İcbari tibbi sığorta Ağsuda da özünü doğruldur

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

İcbari tibbi sığorta Ağsuda da özünü doğruldur

Bolge

Oxunub: 606

2 may 2020 | 15:16

İcbari tibbi sığorta Ağsuda da özünü doğruldur

Əli Hüseynov Xeberci.info-ya bildirdi ki, “Xəstəxanaya müraciət edənlər xidmətdən məmnundurlar”

2020-ci il, yanvarın 1-dən respublikamızda icbari tibbi sığortanın mərhələli şəkildə tətbiqinə başlanılıb. İcbari tibbi sığortanın yeni tətbiq olunduğu rayonlardan biri də Ağsudur.
Ağsu Rayon Mərkəzi Xəstəxanasının Baş həkiminin müavini, YAP-ın Ağsu rayonu üzrə sədri Əli Hüseynov bildirib ki, icbari tibbi sığorta sistemi əhalinin keyfiyyətli və rahat tibbi xidmətlə təmin olunmasına imkan verəcək. Bu xidmətdən rayonun 85 min nəfər sakini faydalanacaq.
Qeyd edək ki, yeni sistemə keçidlə əlaqədar xəstəxananın girişində məlumat şöbəsi yaradılıb. Vətəndaşlar xəstəxanaya daxil olarkən əlaqələndiricilər onları lazımi şöbəyə, həkimə yönəldirlər. Qeydiyyat bölməsində 8 kompüter fəaliyyət göstərir.
Hər bir vətəndaş ilkin olaraq xəstəxanada yaradılan ailə-sağlamlıq mərkəzinə müraciət edir, ilkin tibbi yardım alır. Ailə həkimləri müayinədən sonra lazım olduqda onları ayrı-ayrı ixtisaslı həkimlərə yönəldirlər.
Ağsu şəhər sakini olan 53 yaşlı Həsrət Şeydayev tibbi sığortanın tətbiqi və bununla əlaqədar xidmətdəki yeniliklərlə bağlı saytımıza bildirib: “Bu yeniliklər bizə yüksək tibbi xidmət almağa imkan verir. Xəstəxanaya girəndə məni qarşıladılar, qeydiyyatdan keçdim, həkim yanına apardılar. Mədəmdəki problemlə bağlı gəlmişdim. Müayinə edib digər ixtisaslı həkimə göndərdilər. Burada müalicə yazdılar. Hər addımda qayğı gördüm”.
Bico kənd sakini Şahid Salmanov danışır: “Qrip və qızdırma ilə bağlı rayon xəstəxanasına müraciət etdim. Xalatının üstündə “Məndən soruş” yazısı olan xəstəxana işçiləri qarşıladı məni. Problemimi söylədim. Qeydiyyata aldıqdan sonra müvafiq həkimə yönəltdilər. Dərdimi öyrənib, əlac etdilər. Sağ olsunlar ki, xəstələrə belə operativ yanaşırlar.”
Əli Hüseyinovun verdiyi məlumata görə, icbari tibbi sığorta sisteminin tətbiq olunduğu yanvar ayının 1-dən hər gün xəstəxanada orta hesabla 700-750 nəfər qeydiyyatdan keçib. Əli həkim onu da qeyd etdi ki, Ağsu Rayon Mərkəzi Xəstəxanasında hər gün səhər saat 09.00-dan saat 16.00-a qədər müraciətlər qəbul olunur və müayinələr pulsuz aparılır. Saat 16.00-dan sonra isə səhhətində problemi olan şəxslər Təcili tibbi yardım şöbəsi tərəfindən pulsuz qəbul və müayinə olunur.
Baş həkimin müavininin bildirdiyinə görə, 2020-ci ilin yanvar ayında xəstəxanaya 24 min 648 nəfər müraciət edib və tibbi xidmətdən yararlanıb. Belə ki, 4 nəfərin ürəyində stend əməliyyatı aparılıb, 4 nəfərə göz əməliyyatı xidməti göstərilib, 1 nəfərin üzərində keysəriyyə yolu ilə doğuş əməliyyatı keçirilib, icbari tibbi sığorta yolu ilə 1 nəfər endoprotez əməliyyatı keçirib, 1 uşaq isə anadangəlmə ürək qüsürüna görə tibbi xidmətdən yararlanıb.
Bir sözlə, Ağsu Rayon Mərkəzi Xəstəxanasında əhalinin tibbi qayğıları qanunlar çərçivəsində qarşılanır.

Hazırladı Rüstəm Zahidoğlu