Buralarda səhiyyə sisteminin anası ağlar günə qalıb... - İTTİHAM
Dunya / Bolge
Oxunub: 898
3 okt 2018 | 16:54
Buralarda səhiyyə sisteminin anası ağlar günə qalıb... - İTTİHAM














Akademik Zərifə Əliyeva adına Gədəbəy Mərkəzi Rayon Xəstəxanasında yaşanan acınacaqlı durumun varlığı, bu gün də əksər mətbu orqanların toxunduğu mövzulardan biridir. Baxmayaraq ki, bu günə kimi rayonun səhiyyə sahəsində hökm sürən acınacaqlı durumun varlığı haqda bir neçə dəfə tənqidi açıqlamalar dərc etmişdik. Hətta, aidiyyəti qurumları baş verənlərlə bağlı lazımınca məlumatlandırsaq da, nədənsə Ramiz Pirverdiyevin rəhbərlik etdiyi bu sahədə “haqq-ədaləti” bərpa etmək mümkün olmadı.
Bir neçə gün bundan əvvəl yerli sakinlərdən bir neçəsi “Gündəm Xəbər”ə bildirdilər ki, Gədəbəy MRX-da yaşananlar, bəlkə də ölkəmizin qərb zonasında fəaliyyət göstərən səhiyyə ocaqlarından heç birində yaşanmır. Çünki, adı çəkilən rayonun səhiyyə ocağında hər bir müayinə və müalicənin konkret “toskı”sı var. Düzdür, xəstəxana bir neçə il bundan əvvəl əsaslı təmir olunub nələr dəyişdirilsə də, dəyişdirilməyən baş həkim cənab Ramiz Pirverdiyevin “daxili konstitusiyası” oldu. Çünki, həmin “konstitusiyada” görüləcək hər işin konkret dəyəri müəyyən olunub. Yəni hansısa şöbə müdiri, hansısa həkim, hansısa tibb bacısı və yaxud da texniki işçilərdən biri müəyyən olunmuş “sərhəddi” pozarlarsa, o halda həmin şəxsin baş həkim tərəfindən cəzalandırılması qaçılmaz olacaq. “Gündəm Xəbər”ə çatdırılan məlumatlarda o da qeyd olunur ki, rayonun təcili-tibbi yardım stansiyasında sıravi sürücü işləyən İlqar adlı şəxs, bu gün əsl söz sahibidir. Belə ki, o, MRX-nın baş mühasibi vəzifəsini daşıyan Səkinə xanıma bağlı şəxs olduğundan, istədiyi yaxın qohum-əqrəbasını xəstəxanada işə düzəltdirə bilir. Bir sözlə o, olduqca hörmətli şəxs olduğundan sözü-söhbəti baş həkimin yanında keçərli olur. Amma, belə bir hörmət-izzətin bəzi incəlikləri var ki, onu da müəyyən çevrə bilir. Yəni, adını çəkdiyimiz bu İlqar adlı şəxs xəstəxana daxili yeyintilərdən dəqiq məlumatlı şəxs olduğundan, baş həkim onun qarşısında bir növ duruş gətirə bilmir və şərtlərinə əməl etməyə də məcbur olur. Ona görə də, hələ ki, baş həkim bu şəxsin istəkləri ilə oturub-durmağa möhtacdır.
Bundan əlavə, xəstəxananın balansında olan “UZİ” aparatından biri poliklinikadadır və onu MRX-nın baş mühasibi olan Səkinə xanımın gəlini işlədir. Biri isə, Səkinə xanımın evindədir ki, onu da gəlini hər həftənin altıncı-bazar günləri evlərində işlədir. Hər “UZİ”yə düşməyin haqqı 20 AZN-dir. Hər iki aparatdan hər kəsə pulsuz xidmət göstərmək məqsədilə istifadə olunmalı olduğu halda, təəssüflər olsun ki, hər iki “UZİ” aparatından Səkinə xanım gəlir əldə etmək məqsədilə istifadə etdirir. Bu da hüquqi nöqteyi-nəzərdən heç cür yolverilməz haldır. Baş mühasib vəzifəsini daşıyan Səkinə xanım bu ilin iyun ayında işə gəlməsə da, çox keçmədi ki, onu işinə qaytarırlar. Əldə etdiyimiz məlumatlara görə, bunun bir çox özəl səbəbləri olub.
Diqqəti cəlb edən olaylardan biri də, Gədəbəyin səhiyyəsində yaşanan digər problemlərin varlığıdır. Bu haqda da məlumatlı mənbə “Gündəm Xəbər”ə bildirib ki, rayonun səhiyyə ocaqlarında xəstələrə verilməli olan ərzaq məhsulları, geyim formaları, müxtəlif dərman və preparatlar, lazımi avadanlıqlar onlara verilmədiyindən, hətta bir çox təminolunmalar ödənilmədiyindən, bu gün atılan addımlar çoxsaylı xəstələrin haqlı narazılığına səbəb olmaqdadır. İmtiyazlı xəstələrə verilən dərman preparatlarının “qeybə çəkilməsi”, daha dəqiq desək, rayonun mərkəzi ərazilərindəki apteklərdə satdırılması və s. Ramiz Pirverdiyevin idarəçiliyinə lazımi qiyməti verməyə imkan verir.
Faciə odur ki, yaşananlar baş həkimin gözləri qarşısında baş verir, birbaşa onun diqtəsi ilə həyata keçirilir. Ramiz Pirverdiyev isə ictimai qınaqdan ehtiyat etmir və gündəlik Gədəbəy səhiyyəsini uçurumun astanasına sürükləməkdə davam edir. Mərkəzi xəstəxananın bir növ inhisarda saxlanması da, daha çox müzakirə olunan mövzulardandır. Məsələn çatdırılan məlumatlara görə, MRX-nın şəkər şöbəsinə müdirlik edən Əlviz həkimin oğlu Səbuhinin ali təhsili yoxdur. O, özü ilə ora-bura gəzdirdiyi diplomunu saxta yolla Elşad Abdullayevin rektoru olduğu Beynəlxalq Universitetdən alıb. Bundan əlavə o, həqiqi hərbi xidmətdə olmayıb və xəstəlik adı altında, hətta özünə saxta yolla hərbi bilet də düzəltdirib. Bu gün o, rayonun Saratovka kəndində yerləşən xəstəxanada yarım ştat cədvəli üzrə də həkim işləyir. Səbuhi rayonun PŞ-nin qarşısında özünə qırmızı şiferlə bir villa tikdirib, gəl görəsən. Mehdi Quliyev küçəsində isə, özünə yeni bir ev alıb və onu kirayəyə verib. Bu gün o, şəkər xəstəsi olmayanlara xəstəlik kağızı düzüb qoşur ki, həmin şəxslər pensiya ala bilsinlər. Bu şəxs xəstələrdən 20 manat pul almamış, şəkərə aid olan aparatları onlara vermir. Əgər lazımi yoxlamalar aparılsa, o halda Səbuhinin xəstə olmadığı aşkara çıxar və onun məqsədli şəkildə həqiqi hərbi xidmətdən yayınması da bəlli olar. Hal-hazırda bu şəxsin 100 ədəd arısı və 14 min manat dəyərində ağ rəngli “NİVA” markalı avtomobili var.
Rayonun Miskinli kənd xəstəxanasındakı biabırçılıqların da həddi-hüdudu yoxdur. Yəni, burada elə bir yeyintilərə yol verilir ki, eşidib bilən hər kəs sanki dəhşətə gəlir. Belə ki, bu xəstəxananın baş həkimi qadın olsa da, onu heç zaman iş başında tapmaq olmur və onun görməli olduğu işləri, Miskinli kəndində müəllim işləyən həyat yoldaşı Duman müəllim aparır. Eyni zamanda o, lazımi sənədlərə saxta yolla imzasını da atır. Xəstəxana dörd kənd sakinlərinə xidmət etmək məqsədilə tikilib. Vəziyyətin belə bir hal almasına əsas səbəb, ştat cədvəli üzrə Miskinli kənd xəstəxanasında baş həkim vəzifəsini daşıyan şəxsin Rüfət Aslanlının əmisi qızı olmasıdır. Hazırda xəstəxanada heç bir televizorun, kompyuterin, xolodelnikin və s-in olmasından söhbət gedə bilməz. Yəni, verilən nə olubsa hamısı satılıb və əldə olunan pullara Duman müəllim özünə 19 min manat dəyərində “ŞEVROLET” markalı niva maşını alıb.

P.S. Bu gün Gədəbəy səhiyyəsinin acınacaqlı durumu daha çox müzakirəyə ehtiyacı olduğundan, bir mətbu qurum olaraq problemlərin varlığına bundan sonra da diqqət yetirəcəyik. O halda hər kəsə bəlli olacaq ki, adı çəkilən rayonun səhiyyəsi ilə bağlı artıq əməli addımlar atmağın zamanı çatıb. Mövzu diqqətimizdədir.
GundemXeber.Az
Bu gün, 16:00
Azərbaycandan çox şey götürdük, verməyəcəyimizi dedik... - NƏ OLDU?
Bu gün, 15:30
Ermənistanın demarşı: Rusiyanın ikinci cəbhə açmaq imkanı yoxdur - NƏ BAŞ VERİR?
Bu gün, 14:22
Yüz minlərlə azərbaycanlı Rusiyadan geri qayıdır? - NƏ ETMƏLİ?
Bu gün, 13:16
Yaşayış binalarında da parklanma yerləri BAHALAŞDI - Yeni qiymət
Bu gün, 13:00
Şahmar Hüseynov vəzifəsindən azad edildi - YENİ TƏYİNAT
Bu gün, 11:56
Sabah yerimizdə oturacaqlar, qan töküləcək, Azərbaycana qaytarılmalıdır – Andranik Köçəryan
Bu gün, 10:53
"Xəzər Lənkəran"la bağlı şad xəbər - Seçimlərə başlandı
Bu gün, 10:12
“Yaxın günlərdə daha 73 nəfərin adları ictimaiyyətə açıqlanacaq”
Bu gün, 10:08
Azərbaycanda dövlət xadimlərinin həyatına 7 sui-qəsd cəhdi olub - DTX rəhbəri
Bu gün, 10:02
Dünya "Qarabağ"ın ulduzundan danışır: Nələr dedilər? - VİDEO
Bu gün, 10:00
Bahalaşmanın növbəti dalğası gəlir: Evlərin qiyməti yenə artacaq
Bu gün, 09:56
Lənkəranda faciə: Ata və oğul öldü (FOTOLAR)
Bu gün, 09:49
"Crocus"da qəhrəmanlıq göstərən sumqayıtlı: "Onlar məndən üzr istədi"
Bu gün, 09:44
ABŞ və Avropa Birliyi Qafqazda sülhü bloklayır: Qərb Ermənistanın hərbi təxribatlarına dəstək qərarı verib
Bu gün, 09:41
Finlandiya rus oliqarxların Helsinkidəki idman-konsert kompleksini əllərindən alır
Bu gün, 09:39
Xristianlıqla İslamı üz-üzə qoymaq istəyirlər - Kirill
Bu gün, 09:37
Məşhur Azərbaycan filmlərində heyvanlara aktyorlardan çox qonorar verilirmiş
Bu gün, 09:31
Putin: “Rusiya üçün dost olmayan elitalar...”
Bu gün, 09:18
Fransa ordusu Ukraynaya girir - 5 ssenari
Bu gün, 09:00
Solovyov Bakıya şər atmağına “peşman” oldu
Dünən, 16:42
Dördüncü dəfədir ki, bayram tonqalı azad edilmiş Qarabağ torpağında qalanır
Dünən, 16:00
Ermənistan Türkiyənin vilayətinə çevriləcək - Petrosyan
Dünən, 15:30
Ermənistan sərhəddəki kəndi Gürcüstana verir? - “Joğovurd”
Dünən, 14:27
Xocalı şəhərində Şəhidlər xiyabanı salınır
Dünən, 14:22
Zaxarova və Peskov Ermənistana hansı mesajı göndəriblər -ŞƏRH
Dünən, 14:00
"Peysər", "qaşqaldaq" sözlərinə o mənfi mənaları kim yükləyib? - Alimdən etiraz
Dünən, 13:18
Xocalıya ilk köçün tarixi açıqlanıb