8-07-2019, 22:53 Oxunub: 351

Ağdamda şəhidin adını əbədiləşdirməyə pul tapılmır... - VİDEO

Ağdamda şəhidin adını əbədiləşdirməyə pul tapılmır... - VİDEO












Azərbaycan ərazi bütövlüyü uğrunda qəhrəmanlıqla vuruşan və şəhid olan igid oğullarımızdan biri də Nurəddin Yolçuyevdir.

Nurəddin Yolçuyev 1963-cü il iyulun 29-da Ağdam rayonunun Quzanlı kəndində anadan olub. 1980-ci ildə orta məktəbi bitirib, bir il kənd təsərrüfatında çalışıb. Sovet ordusu sıralarında hərbi xidmət keçib. İki illik hərbi xidmətini Almaniyada başa vurub. Əsgərlikdə olduğu müddətdə vaxtaşırı Əfqanıstana da ezam edilib. Əsgərlik müddəti sona çatdığı zaman hərbi hissənin komandanlığı ona ali hərbi məktəbə getməyi təklif edir, ancaq ailəsi razı olmadığina görə Nurəddin doğulduğu kəndə qayıdaraq, kolxozda işini davam etdirir.
1985-ci ildə həm işləmək, həm də təhsil almaq üçün komsomol yollayışı ilə Rusiyanın Arxangelsk vilayətinə gedir. Orada zavodda işə düzəlir, bir neçə ildən sonra, yəni 1990-ci ildə qiyabi olaraq ali məktəbə daxil olur. Xocalı hadisəsindən bir neçə gün sonra, yəni 1992-ci ilin mart ayında Nurəddinin də iştirakı və təşəbbüsü ilə Arxangelskdə yaşayan bir qrup azərbaycanlı və çeçen işlərini və təhsillərini atıb Azərbaycana, birbaşa Ağdama hərbi komissarlığına gəlir, milli orduya götürülməyi tələb edirlər. Ancaq o zaman hərbi komissarlıqda könüllülər qəbul edilmədiyinə görə onlar Milli Qəhrəman “Fred Asif”in başçılıq etdiyi dəstəyə qoşulurlar. Mayın 1-nə qədər bu dəstədə döyüşdükdən sonra Milli Qəhrəman Şirin Mirzəyevin rəhbərlik etdiyi batalyona qoşulurlar. Nurəddin Naxçıvanik, Aranzəmin, Ağbulaq kəndlərinin ermənilərdən təmizlənməsində fəal iştirak edir, igidliyinə görə dəfələrlə mükafatlandırılır, bölük komandirinin müavini vəzifəsinə təyin olunur. Nurəddin 50-dən çox erməni quldurunu və düşmənin bir neçə zirehli texnikasını məhv edib xeyli silah, sursat ələ keçirib.

Şahidlərin sonralar dediyinə görə, Pircamal uğrunda gedən döyüşlər zamanı ermənilərin bir zirehli döyüş maşınını düşmən qərargahının bir neçə addımlığından qənimət götürüb. 1992-ci ilin yayında keçirilən Sırxavənd-Kiçan əməliyyatı zamanı Nurəddinin xidmət etdiyi alay böyük hünər göstərir. Nurəddin Ağdərə bölgəsinin bütün qaynar nöqtələrində döyüşüb. Çox sücaətlər göstərib, ordumuzun bölmələrini ağır vəziyyətdən dəfələrlə qurtarıb. 1992-ci il iyunun 22-də Qazançı uğrunda gedən döyüşdə o, yenə də ön cərgələrdə olub, bir neçə əsgərimizi düşmənin əsirliyindən xilas edib. Elə həmin il oktyabrın 20-də Ağdamın Əliağalı kəndi istiqamətində postdan növbəti dəfə kəşfiyyata gedən 29 yaşlı Nurəddin minaya düşərək həlak olub. Qəhrəman hərbçi Quzanlı qəbristanlığında dəfn olunub.

27 il keçsə də Nurəddin Yolçuyevin xatirəsi əbədiləşdirilməyib.

Dia.az-ın məlumatına görə, şəhidin qardaşı Qüdrət Yolçuyev Cebhe.info-ya bildirib ki, Ağdamın yerli hakimiyyət orqanlarından Nurəddinlə bağlı ona belə deyilib:

“Son dövrlərdə ölkə Prezidentinin şəhid ailələrinə göstərdiyi qayğıdan sonra düşündüm ki, şəhidlərimizin adını əbədiləşdirmək lazımdır. Bununla bağlı Ağdam rayonu Quzanlı bələdiyyəsi ilə danışdım və fikrimi onlara da bildirdim. Onlar mənə kəndin mərkəzi yerində qardaşımın adına bulaq qoyula biləcəyini dedilər. Ümumiyyətlə, bütün şəhidlərimiz üçün doğulduqları yerdə bir abidə qoyub, adlarını əbədiləşdirmək lazımdır. Bu, bulaq da, evinin qarşısında barelyef də ola bilər. Həmçinin küçələrə şəhidlərimizin adını vermək mümkündür. Amma bu, bizim edə biləcəyimiz məsələ deyil, dövlət səviyyəsində həll olunmalıdır”.
80 yaşlı icra başçısının 15 illik hakimiyyəti... - Hər kəs yorulub... 80 yaşlı icra başçısının 15 illik hakimiyyəti... - Hər kəs yorulub... Bolge Ağsuda saxta diplomlu məmurun “ailəvi vəzifəsi” Ağsuda saxta diplomlu məmurun “ailəvi vəzifəsi” Sosial / Bolge Saatlının təhsil şefinin rüşvət, yalan və dələduzluq macərası – Vətəndaşı aldadıb… Saatlının təhsil şefinin rüşvət, yalan və dələduzluq macərası – Vətəndaşı aldadıb… Bolge “Azdrama”da qastrol pulunu kim yeyir? - AÇIQLAMA “Azdrama”da qastrol pulunu kim yeyir? - AÇIQLAMA Sosial Nurəngiz Gün sabah dəfn olunacaq Nurəngiz Gün sabah dəfn olunacaq Sosial