Məlum olduğu kimi, iki gün əvvəl Anews.az xəbər portalının müxbiri Zaur Qəmbərovun sayta daxil olan şikayətçi sorğusu əsasında araşdırma aparmaq üçün Dövlət Sosial Müdafiə Fondunun Gədəbəy rayon şöbəsində olarkən həmin idarənin rəhbəri Elsun Xudaverdiyev və özünü onun sürücüsü kimi qələmə verən İsfəndiyar Qələndərov tərəfindən döyüldüü, jurnalistin mobil telefonunun adı çəkilən şəxslər tərəfindən sındırıldığı barədə xəbər yayıldı. Bu fakt Gədəbəy rayonunda məmur özbaşınalığının hansı həddə çatdığının, sosial durumu ağır olan vətəndaşların vəzifəli şəxslər tərəfindən necə qeyri-həssas münasibətlə üzləşdiklərinin və əlbəttə ki, bütün bu neqativ hallara Rayon İcra Hakimiyyətinin başçısı İbrahim Mustafaev tərəfindən rəvac verilməsinin əyani sübutudur.

Gədəbəydə bu kimi xoşagəlməz hallara dair çoxsaylı misallar çəkmək olar ki, bunlardan da biri rayonun Çaldaş kənd sakini Orucov Kamil Yolçu oğlunun başına gələnlərdir. K.Orucov kütləvi informasiya vasitələrində Prezidentə ünvanladığı video-müraciətini yerləşdirilmişdi. Vətəndaş maddi vəziətinin olduqca acınacaqlı olmasından, azaşlı uşaqları olan ailəsini dolandıra bilməməsindən, yerli məmurların hələ keçən ilin yanvar ayından ona vəd etdikləri azmaaşlı ictimai işlərə hələ də cəlb olunmadığından, məmurlarla “dil tapa bilmədiyindən” iş yerlərinin ona deyil, başqalarına verilməsindən, Rayon İcra Hakimiyyətində müraciət etdiyi başçının müavinləri tərəfindən məsxərəyə qoyulduğunu bildirmişdi. Kadrların fonunda K.Orucovun yaşadığı evin necə yararsız olduğu da diqqəti çəkirdi. Vətəndaş bildirirdi ki, evinin tavanına və döşəməsinə şirkətlərin sıradan çıxmış reklam plakatlarını tapıb yapışdırıb. Ən əsas şikayəti isə 2012-dən işləyən Gədəbə RİH-nin Çaldaş Kənd İƏD üzrə nümayəndəliyinin sədri vəzifəsində işləyən Eldar Qocayevdən idi. Bildirmişdir ki, icra nümayəndəsi ondan sosial müavinət təyin etdirəcəyi müqabilində 1000 (bir min) manat rüşvət istəmişdir.

Məsələ ilə əlaqədar mövqeini öyrənmək üçün Gədəbə RİH başçısının Çaldaş Kənd İƏD üzrə nümayəndəsi Eldar Qocayevə zəng vuraraq suallarımızı verdik. Gözlədiimiz kimi, Qocayev onun ünvanına səslənən ittihamları təkzib etdi və bizi aldadaraq vətəndaş Kamil Orucovun maddi vəziyyətinin guya heç də qeyri-qənaətbəxş olmadığına dair məlumatlar verdi. Sonradan öyrəndik ki, icra nümayəndəsi Gədəbə RİH-nin aparatına da K.Orucov barədə yalançı arayış verib. 24 aprel 2020-ci il tarixli 4 Salı həmin arayışda Kamil Orucovun özü deyil, qardaşı Habil Orucov barədə məlumat öz əksini tapıb: “Habil mövsümi olaraq Ceyrançöl qışlağında çoban kimi fəaliyyət göstərir. Hər ay 300 manat maaş alır. Apreldə 2 dəfə onun ailəsinə 80 manat dəyərində maddi yardım göstərilib. 3 uşağı ilə anası Orucova Tamaşa İsmayıl qızının təsərrüfatında qeydiyyatdadır”.

Sual olunur: Habil Orucov 300 manat məvaciblə öz ailəsini dolandırmalıdır, yoxsa, qardaşı Kamilin külfətini?

Xatırladaq ki, son həftələrdə dövlətin və xeriyəçi təşkilatların kasıblara təyin etdiyi yardımlara əl qoyan bir neçə rayonda icra başçıları, müavinləri, yerli icra nümayəndələri və başqa vəzifəli şəxslər məsuliyyətə cəlb olunublar. Yəqin, Eldar Qocayevi də onların aqibəti gözləyir.
Nyus.Az