Göygöldə Rayon İcra Hakimiyyəti və Müdafiə Nazirliyinin birgə təşkilatçılığı ilə görkəmli hərbi xadim Cəmşid Naxçıvanskinin 120 illik yubileyinə həsr olunan tədbir keçirilib. "Xan Naxçıvanski dağında sərkərdə yubileyi" adlanan tədbirə Müdafiə Nazirliyinin rəsmiləri ilə yanaşı rayon ictimaiyyətinin nümayəndələri də qatılıb. Çıxış edənlər Cəmşid Naxçıvanskinin Azərbaycanın hərb tarixində keçdiyi şərəfli döyüş yolundan danışıblar. Bildirilib ki, görkəmli hərbi xadim ölkədə yüksək ixtisaslı hərbçi kadrların hazırlanmasında da əvəzsiz xidmətlər göstərib. Daha sonra Cəmşid Naxçıvanskinin adının əbədiləşdirilməsi məqsədilə 1918-20-ci illərdə Göygöl rayonunda onun komanda-müşahidə məntəqəsinin yerləşdiyi Xan Naxçıvanski adlanan təpədə xatirə löhvəsinin açılışı olub. Mərasim iştirakçıları görkəmli hərbçi xadimin yubiliyenə həsr olunan foto-sənədlər sərgisi ilə tanış olub. Sonda isə Müdafiə Nazirliyinin mahnı və rəqs ansamblı və Gəncə Dövlət Dram Teatrının yaradıcı kollektivi çıxış edib.

Abdulla Qurbani- Müdafiə Nazirliyinin Mənəvi-Psixoloji Hazırlıq və İçtimayyətlə əlaəqələr idarəsinin rəis müavini: "Bu gün tədbiri bu məkanda keçirməyimiz heç də təsadüfi deyil. Çünki Cəmşid Naxçıvanski vaxtı ilə bu ərazilərdə döyüş yolu keçib. Zirvədən müşahidə məntəqəsi kimi istifadə edib. Bu cür tədbirlər gələcəkdə Bakı-Naxçıvanda da keçiriləcək".

kepeztv.az