İngiltərədə gecə saatlarında mobil telefondan istifadənin insan orqanizminə təsiri araşdırılıb.
Təqdiqata əsasən, yuxudan 2-3 saat əvvəl mobil telefondan istifadə etmək beyinə səhv siqnallar göndərir. Bu isə yuxunun pozulması və depressiya kimi problemlərə səbəb ola bilər.

Qlazqo universitetinin alimləri yuxu ilə sağlamlıq arasındakı əlaqəni araşdırıb. Birləşmiş Krallıqda 37-73 yaş arası 91 min 105 nəfər üzərində araşdırma aparılıb. Məlum olub ki, bədən saatı 24 saatlıq bir günə uymayan insanlarda psixoloji və zehni problemlər daha çox qabarıq olur.
Professor Deniel Smit deyib:
“Axşam yuxudan iki saat əvvəl mobil telefonu söndürün. Çünkü telefon işığı beyinə hələ də gündüz olduğu siqnalını ötürür. Bununla da yuxunu normallaşdırmaq, ruhunuzu dincəldə bilərsiniz”.