Baş həkim Arzu Novruzov xəstəxanaya ayrılan dərmanları öz aptekində satdırır; hətta xəstəxanada ağır yaralılara belə ilkin yardım üçün dərman verilmir

Qazax Rayon Mərkəzi Xəstəxanasında ağır xəstələr ölümə buraxılır. Rayon xəstəxanasında yol qəzasında ağır xəsarət alan yaralılara ilkin yardım üçün dərman verməkdən imtina ediblər. Xəstə yaxınları məcbur olub dərmanları elə xəstəxanının yanındakı aptekdən alıblar.

Bu barədə Azerinfo.az-a daxil olan məlumatda bildirilir ki, bir neçə gün bundan öncə xəstəxanaya bir neçə yaralı gətirilib. Onların qəzada yaralandığı bildirilir. Həmin şəxslərə isə dərman verilməyib. Xəstəxanınanın tibb personalı bildirib ki, yaralılara ilkin yardım etmək üçün dərmanların verilməsi üçün baş həkim Arzu Novruzovun icazəsi lazımdır. Xəstələrin yaxınları məcburən tibbi yardım üçün lazım olan dərmanları və ləvazimatı elə xəstəxananın yanındakı aptekdən pulla alıblar.

Məlumatda bildirilir ki, xəstə yaxınları bununla əlaqədar Səhiyyə Nazirliyinin “qaynar xətti”nə müraciət ediblər. Artıq xəstəxanadakı vəziyyətlə bağlı lazımi dairələrə şikayətlər də verilib.

Səhiyyə Nazirliyinin baş verən rəzalətə hansı reaksiya verəcəyi də maraqla gözlənilir. Bildirilir ki, Səhiyyə Nazirliyi hələ ki, bu barədə heç bir ölçü götürməyib. Məlumatda həmçinin o da bildirlir ki, xəstəxanın yanındakı aptekdə məhz Arzu Novruzova məxsusdur və baş həkim dövlətin xəstəxanaya ayırdığı dərmanları bu aptekdə satdırır.

Qeyd edək ki, Arzu Novruzov Qazaxda və bütün ölkədə məşhur olan «Qaqarin Balaxanım»ın oğludur. Onun bacısı falçı İmamirə isə bütün ölkədə sayılıb seçilən baxıcılardandır. Elə Arzu Novruzovun bu vəzifəyə təyin olunmasında da falçı İmamirənin Qazaxın İcra başçısı Ayaz Əsgərova etdiyi «təzyiqlər» dayanıb. Həmin təzyiqlər barədə əvvəllərdə mətbuatda məlumatlar dərc olunub.

Qarşı tərəfin mövqeyini dərc etməyə hazırıq…