Qusar RİHB-sı Şair Alxasovdan kompensasiya tələbi

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Qusar RİHB-sı Şair Alxasovdan kompensasiya tələbi

Bolge

Oxunub: 958

3 dek 2018 | 15:06

Qusar RİHB-sı Şair Alxasovdan kompensasiya tələbi

Qusar RIHB-sı Şair Alxasov
cənablarına

Qusar şəhər sakini Ağamirzəyev Hacımirzə Ağamirzə oğlu tərəfindən

Ərizə əlaqə: 070 710 18 21

Hörmətli Şair müəllim !

1992-1993-cü illərdə Qusar rayonun Samur qəsəbəsi ərazisində, mövcud qanunvericilik əsasında, əzab-əziyyətlə, külli miqdarda vəsait xərcləməklə tikdiyim 5 otaqlı yaşayış evim, 2 otaqlı hamam binası, 2 otaqlı yardımçı bina, 02.06.2010-cu ildə Sizin qanunsuz şifahi tapşırığınız əsasında, məhkəmənin qərarı olmadan, rəsmi xəbərdarlıq edilmədən, söküntü vaxtı iştirakım təmin olunmadan, heç bir əsas-səbəb olmadan, tamah məqsədilə, mülkiyyətimdəki 0, 46 ha torpaq sahəmi zorla əlimdən almaq niyyətilə, Qusar RİHB-nın 1-ci müavini Şahid Fərəməzov, İH-in sabiq əməkdaşları Elşad Əlimuradov, Nadirşah Məmmədov, Mahir Mustafayev tərəfindən ekskavatorla sökülərək, bütün əmlakım qəsdən məhv edilməklə, evimdəki 30000 manat, 8000 ABŞ dollar pulum oğurlanmasına şərait yaradılmaqla cinayət tərkibli hərəkətə yol verilmişdir.

Qusar RIH-in bütün əməkdaşları mənə şifahi olaraq bildirib ki, biz yaşayış evinizin söküntü tapşırığını şəxsən Qusar RİHB-sı Şair Alxasovdan aldıqdan sonra evinizi sökdürmüşük. Sən bizdən nə istəyirsən, sənə vurulmuş maddi və mənəvi zərəri ondan tələb edə bilərsiniz. Demək olar ki, bir neçə vəzifəli şəxsin dediklərini telefonumun yaddaşına köçürtmüşəm.

10 ilə yaxındır ki, şüurlu olaraq, vəzifə səlahiyyətlərinizdən sui istifadə etməklə, məhkəmənin qərarı olmadan, rəsmi xəbərdarlıq edilmədən,
kompensasiya ödənilmədən, hətta söküntü vaxtı iştirakım təmin olunmadan yaşayış evimizi qanunsuz sökdürməklə, bütün əmlakımızı qəsdən məhv etdirməklə, külli miqdarda pulumun oğurlanmasına şərait yaratmısınız.

Hesab edirəm ki, 10 il ərzində Sizdən xahiş etməyim, tələb etməyim, hətta yalvarmağım qəlbinizdə öz vətəndaşınıza qarşı mərhəmət, məhəbbət hissi oyatmadı. Bir daha Sizdən, qanunsuz tapşırığınızla ailəmizə vurulmuş maddi və mənəvi zərərin ödənilməsini tələb edirəm.

Ailəmizə vurulmuş maddi və mənəvi zərəri ödəməyəcyiniz təqdirdə YOTUB-da video qoymaqla, ətraflı olaraq canlı izahat verməklə, yəni yaşayış evimin Sizin şifahi tapşırığınız əsasında sökülməsi barədə əməkdaşlarınızın səs yazısını sübutetmə predmeti kimi internetdə yaymağa məcbur olacağam

10 il ərzində yüz dəfələrlə Sizə rəsmi müraciət etməyimə baxmayaraq, ailəmizə qanunsuz olaraq vurulmuş maddi və mənəvi zərəri ödəməmisiniz. 20 il keçsə də, ailəmizə qanunsuz olaraq , vəzifə səlahiyyətlərinizdən sui istifadə etməklə vurduğunuz maddi və mənəvi zərəri tələb etməyə israrlıyam.
Ona görə də, məhkəmənin qərarı olmadan, qanunsuz tapşırığınız əsasında ailəmizə vurulmuş maddi və mənəvi zərərin qissa müddət ərzində ödənilməsini Sizdən bir daha tələb edirəm.

Ümüdvaram ki, heç olmasa indi qəlbinizdə öz vətəndaşına qarşı mərhəmət və məhəbbət hissi oyanacaqdır.

Qusar şəhər sakini, 2-ci grup əlil, Ağamirzəyev Hacımirzə Ağamirzə oğlu.

Qeyd: Ərizənin surəti məlumat üçün Azərbaycan Respublikasının prezdenti İlham Əliyev cənablarına, 1-ci Vitse Prezdent Mehriban xanım Əliyevaya, Azərbaycan Respublikasının Baş Prokuroru Zakir Qaralov cənablarına, Azərbaycan Respublikasının DİN-i Ramil Usubov cənablarına, Qusar rayon prokuroru Mübariz Əhmədov cənablarına və KİV--nə göndərilir.