İş adamı Qəhrəman Qəhrəmanov Səhiyyə nazirinin köməkliyi ilə icra başçısı olmaq istəyir. Bunun üçün də Qəhrəmanov iş adamlarını Vaqif Abdullayevə qarşı qışqırdır...

Vaqif Abdullayev rayon sahibkarlarını “aylıq xərac”la boğaza yığıb. Beyləqandan PİA.az-a daxil olan məlumata görə icra başçısının son aylar sahibkar və iş adamlarına qarşı təzyiqləri daha da artıb. Bu isə təbii ki, əhalinin aparıcı sinfi olan iş adamlarını, orta və xırda sahibkarları hakimiyyətdən incik salmaqdadır. Bu barədə PİA.az-a ünvanladıqları şikayət məktubunda bir neçə orta sahibkar bildirilir ki, Vaqif Abdullayev tərəfindən tərəfindən iş adamlarına qarşı edilən təzyiqlərin əsas səbəbi onlardan hər ay yığılan qanunsuz “xərac”dır ki, Vaqif Abdullayev hər ay bu “xərac”ları artıqmaqla rayonda narazılığı daha da böyüdür..

Şikayətçilərin bildirdiyinə görə icra başçısı Beyləqan şəhərinin mərkəzində inşa etdirdiyi muzey və icra hakimiyyətinin qarşısının təmiri adı altında, ya da ayrı-ayrı yerlərin inşa və təmir olunması bəhanəs ilə iş adamllarından dayanmadan pul yığır. Vaqif Abdullayevin sahibkarları incitməsi isə artıq onların səbrini daşırıb və bu üzdəndə onlar problemi ictimailəşdirərk ölkə rəhbərinin diqqətinə çatdırmaqdan başqa yol görə bilmirlər.

Hal-hazıırda rayonda icra başçısı ilə sahibkarların arasında qarşıdurma o həddə çatıb ki, sahibkarlar birləşərək Vaqif Abdullayevin vəzifədən alınması üçün əlbirliyi ilə çalışırlar. Qeyd edək ki, daxil olan şikayəti araşdırdığımız zaman maraqlı vəziyyətlə üzləşdik. Məlum oldu ki, orta və xırda sahibkarlar Vaqif Abdullayevi yola salmaq üçün birləşiblər. Beyləqanda bir neçə mənbədən əldə etdiyimiz məlumatda bildirilir ki, icra başçısına qarşı birləşən sahibkarlar yaxın vaxtlarda Vaqif Abdullayevlə bağlı ölkə rəhbərliyinə müraciət edəcəklər.

Oktay Şirəliyev Ziya Məmmədovun və Fazil Məmmədovun vəzifədən alınmasından sonra bir neçə rayonun kurasiyasını ələ keçirmək istəyir.
Qəribədir ki, narazı sahibkarların başında isə Səhiyyə naziri Oktay Şirəliyevin yaxın adamı kimi tanınan, rayonda mal-qara bazarının sahibi Qəhrəman Qəhrəmanovun dayandığı bildirilir. Rayonda gəzən söz-söhbətdəndən də belə çıxır ki, yaxın həftələrdə Vaqif Abdullayevin vəzifəsindən çıxarılacağı və onun yerinə Qəhrəman Qəhrəmanovun təyin edilməsi ehtimalları böyükdür. Belə ki, rayonda gəzən şayiələrə görə bu məsələyə Səhiyyə naziri Oktay Şirəliyevin qarışıb və nazirin adı çəkilən iş adamıına ciddi dəstək verdiyi bildirilir.

Qəhrəman Qəhrəmanova yaxın olan başqa bir mənbə isə PİA.az-a bildirib ki, Beyləqanda Oktay Şirəliyevin yaxın adamı kimi tanınan Qəhrəman Qəhrəmanovun Beyləqana icra başçısı təyin olunması ehtimalı doğurdan var. İstisna olunmur ki, Oktay Şirəliyev Ziya Məmmədovun və Fazil Məmmədovun vəzifədən alınmasından sonra bir neçə rayonun kurasiyasını ələ keçirmək istəyir.

Qeyd edək ki, Beyləqan icra başçısı Vaqif Abdullayev ölkə mətbuatında adı ən çox mənfi obrazlarda çəkilən şəxslərdən biridir. Həmçinin başçının rayonda qazandığı imic də artıq hakimiyyətin imicinə ziyan vurmaqdadır. Bu üzdən də yaxın həftələrdə Vaqif Abdullayevin vəzifədən alınmasını istisna etmək olmaz.

Qarşı tərəfin mövqeyini dərc eləməyə hazırıq.