ABŞ prezidenti Donald Tramp həyat yoldaşı Melaniya ilə Helsinkidədir.
Bu gün Tramp və Putin arasında görüş keçiriləcək. Danışıqlar Prezident sarayında günorta saatlarına planlaşdırılıb.

Tramp bəyan edib ki, danışıqlar zamanı Putinlə Suriya, Ukrayna məsələsi, nüvə silahları, Rusiyanın ABŞ-da keçirilən prezident seçkilərinə müdaxiləsi kimi məsələlər müzakirə ediləcək. ABŞ lideri vurğulayıb ki, Putinlə görüşü səbrsizliklə gözləyir. Amma əlavə edib ki, görüşdən sonra ABŞ-da onu tənqid edəcəklər.
Qeyd edək ki, Tramp bu gün verdiyi başqa açılamada bildirib ki, Rusiya-ABŞ münasibətlərinin korlanmasına səbəb ABŞ-ın axmaqlığı olub.