O, 15 yaşlı məktəblini direktorun otağında öldürdü.

Rusiyanın Naxodka şəhərində bir məktəbli qızın ölümündə şübhəli bilinən gənc oğlan saxlanılıb. ANS PRESS-in məlumatına görə, oğlan qızla aralarında olan münasibəti aydınlaşdırmaq üçün məktəbə gəlib. Şahidlər deyib ki, əsəbləşən gənc qızı döyməyə başlayıb. Bunu görən müəllimə qızı direktorun otağında qapı arxasında bağlayıb. Amma oğlan həmin otağa da girməyi bacarıb və qızı bıçaqlayıb.
Polis şöbəsindən verilən məlumata görə, məktəbdə 15 yaşlı qızı öldürdükdən sonra özünə də qəsd edən oğlan haqqında cinayət işi açılıb. Müstəntiqlərin məlumatına görə, hadisə məktəb direktorunun kabinetində baş verib.
Hadisə yerində müayinə aparılıb, cinayətin aləti, bioloji mənşəli izləri götürülüb, məktəbin direktoru və digər şahidlər dindirilib. Cinayət işi üzrə məhkəmə ekspertizası təyin edilib.

15 yaşlı şagirdin sinif yoldaşlarının sözlərinə görə, oğlan onu çoxdan tanıyırdı. Həmişə də onu döyürdü. O, bunu ya qısqanclıqdan, ya da qızın siqaret çəkməsinə görə edirdi. Çünki gənc oğlan məktəblinin siqaret çəkməyini istəmirdi. Oğlan bu yaxınlarda hərbi xidmətdən qayıdıb. Onun 19 yaşı olub.
.