Tədbirdə Gəncə şəhər İcra Hakimiyyəti Başçısının birinci müavini, YAP Gəncə şəhər Təşkilatının sədri Naqif Həmzəyev, şəhər partiya təşkilatının məsul işçiləri, "DET-AL Alüminium" müəssisəsinin icraçı direktoru Yalçın Camalov və partiya fəalları iştirak ediblər.

Toplantıda bildirilib ki, Gəncə şəhəri Yeni Azərbaycan Partiyası üzvlərinin isə sayı 40 mindən artıqdır ki, bu rəqəmin 33 mindən çoxu ətraf rayonlardan olan üzvləri istisna etməklə, sırf Gəncənin payına düşür. Həmçinin bildirilib ki, "DET AL" Alüminium zavodunda 50-dən artıq YAP üzvü var.
Yığıncaqda təşkilata yeni sədr və müavinləri təyin edilib. Beləliklə partiya fəalı Aslan Əliyev təşkilatın sədri, Şahin Həsənov və Nüsrət Məlikov isə müavin seçiliblər.Onlar göstərilən etimada görə dərin minnətdarlıq bildirib, hər bir sahədə layiqli işləri ilə nümunə olacaqlarını və kollektivin potensial qüvvəsini bundan sonra da Vətənimizin, həmçinin doğma şəhərimizin tərəqqisinə səfərbər edəcəklərini bəyan ediblər.

ganjanews.az