“Social Psychologicak and Personality Science” elmi jurnalında yeni araşdırmanın nəticələri dərc edilib.
Nekroloqların analizlərinə əsasən, dərin inanclı insanlar aqnostik və ateistlərə nisbətən 3-4 il çox yaşayırlar.

Ohayo ştatındakı universitetin elmi işçisi Laura Uolles məsələ ilə bağlı deyib:
“Maraqlıdır ki, dindarların çox olduğu şəhərlərdə inancsız insanlar da uzunömürlü olur. Bəlkə də bu ateist və aqnostiklərin inanclı qonşularının həyat normaları, adət və şablonlarından istifadə etməsi ilə bağlıdır”.

Son illər antropoloqlar inancın insan inkişafındakı rolunu araşdırıblar. Bir çox alimin fikrinə görə, insan bioloji olaraq dinə meyllidir. Bu inanc ilk insan cəmiyyətlərinə bir-birinə qarışmağa kömək edib.