Ərdoğan Osmanlı imperiyasını bərpa etmək istəyir - Mosula hücumun səbəbləri

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Ərdoğan Osmanlı imperiyasını bərpa etmək istəyir - Mosula hücumun səbəbləri

Dunya

Oxunub: 897

17 okt 2016 | 07:54

"Ərdoğanın daxilində Osmanlının bərpası istəyi olsa belə hazırki regional şərtlər daxilində bu mümkün deyil".

Bu sözləri politoloq Elxan Şahinoğlu Türkiyənin Mosula hücumuna münasibət bildirərkən deyib.

Elxan Şahinoğlu bildirib ki, koalisyon qüvvələr İraqın ikinci böyük şəhəri olan Mosula hücuma hazırlaşırlar:"ABŞ və Fransa təyyarələrinin bombardmanlarından sonra quru əməliyyata ehtiyac var. Mosula hücumla bağlı iki təhlükə var. Birinci təhlükə odur ki, hücum Mosulda böyük insan tələfatına gətirib çıxara bilər. Şəhəri nəzarətdə saxlayan DAİŞ insanlardan canlı qalxan kimi istifadə edəcək. İkinci təhlükə isə onunla bağlıdır ki, Mosulda minlərlə DAİŞ terrorçusu var. Aydındır ki, onların hamısını məhv etmək çətin olacaq. Demək onlar Mosulda sonadək savaşmaqdansa geri çəkilərək başqa məntəqələri ələ keçirə və qətliamlarını davam etdirə bilərlər. Ona görə də koalisyon qüvvələri Mosul ətrafındakı mühasirəni gücləndirmək məcburiyyətindədir".

Politoloq qeyd edib ki, Mosula hücumla başqa bir sual da aktualdır:"İraqın baş naziri niyə Türkiyənin Mosula hücumda iştirak etməsinin əleyhinədir? Məncə rəsmi Bağdad ondan qorxur ki, Türkiyə Mosula hücumda iştirak edib uğur qazanarsa Türkiyə bu bölgədən asanlıqla çıxmayacaq. Çünki açıq danışmaq lazımdır ki, Mosul vaxtilə Osmanlı Türkiyəsinin tərkib hissəsi olduğundan “biz bu torpaqları o zaman niyə təhvil verdik” sualı Ankarada bu gün də aktualdır. Görünür, rəsmi Bağdadı Türkiyə Cumhurbaşqanı Rəcəb Təyyub Ərdoğanın bugünlərdə səsləndirdiyi “1923-cü ildə imzalanan Lozanna anlaşması Türkiyənin maraqlarına cavab vermirdi” sözləri də qorxudub. Düşünürlər ki, Ərdoğan Osmanlı imperiyasını bərpa etmək istəyir".

Elxan Şahinoğlunun sözlərinə görə Ərdoğanın daxilində Osmanlının bərpası istəyi olsa belə hazırki regional şərtlər daxilində bu mümkün deyil: "Bu heç Türkiyəyə lazım da deyil. Fikrimcə, nə vaxtsa Suriya və İraqda problemlər həll olunarsa Türkiyə silahlı qüvvələrinin bu iki dövlətdə hərbi varlığına ehtiyac qalmayacaq. Ancaq bu iki ölkədə sabitlik bərpa olunmayana qədər Türkiyə Suriya və İraqdan çıxmayacaq. Bu Türkiyənin təbii haqqıdır. Çünki Türkiyəyə həm İraq, həm də Suriya ərazisindən təhlükə var, PKK, PYD, YPG və DAİŞ bu bölgələrdən Türkiyəyə qarşı istifadə edir, terror əsdirirlər".