Koronavirus infeksiyasının yayılmasının qarşısının alınması məqsədilə respublikamızda tətbiq edilən xüsusi karantin rejimi ilə əlaqədar ölkə rəhbərliyi tərəfindən həyata keçirilən genişmiqyaslı tədbirlərə dəstək olaraq Qəbələ rayonu Vəndam qəsəbəsində İcra nümayəndəsi və bələdiyyəsi tərəfindən aztəminatlı ailələr, ahıl və tənha yaşayan vətəndaşlar daim diqqət mərkəzində saxlanılır. Onların problemləri dinlənilir, müvafiq sosial xidmətlər göstərir, zəruri ərzaq məhsullarından ibarət yardımlar paylanılır. Həmin vətəndaşlarla maarifləndirici söhbətlər aparılır, xüsusi karantin rejimində müəyyən olunmuş qayda və tövsiyələrə riayət olunmasının vacibliyi onların diqqətinə çatdırılır. , Veteranlara və Şəhid Ailələrinə evlər tikilib, aztəminatlı ailələr və tənha yaşayan ahıl insanlara daim yardım edilib.

Sakinlər xeyriyyə təbirlərinə görə razılıq ediblər. Göstərilən diqqətə görə aztəminatlı ailələrin üzvləri Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.



















Vəndam bələdiyyəsi qəsəbənin yeni yaşayış massivi "Rüsyan" ərazisində yaşayan əhalinin əsas yollarından biri olan '7 GÖZƏL" şəlaləsinə gedən yolu asfaltlaşdırır. Uzunluğu 2.6 km olan yoldan yerli sakinlərlə bərabər ölkəmizin 2-ci turizm mərkəzi olan Qəbələmizə gələn qonaqların da rahat gediş- gəlişi təmin olunacaq. Əhali yeni yolu Cümhuriyyət günü və Ramazan bayramına onlara olan ən böyük hədiyyə hesab edir, layihəyə görə Vəndam bələdiyyəsini alqışlayır, və ölkəmizdə eləcə də doğma Qəbələmizdə gedən davamlı inkişafın tərkib hissəsi(davamı) hesab edirlər!
Daha ətraflı-açılışda. Son "RAMAZAN" cümə gününüz mübarək!











































P.S. Bəzi insanların ağlına nə gəldi onu da qələmdə ələ alır

Qəbələdən olan bir sakin Qəbələ rayonu Vəndam qəsəbəsi İcra nümayəndəsi və bələdiyyəsi haqda xoşagəlməz məqalələr dərc etmişdi. Guya "Qəbələ rayon Vəndam qəsəbəsindəki qəbirsanlıqda yerlər satılıb". Elə ki, bu yöndə bir qədər araşdırmalar aparırıq, o halda dərc olunan məqalələrin sifarişlər əsasında işıq üzü gördüyü bəlli olur. Bu da onu söyləməyə əsas verir ki, Qəbələ rayonu Vəndam qəsəbəsi İcra nümayəndəsi və bələdiyyəsi ilə bağlı məqalə dərc edən bəzi şəxlər hansısa qruplaşmanın “muzdlu nökər”inə çevrildiklərindən, məhz belə bir addımlarını atırlar. Ona görə də, “muzdlu nökər”ə çevrilən həmin şəxslərə məsləhət görürük ki, gözlərinizi silin və ətrafa açıq gözlə baxın ki, ağı qaradan seçməyi bacara biləsiniz. Yoxsa, ...Heç bir fakta, sübuta əsaslanmadan şantaj xarakterli məlumatlar yaymaq və s. onu sübut edir ki, məqalə müəllifləri çirkin məqsədlərə xidmət edirlər. Apardığımız araşdırma zamanı o da məlum oldu ki, əsassız açıqlamalar dərc edənlər bəzi vəzifə sahiblərinin sifarişlərini yerinə yetirirlər, amma onu dərk etmirlər ki, onlar heç də uzağa gedə bilməyəcəklər.

Sonra həmin sakin bunun sifariş olduğunu və bu iddeanın tamami ilə yanlış olduğunu bildirdi.