Rusiya prezidenti Vladimir Putin bəyan edib ki, amerikan silahının Ukraynaya verilməsi prosesi artıq başlayıb.

Azerinfo.az Avropa.info-ya istinadən xəbər verir ki, Putin bu haqda Macarıstan baş naziri Viktor Orbanla görüşündə deyib.

Putin: “Ukraynaya silah verilməsi barədə onu deyə bilərəm ki, bizim məlumatlarımıza görə silah artıq daşınır və burada qeyri-adi heç nə yoxdur”.

Putin bildirib ki, Ukraynaya heç bir amerikan silahı kömək etməyəcək. O, deyib ki, silahın verilməsi ancaq ölənlərin sayını artıracaq.

Rəsmi olaraq ABŞ-da Ukraynaya silah verilib-verilməməsi haqda iki həftədən artıq mübahisə gedir. Obama bu məsələdə qətiyyətsizlik göstərir.