Şimali Koreya ABŞ-ı Manhettenə hidrogen bombası atmaqla hədələyib

"Burada yaşayan hər kəs bir anda öləcək və şəhər tamamilə yanıb kül olacaq".
Şimali Koreya ABŞ-ı Manhettenə hidrogen bombası atmaqla hədələyib
Şimali Koreya ABŞ-ı Manhettenə hidrogen bombası atmaqla hədələyib. ANS PRESS-in məlumatına görə, Pxenyan hökumətinin rəsmi internet səhifəsində yer alan məqaləyə görə, “Şimali Koreya uzaq mənzilli raket vasitəsi ilə hidrogen bombasını Manhettenə atacağı təqdirdə burada yaşayan hər kəs bir anda öləcək və şəhər tamamilə yanıb kül olacaq”.
Şimali Koreyanın 6 yanvarda hidrogen bombasını sınaqdan keçirməsindən sonra Birləşmiş Millətlər Təşkilatının Təhlükəsizlik Şurası bu ölkəyə qarşı sanksiyaları artırmağı qərara alıb. Şuranın Şimali Koreyanın nüvə fəaliyyətinə davam etməsi səbəbiylə bu ölkəyə yeni sanksiyalar tətbiq edilməsini önə çəkən qanun layihəsi qısa bir zaman içində səs vermə nəticəsində qəbul edilib.
Cənubi Koreya və ABŞ-ın bölgədə bu ölkəyə qarşı apardığı siyasətə cavab olaraq Pxenyan hökuməti Vaşinqton və Seul hökumətlərinə qarşı nüvə silahından istifadə edəcəyini bəyan edib.
Martın 4-də Koreya Xalq Demokratik Respublikası (KXDR) hökuməti nüvə silahını döyüş vəziyyətinə gətirib. Ölkə prezidenti Kim Çen In bu barədə sərəncam verib. Sərəncamda qeyd olunur ki, ölkənin nüvə arsenalı hər an hücuma hazır vəziyyətə gətirilməlidir.

“Koreya Xalq Demokratik Respublikası qabaqlayıcı zərbələrin endirilməsi imkanının əldə edilməsi məqsədilə özünün hərbi doktrinasına yenidən baxacaq”, - deyə Kim Çen In bildirib.

Kim Çen In qeyd edib ki, düşmən Şimali Koreyanın sağ qalmasına qarşı təhdidlər edir. Ötən gün Şimali Koreya Yapon dənizinə doğru bir neçə yaxın mənzilli raket buraxıb.
Martın 2-də isə BMT Təhlükəsizlik Şurası və ABŞ-ın Maliyyə Nazirliyi KXDR-yə qarşı yeni sanksiyalar paketini tətbiq edib.
XƏBƏR LENTİ
Bütün xəbərlər
Maraqlı
Azərbaycanlı axunddan ilginc fətva: “Artıq arvadınızı başqasına verin”
“30 il sonra robotlar yüksək vəzifələr tutacaq” - Cek Ma
Meymunla qızı kim evləndirib? - Goranboyla bağlı daha bir maraqlı hadisə
Vanqanın 2017-ci ilin may ayı üçün dəhşətli proqnozu - Bu 3 bürcü bədbəxtlik gözləyir, 4 bürc isə...
60 yaşlı polkovnik 4-cü dəfə evləndi - Özündən 28 yaş kiçik qızla
Həftənin çox oxunanları
Video
Bakıda polis evə basqın etdi - Gəncləri intim münasibət də olarkən yaxaladı (Video)
“Səni tutacağıq” - Yaxını həbs olunan köçkündən merə (Video)
Surət Hüseynovun Hollandiyada bıçaqlanan cangüdəninin - Qanlı video və fotoları yayıldı
Azərbaycanda bütün qəbirlər eyni formada olacaq - Video
20 qəpiklik dərmanı məhlul halına salıb 5 manata satırlar - Video