyə çalışacayıq.