Sahil Babayev bu işçisi ilə bacarmır? - İTTİHAM
Bolge
Oxunub: 679
12 sen 2019 | 22:20
Sahil Babayev bu işçisi ilə bacarmır? - İTTİHAM

Bu günlərdə oxucularımızın diqqətinə Gədəbəy rayonu Saratovka kəndinin sakini Yazgül Əmiraslanovanın şikayət məktubunu təqdim etmişdik.

Həmin məktubda himayəsində xəstə ana və körpə uşağı olan xanım Əmiraslanova ona məxsus olan torpaq sahəsinin bir hissəsinin Gədəbəy rayon Dövlət Sosial Müdafiə Fondunun rəhbəri Elsun Xudaverdiyev tərəfindən mənimsənilməsi barədə şikayət edir və məmurun atasının ölkə prezidentin adına həqarət etməkdən çəkinmədiyini söyləmişdi.

Məktubu işıqlandırmaqda məqsədimiz Yazgül Xudaverdiyevanın probleminə Gədəbəy rayon rəhbərliyi, bir də Əmək və Sosial Müdafiə Nazirliyinin diqqətini cəlb etmək, xanımın tapdanan əmlak hüquqlarını bərpa etmək idi.

Yazının çap edilməsindən az sonra Əmək və Əhalinin Sosial müdafiəsi Nazirliyinin sözçüsü redaksiyamıza zəng vuraraq nazirlikdə bu olayla bağlı ciddi araşdırma aparıldığını və bizə məsələ ilə bağlı açıqlama veriləcəyini bildirdi. Nazirlikdən aldığmız cavab bizi şoka saldı. Cavabdan bəlli oldu ki, cənab Xudaverdiyev nəinki rayon sakinlərinin torpaq sahələrini mənimsəməyə cəhd göstərir, həmçinin çalışdığı nazirliyin rəhbərliyini, yəni ki, cənab Sahil Babayevə fırıldaq gəlməyə çalışır.

Belə ki, Nazirlikdən aldığımız açıqlamada bildirilirdi ki, nazirlik yerli strukturlarının əməkdaşlarının fəaliyyətinə, dövlət qulluğundan irəli gələn vəzifələri yerinə yetirmələrinə nəzarət edir. "Onların şəxsi müstəvidə mülki məsələlərlə əlaqədar hər hansı vətəndaşla mübahisəli situasiyaları olarsa, bunlar mülki müstəvidə mübahisəli məsələlər kimi məhkəmə qaydasında həll olunur.

Eyni zamanda, sorğuda adı keçən və nazirlik yanında DSMF-nın Gədəbəy rayon şöbəsinin müdiri Elsun Xudaverdiyevdən şikayətçi olduğu bildirilən vətəndaş - Gədəbəy rayonu, Saratovka kənd sakini Yazgül Əmiraslanova bir qədər əvvəl ərizəsində E.Xudaverdiyev və onun atası ilə heç bir mübahisəsinin və aralarında narazılığın olmadığını qeyd edib.

Y.Əmiraslanova həmçinin onun adından E.Xudaverdiyev və onun atası ilə bağlı yayılan şikayət məktubundan xəbərsiz olduğunu bildirib”.

Bütün bu deyilənləri xanım Yazgül Əmiraslanova notariusa gedərək təsdiq edib və həmin sənədi cənab Xudaverdiyev nazirliyə göndərib. Elə ilk baxışdan təqdim edilən olayın qurulmiş komediya olduğu bilinsə də tam əmin olmaq üçün xanım Əmiraslanova ilə əlaqə saxladıq və bəlli oldu ki, cənab Xudaverdiyev mahir fırıldaqçı imiş.

Belə ki Yazgül Əmiraslanovanın sözlərinə görə, məqalə çıxar-çıxmaz vəzifəsini itirəcəyi ilə bağlı təhlükə hiss edən DSMF Gədəbəy şöbəsinin müdiri xanıma ondan mənimsədiyi 6 sotluq torpaq sahəsini qaytaracağını və onunla sülh müqaviləsi bağlamaq istədiyini deyir. "Elsun və Elçin(hər kəs Elşad kimi tanıyır) Xudaverdiyev qardaşları məni iş günü olmamasına baxmayaraq notariusa gedib sülh razılaşması bağlamağa çağırdılar. Mən notariusa gələndə onlar hər ikisi orada idi. "Sülh müqaviləsi” adlandırdıqları məktubu da notariusun Telli adlı əməkdaşına əvvəlcədən yazdırmışdılar. Mən səhv etdim ki , o məktubu oxumamış imzaladım. Elə bildim ki, onlar gerçəkdən məni barışığa gətirmək üçün bunu edir və bu məktub elə aramızda qalacaq. Sən demə onlar bu sənədi başqa orqanlara təqdim edir və bildiriblər ki, mən ümumiyyətlə şikayətçi olmamışam və onun atası məim yanımda prezidenti təhqir etməyib. Mən gerçəkdən sizin redaksiyaya müraciət etmişəm və bu adam mənim torpaq sahəni səlahiyyətlərindən sui-istifadə edərək mənimsəməyə çalışıb, atası da prezidenti təhqir edib. Bunu istənilən məhkəmədə təsdiqləməyə hazıram”, - deyə Yazgül Əmiraslanova söylədi.

Yazgül Əmiraslanovanin razılığı ilə yazılmış səs yazısını diqqətinizə təqdim edirik

O, həmçinin bildirdi ki, cənab Elsun Xudaverdiyev xanımın özündən mənimsədiyi torpaq sahəsi ilə bağlı dövlət katastrından çıxarışı və bu sahəni xanıma bağışladığı barədə sənədi təqdim edib.

Əlbəttə Elsun Xudaverdiyevin səhvini anlaması və himayəsində xəstə anası və uşağı olan xanıma məxsus mənimsədiyi torpaq sahəsini qaytarması təqdirəlayiq haldır. Amma özünün və ailə üzvlərinin günahını ört basdir etmək məqsədilə Yazgül Əmiraslanovaya məktub imzalatması, ona məsul vəzifə tapşırmış nazir Sahil Babayevə kələk gəlmək istəyi, bizim redaksiyaya Əmiraslanovanin heç şikayət etmədiyini göstərməyə çalışmasına heç bir bəraət qazandırmaq olmaz. Bu ən azı Xudaverdiyevin işlədiyi idarəyə hörmətsizliyi kimi dəyərləndirilə bilər.

Amma cənab Xudaverdiyevin əməlləri bununla bitmir. Saytımızda çap edilən şikayəti sildirmək istəyi ilə bir neçə adlarını hallandırmaq istəmədiyimiz jurnalist həmkarlar bu məmurun adından müxbirimizə müraciət edərək pul müqabilində şikayəti pozmağı təklif etdilər. İstəklərinin baş tutmadığını görəndən sonra Elsun Xudaverdiyevin qardaşı Elçin(Elşad) Xudaverdiyev müxbirimizə zəng vuraraq onu təhqir və təhdid etdi. Bunu təsdiq edən səs yazısını da diqqətinizə təqdim edir, hüquq mühafizə orqanlarının həmin şəxslə bağlı tədbir görəcəyinə ümidliyik:

Bir daha Xudaverdiyev cənablarına müraciət edərək bildiririk ki, saytımız vətəndaşların şikayətlərini daim araşdırır və bütün tərəflərə danışmaq imkanı yaradaraq problemlərin həllinə kömək etməyə çalışır. Məqsədimiz yalnız dövlətçiliyimizə xidmət etmək, vətəndaşların tapdanan hüquqlarını bərpa etməkdir. Bizə hədə qorxu gəlmək, şikayətçi xanımı aldadaraq özünə bəraət qazandırmaq üçün sənədlər düzəltməkdənsə cənab Xudaverdiyev yaxşı olar ki, ona tapşırılan işin məsuliyyətini dərk edərək insanların sosial müdafiəsində dursun və ailə üzvlərini ölkə prezidentinə hörmətlə yanaşmağa çağırsın.

Düşünürük ki, bu məqalədə göstərdiyimiz faktlardan sonra Əmək və Əhalinin Sosial Müdafiəsi naziri Sahil Babayev şəxsən Gədəbəy rayın DSMF rəhbərinin fəaliyyəti ilə ciddi məşğul olacaq və ən azı onu aldatmaq cəhdinə görə bu məmuru cəzalandıracaqdır. Onun guya Yazgül Əmiraslanovanın şikayətçi olmadığı barədə nazirliyə təqdim etdiyi sənədə başqa ad vermək olmaz.xalq.info
Bu gün, 16:00
Azərbaycandan çox şey götürdük, verməyəcəyimizi dedik... - NƏ OLDU?
Bu gün, 15:30
Ermənistanın demarşı: Rusiyanın ikinci cəbhə açmaq imkanı yoxdur - NƏ BAŞ VERİR?
Bu gün, 14:22
Yüz minlərlə azərbaycanlı Rusiyadan geri qayıdır? - NƏ ETMƏLİ?
Bu gün, 13:16
Yaşayış binalarında da parklanma yerləri BAHALAŞDI - Yeni qiymət
Bu gün, 13:00
Şahmar Hüseynov vəzifəsindən azad edildi - YENİ TƏYİNAT
Bu gün, 11:56
Sabah yerimizdə oturacaqlar, qan töküləcək, Azərbaycana qaytarılmalıdır – Andranik Köçəryan
Bu gün, 10:53
"Xəzər Lənkəran"la bağlı şad xəbər - Seçimlərə başlandı
Bu gün, 10:12
“Yaxın günlərdə daha 73 nəfərin adları ictimaiyyətə açıqlanacaq”
Bu gün, 10:08
Azərbaycanda dövlət xadimlərinin həyatına 7 sui-qəsd cəhdi olub - DTX rəhbəri
Bu gün, 10:02
Dünya "Qarabağ"ın ulduzundan danışır: Nələr dedilər? - VİDEO
Bu gün, 10:00
Bahalaşmanın növbəti dalğası gəlir: Evlərin qiyməti yenə artacaq
Bu gün, 09:56
Lənkəranda faciə: Ata və oğul öldü (FOTOLAR)
Bu gün, 09:49
"Crocus"da qəhrəmanlıq göstərən sumqayıtlı: "Onlar məndən üzr istədi"
Bu gün, 09:44
ABŞ və Avropa Birliyi Qafqazda sülhü bloklayır: Qərb Ermənistanın hərbi təxribatlarına dəstək qərarı verib
Bu gün, 09:41
Finlandiya rus oliqarxların Helsinkidəki idman-konsert kompleksini əllərindən alır
Bu gün, 09:39
Xristianlıqla İslamı üz-üzə qoymaq istəyirlər - Kirill
Bu gün, 09:37
Məşhur Azərbaycan filmlərində heyvanlara aktyorlardan çox qonorar verilirmiş
Bu gün, 09:31
Putin: “Rusiya üçün dost olmayan elitalar...”
Bu gün, 09:18
Fransa ordusu Ukraynaya girir - 5 ssenari
Bu gün, 09:00
Solovyov Bakıya şər atmağına “peşman” oldu
Dünən, 16:42
Dördüncü dəfədir ki, bayram tonqalı azad edilmiş Qarabağ torpağında qalanır
Dünən, 16:00
Ermənistan Türkiyənin vilayətinə çevriləcək - Petrosyan
Dünən, 15:30
Ermənistan sərhəddəki kəndi Gürcüstana verir? - “Joğovurd”
Dünən, 14:27
Xocalı şəhərində Şəhidlər xiyabanı salınır
Dünən, 14:22
Zaxarova və Peskov Ermənistana hansı mesajı göndəriblər -ŞƏRH
Dünən, 14:00
"Peysər", "qaşqaldaq" sözlərinə o mənfi mənaları kim yükləyib? - Alimdən etiraz
Dünən, 13:18
Xocalıya ilk köçün tarixi açıqlanıb