Qış gəldi və Kürdəxanıda sakinlər yenə yolsuzluq problemindən gileyləndilər. Moderator.az xəbər verir ki, Bakının Sabunçu rayon Kürdəxanı qəsəbəsində sakinlər hər il yolsuzluq problemindən əziyyət çəkirlər. Qəsəbənin “Yeni yaşayış massivi”ndə kanalizasiya sisteminin olmaması onların işini daha da çətinə salıb. Belə ki, yağan yağış suları evlərin zirzəmisinə və yollardakı çuxurlara dolaraq sakinlərə problem yaradır. Buna görə də evlərdə nəmişlik olur.

Müvafiq qurumlar isə sakinlərin dəfələrlə şikayətlərinə baxmayaraq məsələyə laqeyd yanaşırlar. “Yeni yaşayış massivi” Kürdəxanı qəsəbəsində yerləşsə də, Məmmədli bələdiyyəsinə tabedir. Qəsəbə bələdiyyəsi isə heç bir dəfə də olsun ərazidə sakinlərin yolsuzluq problemi ilə maraqlanmayıb.

Moderator.az sakinlərin xahişini nəzərə alaraq bərbad qəsəbə yollarının fotolarını təqdim edir: