Bir müddət əvvəl “AST” Telman kimi tanınan azərbaycanlı iş adamı Telman İsmayılovun Türkiyədəki otelini satışa çıxardığı barədə xəbər yayılmışdı.
“Ölkə.Az” xəbər verir ki, xəbərə əsasən, 1.5 milyard avroya başa gələn “Mardan Palace” otelinə “Rixos Group” otellər şəbəkəsi 600 milyon dollar təklif etmişdi.

Amma otelin Türkiyə üzrə nümayəndəsi xəbəri təkzib edib.
“Mətbuatda yayılan xəbər söz-söhbətdən başqa heç nə deyil. “Rixos Group”un otelin alınması üçün tələb olunan bu vəsaiti ayıracağı inandırıcı deyil. Çünki şəbəkə müxtəlif ölkələrdə yeni otellərin inşasını davam etdirir. Bu isə külli miqdarda vəsait tələb edir”, - deyə otel nümayəndəsi bildirib.
Otelə hazırda 400 milyon dollar qiymət qoyulsa da, Qətərli iş adamlarından biri 600 milyon dollar təklif edib. Telman İsmayılov isə otelini ərəbə satmaqdan imtina edib.