13-02-2020, 22:51 Oxunub: 265

“Rayonda mənim işimə baxan yoxdur” - GİLEY

“Rayonda mənim işimə baxan yoxdur” - GİLEY


İmişli rayon, Rəsullu kənd sakini Müzafət İbadət oğlu Hüseynov tərəfindən “Hürriyyət”in redaksiyasına şikayət məktubu daxil olub. Qəzetimiz vasitəsilə prezident İlham Əliyev müraciət edən şikayətçi yazır:

“Cənab İlham Əliyev!

Sizə müraciət edən İmişli rayon, Rəsullu kənd sakini Müzafət İbadət oğlu Hüseynovdur.

Sizə müraciətim işimlə bağlıdır.

Mən 1985-ci ildə İmişli rayonu, Rəsullu kəndində uşaq bağçasında işə qəbul olmuşam. 2010-cu ildə haqqımda heç bir şikayət olmadan, eləcə də pensiya yaşım tamam olmadan və ştat ləğv olunmadan İmişli rayonun Rəsullu kənd icra nümayəndəsi Cəfərov Fəxrəddin və İmişli rayon Rəsullu kənd Uşaq bağçasının müdiri Mahirə Şükürovla birləşərək məni işdən azad etdilər.

Dəfələrlə kənd nümayəndəsi Fəxrəddin Cəfərova vəziyyətimlə bağlı desəm də, o, buna məhəl qoymadı. Nə edim axı, 2010-cu ildən işsizəm.

Hal-hazırda oğlumla yaşayıram. Ailəlidir, 2 azyaşlı uşağı var. Onlar da heç yerdə işləmir. Nə sosial yardım alır, nə də hardasa işləyir. Yoldaşım 130 manat pensiya alır. Onunla da həm dolnarıq, həm də kommunal borcları veririk. Başqa heç yerdən gəlirim yoxdur.

Dolanmaq üçün həyətimdə heyvanım da yoxdur. Çox acınacaqlı vəziyyətdəyəm. Dəfələrlə məktubda yazmışam, müsbət cavab da almışıq. Amma İmişli rayonunda mənim işimə baxan yoxdur.

Cənab Prezident!

Sizdən xahiş edirəm, mənim işimin bərpası üçün müvafiq yerlərə göstəriş verəsiniz”.
İmişli Rayon Təhsil Şöbəsinə yeni müdir təyin olunub İmişli Rayon Təhsil Şöbəsinə yeni müdir təyin olunub Bolge "İmişlidə Prezidentin layihəsinə ciddi təhlükə var" - Nazirə müraciət olundu Dunya / Bolge İlham Əliyev İmişliyə getdi İlham Əliyev İmişliyə getdi Siyaset İmişlidə qəza: Ölən və yaralanan var İmişlidə qəza: Ölən və yaralanan var Hadise MTN MTN "əməkdaşı" saxlanıldı Kriminal